مش هسيبك على راحتك

دلوقتى بس بقيت تنسى
وانا كنت عايشه معاك لسه
اعملك ايه ويفكرك
ويصحى فيك كل ماتنسى

انا سيبت صورتى قدامك
يمكن تشوفها فى احلامك
ولما ثانيه تغيب عنى
تنطق باسمى فى كلامك



وصيت صحابى اللى يقابلك
واللى هيمشى من جنبك
بطرف عين هيبصوا عليك
وهيقولولى مين عندك





وجبت ساعه عشان تحسب
اوقات غيابك لو تبعد
ولما تيجى اقولك شوف
واعرف بتصدق او تكدب





ومش هسيبك على راحتك
تبعد وتاخد كده راحتك
هتكون عينيه عليك دايما
اغلبك واقلق راحتك






لحد ماتسلم وتكون
مكان محبك جنبى تكون
وتبقى نفسك اقول ايوه
واروح معاك اقرب مأذون





ساعتها بس هكون حسه
انى انا فى قلبك لسه
بعد الفرح والنور والورد
عمرك مايوم ابدا تنسى

 

تسلم الايادى ياقمر توبيك ممتاز جداا