مشكلتك انك

مشكلتك دايما مش إنك
بتحاول تهرب من حاجه
مشكلتك انك بتحاول
تهرب من نفسك بسذاجه
وياريته بينفع صدقنى
آدى دقنى ان عشت
و قلبك راضى

تتحجج وتصدق نفسك
وتعيش مع وهم إسمه الماضى
وتضيع عمرك على الفاضى
مع ذكرى مهياش محتاجه
مـ الآخر مهما تقول وتعيد
وتمثل ان انت سعيد
وتكرّوت كام ضحكه بتلمع
فـ عيون الناس ساعة اللما
قال يعنى خلاص نفسك صافيه
ومشاعرك قال مش مهتمه
متغير .. عمرك ما هترجع
يوم زى زمان ..

انا عارفك أصلا مانا ساكنك
اتنين عايشين مع بعض سنين
ساكنين وفـ نفس العنوان
فـ دماغ انسان ..

انت بتفرح علشان كداب
أما انا فـ النُص الزعلان !

 

ما اروعك يا ملكة الحروف وكلمات رسمتي النا بين سطور متصفحتك موضوعا رائعا حتى جعلتني ارسم بي قلمي

ابدعتي وتالقتي بي انتقائك واسلوبك وتعبيرك مميز وراقي التي تفوح منها رائحة لإبداع

انتظر جديدك بفارق الصبر