ابي اجمع جيوش الحـب وأحتلـك

ابي اجمع جيوش الحـب وأحتلـك
مسكين ربي بلاك بعاشـق اٍرهابـي

سلم جيوش الغلا للمغرم احسـن لـك
وسجل جنود الهوى والحب في حسابي

ماتدري اني تعبت اليـن مااوصلـك
من بعدماحزت ياخلي على أعجابـي

من يوم شفتك وانا مفتون فـي كلـك
ياليت تدري جمالـك ويـش سوابـي

يازين يازين ارفق بـي وانـا خلـك
ارفق تراني معك عايش على اعصابي

اضييع فالناس كـل النـاس وادلـك
ولاأشوف غيرك يجي دايم على بابي

وحدك ملكت الخفـوق اللـي مودٍلـك
وانت اول الناس وانته اخـر أحبابـي

ترا الغلا والدلـع يازيـن حـقٍ لـك
مانيب لايمك لو كثرت فـي صوابـي

دامي محاصرك سلم قلبك ازيـن لـك
والا تحمل هوى مجنـون واٍرهابـي