طريقة عمل بطاطس بانيه للسحور

المقادير:

½ كيلو بطاطس مسلوقة
كوب بقدونس مفروم
2 بيضة متوسطة
كوب بقسماط
زيت للقلي
ملح وفلفل
كمون

الطريقة:

1- اهرسي البطاطس كويس وتبّليها بالملح والفلفل والكمون.

2- ضيفي عليها البيض والبقدونس وقلّبيهم كويس.

3- خدي كميات صغيرة من البطاطس واعملي بيهم أقراص زي الطعمية.

4- قلّبي أقراص البطاطس في البقسماط كويس بحيث يغطّيها من كل الجوانب، وبعدين اقليهم في زيت ساخن غزير لحد ما يبقى لونهم ذهبي، وبعد كده طلّعيهم على مناديل ورقية علشان تشرب الزيت وقدّميهم مع سلطة خضراء.