جو المطر و الغيم وأنا وزانك

جو المطر و الغيـم وأنا وزانــــك
يحـي هشيـم عـروق قلـب "ن" يبـــاريك

قلــب"ن" يحبــــك صدق ويعز شانــك
وما يصــدق الهرجـات لاذي ولا ذيـك


ولـــو كنت تـدري فـي " الحشا " وش مكانك !!
ماسقتنــــــــي شرهه ولا قلت وش فيك !

ريح المــــــــطر طـرى "غلاك" وزمانـك
وأنـا علي "به" نـذر مانــي بناســيك

الغيـم "وجهـك" والمطــر من " حنانــك "
"والجــو" كنه "ضحكتك" كـل ماجيك

صوتـــــــــك دفااي ومسمعـي "ترجمانـك"
أدعـي المشاعــر" كل أبيها " وتـــاتيـك

الثلـج كنه ذايــــــبٍ "ن" فــي " ثمانـك "
والملــح كـنه ينتثر فــي "خطاويـك"

والـى ألتفت وفــــــــاح لـــي "زعفرانك"
شفـت " الجديـل " اللي لي الساق يضفيـك

دلـــوع " أبيك " اللي يحشمـك وصانك
رجـل "ن" عـلى عذب السجايـا " مربيك"

والله و أمـان الله ثم "أماني "و أمانيـك
انـي " مولـع " بك و أحبــك وشاريك

تــدري أنا ليه أتنفـــس ؟ " عــــشانك "
وتـدري وش يصبـر خفـوقي ؟ " رجاويك "...

أجمـل حكاوي " الشوق " .. تسكن لسانك
وأغلـى الدقايــق كلها يــوم " أحاكيك"

اللي بقولـه وأنت عــارف "مكانــك "
[ لاتبطي بوصلك تــرى القلب يدعيك ]