روشتة رمضان

روشته رمضانية


لازم نخلي نفسنا تعمل الحاجات دي::




الإخلاص لله


طبعا عارفين إنك مخلص لله
أو ممكن تقول كدة بس تعرف منين ان دة اتحقق ؟

ساعات ممكن تعمل بعض الأعمال ظاهرها لربنا
وباطنها للناس
وساعات تانية تعمل أعمال لربنا
ولكن بردة للناس
طيب نعمل إيه ؟؟


هقولكو ..تعالو نخلي كل أعمالنا لربنا بس يعنى
قبل ما أعمل أي حاجة هاحقق في نفسي


الإخلاص لله ..
وهاطرد من قلبي أي حد ممكن يكون العمل له
عشان يعجبة أو يمدحني عليه
عاوزين أول حاجة نعملها صلاة توبة
من الاعجاب بالنفس و الحاجات دي
اتفقنا ..



اتق الله فى حواسكـ

ساعات بتكون صايم بس لسانك مش صايم
واوقات بتكون صايم بس عينك مش صايمه
والمفروض بتكون صايم بس الناس
مبتسلمش من الاذى الي جاي منك
زي التريقة كدة انا خلاص هعتزلها
هتقول انا بسلى صيامى لما بتفرج عالتيليفزيون
او بمكالمات تليفونية ملياانة بالنميمة والغيبة
يبأة دة كدة صيام ؟
عاوزين نتفق اننا هانصوم صيام كامل وصيام صح
كل الحواس تصوم
وكل ما يحاول أي حد يشغلني ويطلعني
من حالة الصيام بالمعاصي حتى لو كان الحد ده نفسك
لازم توقفه عند حده لازم تقول لنفسك وأقول لنفسي كفاية لعب
فياريت نصوم دائما عن المعاصى حتى بعد رمضان اللى هتدرب نفسك فيه
لأن كل مرة نطلع من رمضان بهمه عالية و بسرعة تقل وتخف بعد رمضان
..المرة دى هنخلي رمضان تدريب وبداية للي بعده ان شاء الله






صلاتى صلاتى

بتخاف من ربنا؟؟

اكيد هتقول اة بخاف بس سلوكك بيقول ساعات غير كده
يعنى سرعتك فى الصلاة
وتلفتك
وسرحانك
فى صلاتك مش بيقول كده؟؟!
طيب متزعلش ...
تعالى نتوب ونرجع ...والله لو فكرنا شوية
هنخاف ربنا لو افتكرنا لحظات قبض الروح ووحشة القبر
صحيح لازم نحسن الظن بربنا ..
بس حسن الظن ساعات بيخلينا
نبأة مطمنين و ممكن نكون في غفلة ..
و هو دة الخطر
هنصلى بس لازم صلاتنا تختلف خالص..
هتصلى وانت خايف من ربنا و مقدره
انت عارف بتسجد لمين ؟؟

إسأل السؤال ده لنفسك وإنت رايح تسجد
الإجابة هسجد لربنا ...
يبأة لازم تتقن سجودك وتلاوتك وركوعك
ولما تخاف وتخشى الله اكيد هتخشع جدا لله




انقطع عن الدنيا مع كلام الله


تنكر إنك عاوز تختم القرآن كتير... ده شئ كويس
بس ساعات كتير مش بنفهم آيات في القرآن
مش كدة ؟
طيب ..

إقرأ ولكن المرة دى هتقرأ بشكل مختلف
هتركز وتفهم كل آيه
إنت عارف إن كل آيه ليها لازمة و مهمة طبعا
خلاص لازم تعرف الآيات بتقول إيه ..
طيب أقولك على حاجة كويسة ::
هنعمل حاجة إسمها الكراسة القرآنيه
كل آيه قرأتها أثرت فيك وأبكتك سواء أكانت
عذاب أو ترغيب
سجلها فى كراستك أوعى مش تسجلها ..
أول مرة... هتسجل مجموعة آيات
تانى مرة... الآيات هتزيد وهكذا ..
وبالطريقة دى هيزيد ارتباطك بكلام الله
تعال بعد رمضان خد الآيات اللى اثرت فيك
وطلع تفسيرها وبكده هيزيد أكتر ارتباطك
بكلام ربنا.



تلطف فى الدعوة

أحيانا بتنصح أى حد فى المسجد وبيطلع الكلام جامد
وأحيانا حد بينصحك فى المسجد وبتزعل جدا لنفسك
حتى لو كان كلامه صحيح
لاء تعال بقى نتناصح فى الله ومنزعلش ..كله بأجره
وفى نفس الوقت مينفعش مننصحش الناس..من الكسوف مثلا
أو الخوف من رد الفعل ..فالأمر بالمعروف والنهى عن المنكر واجب
على كل مسلم
بس الأهم التلطف فى الدعوة



صدقـات سـر وعلـن


تصدق... إياك يوم يمر عليك من غير ما تتصدق ..
مع تعديد النية
تصدق علنا عشان الي يشوفكـ يخدكـ قدوته و يتصدق زيكـ
وسرا حتى تبتعد بنفسك عن المنظرة او انك تترسم يعني
تصدق بصحتك فى خدمة اخوتك
وتصدق بالنية إن لم تستطع التصدق بالمال
لكن حاول أن تتصدق ولو قليل عشان ربنا يباركلكـ



عدد النوايا

كتير مننا بينسى يعدد النوايا
و الي بيميز المسلم هو تعديد النوايا
وأنت فى بيتك نايم عدد نواياك
ممكن ينام حد و ميعددش النوايا و مياخدش حسنات
و ممكن حد ينام و ياخد حسنات
على انه هينام عشان يريح جسمة عشان يصلي القيام و كدة
حتى الأكل بردة عددله النوايا



خطط وقتك


استغل كل أوقاتك لله ولرضا ربنا
واعمل لنفسك جدول زي مثلا قراءة جزء من القرآن بعد كل صلاة




إنت وأهل بيتك وفى عملك

حاول تنشر الكلام ده ..
وحاول توضح لكل اللى بتتعامل معاهم
أهمية الشهر الكريم وأهمية أن ترضى الله
و أهمية انكـ تحافظ على صيامكـ
زي المحافظة عاللسان من الكلام الي ملوش أهمية

وأخيراً
كل عام أنتم بخير