آآه كـنّ الكـون كلـه فـي شرايينـي انحسـر

يلعن أبو غيابك يسوي الْ مـا يسويـه البشـر



حطني داخل متاهة ؛ وقال : يالله شوف حـل ..!



قمت في قمّة ْ صراعي لغيبتك يَ اغلـى الـدّرر



كيف ترجي مني امشـي وْغيبتـك ثقـل الجبـل



آآه من قسوة غيابكْ : [ كسر ] فيني ما انجبـر



بس لـه لـذة غريبـة ؛ لـو ابالـغ كالعسـل



في غيابك ؛ كل شي ٍ ينقلـب جامـد [ حجـر ]



طافت عروقي لغيابك ؛ كنها تْطـوف بهُبـل ..!



في غيابك كل لحظـة : تنحسـب عنـدي دهـر



في غيابك مات قلبي - لا حشى - منْـه انقتـل



آآه كـنّ الكـون كلـه فـي شرايينـي انحسـر



ترتطم فيني كواكب ؛ ويوقف بحلقـي زحـل ..!



لو حكى ثغرك حـروف بْينخسـف منهـا قمـر



ولو لمع داخـل عيونـك ضـوّ بيصيبـه شلـل



ولو تبسّمتي ثوانـي : زاد بـي ضحكـك عُمُـر



كنّ في ضحكة شفاهك : معجزة تأجّل [ أجل ] ..!



فكرة ْ غيابك جريمة ؛ وتشهد لقولي " مصـر " :



قُدّ شوقي في غيابكِ يا عزيـزة ُ مـن قُبُـلْ ..!



البخل ما هـو بْمـال ٍ مـا يجـود بْـه البشـر




البخل اني أعرْفك - وما اشوفك - ذا بخـل