صور شعريه من صحاري نجـــــــد

عندما تهطل الأمطار على صحاري نجد…تعشب الأرض…و تغرد الطيور… و ترتع الأبل….و يخرج أهل نجد لتتبع تلك السحب فيرصدونها ويتتبعونها و السرور يملء قلوبهم….و السعادة تبدو على وجوههم….فهذه دعوة مني إليكم لزيارة نجد عبر الحرف و الصورة فلعلها تنقل لكم بعض المشاعر عبر ….و تفضي على قلوبكم بعض السرور….و تبرد عنكم حر الصيف….. فأتركم مع هذه اللقطات لهطول الأمطار على صحاري نجد و نبت الربيع و رؤية الحلال و الاستمتاع بعلوم الرجال…و افصلها بفواصل من روائع الشاعر / محمد الأحمد السديري…عن نجد و سكناها .






إن كان بي عذروب حبي لهل نجد=أحبها وأحب شمة هواها
أحبها يوم أنها ديرة المجد=دار تمكن بالضماير غلاها
دار غلاها باجد مهجتي بجد=دار لنا دار ظلالي سماها
إن غبت عنها الحقت وجد على وجد=متذكر عقب البطا برد ماها



اخذت اعد ايامها والليالي=دنيا تقلب ماعرفنا لها قياس
كم فرقت مابين غالي وغالي=لو شفت منها ربح ترجع للافلاس





دار لنا ما بين صاره والأنفاد=عسى عليها الوسمى يمطر حقوقه
عسى يسقيها من الغيث رعاد=مزن من المنشا تلاعج بروقه
ويضفى على نجد الوفا دار الأمجاد=اللي بها المضيوم ياخذ حقوقه
والعشب غطى باذره كل الأوهاد=من دافق الرايح تسابق عنوقه
يا حلو لجات الزهر وسط الأجراد=إن ذعذع النسناس مالت عذوقه




في وسط نجد اتبع هوا كل نسناس=وأطرب لشوق طيورها وتغريده
أعشق ليالي نجد لو أنها أدماس=وأيامها عندي جنان سعيدة
شمى لعشب رياضها يقعد الراس=ومافات من ساعات عمري يعيده





شوف الزهر يبعد عنا كل هوجاس=ويزيح عن قلب الشقا ما يكيده
وأحب نجد وكل حبي على ساس=حب بقلبي له قصور مشيده
عندي وعرها مع سهلها والاطعاس=غابات ورد في زهور نضيده
برياضها محلا هدد كل قرناس=ان شاف حفان الحبارى يصيده
أنا من من نجد يكفيني هواها=و يبري لوعتي شربي لماها
و شوفي من نبيه ومن نوده=غزال تابع قلبي هواها






غزال ضيعت عقلي و روحي=رمت قلبي و قلبي ما رماها
لها بالروح وفؤادي مودة=و لاشيء من أحوالي خفاها
تعرف أني لها مملوك طايع=أبيع الروح في دورة رضاها
أهيم بحبها واخفي جروحي=وقلبي ماعشق زول سواها
توقد حبها بأقصى فؤادي=و نار الحب يحرقني لظاها





ملكني بالهوى عذب السجايا=و لاأذكر ساعة قلبي نساها
نحيل الخصر وضاح الثنايا=نظيمالدر منظوم بفاها
فجعني بالهوى ورقا حمامة=وعيني منه جاها ما كفاها
ورا دنياي عقبه لوعتني=من الفرقا تكدر لي صفاها

 

يسلمو الايادى رووووعه