منتديات حـــبة حــب - عرض مشاركة واحدة

05-31-2012, 07:40 AM

* الــــــــجــــــزء الــــــثـــــالـــــث *

في السوق 00000
غزل : ياربي استر يارب
شوي وتسمع صوت من وراها 00
خالد : والله وتخافين ربج 0000هههههههااااي
غزل بقهر : يله هذا انا جيت اخلص وعطني الأشرطة قبل محد يشوفني 0000
خالد ببرود : لاحياتي موعلى كيفج اقعدي وخليني اتأمل في جمالج يله انثبري
غزل بخوف : خالد تكفى انت عارف انا منو وبنت منو ؟؟ الله يخليك خالد عطني وخلني اروح
خالد بعصبيه : وخير ياطير واحد اضربج على ايدج وقالج العبي بقلوب الرياجيل ولا عشانج بنت 000تسوين الي تبينه , لاحياتي موعلى خالد هالسوالف هالمرة طحتي على ذيب مو على خروف (على صراخ خالد في المجمع كل الناس تجمعوا عليهم , اما غزل فكانت منزله راسها ودموعها ماوقفت من الخوف والفضيحة 000
خالد : وتدرين عاد انج بالنسبة لي ولا شي يعني محتقرج لأنج وصخه ودنيئه ولا يشرفني اني احب وحده نفسج مين ماكانت
ويقرب خالد من غزل ويرفع وجهها ويقول : لاوبعد تبكين تدرين شلون تستاهلين كل دمعه طلعت منج ياحقيره هذا جزاءج مثل ماقطعتي قلب حمد وخليتيه يبكي دم عشان حقارتج ولعبدج السخيف والي منتي قده
حست غزل بالأهانه الكبيره مرررره وحست ان جسمها شوي ويطلع منه نار من القهر وبما انت وجه خالد قبالها تفلت على وجهه من القهر ومشت بسرعه وقبل لين خالد وراها ومسكها من ايدها وقعد يهزء فيها 00000

"""""""""""""""""""
""""""""""""""""""
في السينما 000
سعود : انا بروح اجيب لي كولا تبي معي ؟؟؟
علي : يلعن خيرك ماشبعت توك شارب كولتين 00
سعود : اخاف من حلالك شي وانا مدري
علي يضحك : هههههههاااي لاوالله بس خايف على صحتك
سعود : يعنني مندمج مع الفلم 000هههههااااي
شوي يسمعون صوت عالي
اذا موعاجبكم الفلم طلعوا برى
علي : لاوالله عاجبنا دافعين فلوس ليش
سعود : خلاص خلاص اسكت انا روح خمس دقايق وجاي
طلع سعود من صالة السينما واستغرب الناس كلهم مجتمعين وصوت صراخ , قال في نفسه اكيد في احد مغمى عليه او هوشه راح يشوف شنو الي صار ودخل بين الناس
وشوي لفت انتباهه شخص حس انه يعرفه ركز شوي , شوي ترجع له ملامح البنت الي دخلت عليه بالدوانية راح سعود لاشعورياً لخالد الي كان ماسك غزل من ايدها وقاعد تهزيئ فيها قام وسعود وعطى خالد كف خلها يدوخ من قوته ومسك غزل المتفاجأه وعلى طول طلع معها برى المجمع ومن دون أي كلام 00حس سعود انه الحين بعيد عن الناس التفت على غزل الي كانت منهارة مررره
سعود بحنان : ليش الدموع ؟؟
غزل : 0000
سعود : تعرفينه ؟؟؟ولا من الشباب الطايش
غزل : ابي ارد البيت
سعود : زين انا اسف بس ما :أبيج تردين وانتي بذا الحالة
غزل : سعود تكفى لحد يدري بالي صار
سعود : ولو مو انا الي افضح شعر وجهي ياغزل عشان كذا ماأبيج تروحين للبيت وانتي تبكين
غزل : لاتخاف محد راح يدري عني البيت شكبره
سعود : مع منو جيتي
غزل : مع السايق
سعود : لحالج ؟؟
غزل وهي منزله راسها : ايه
سعود حس انه طول معاها : خلاص انا بعد احس اني طولت معاج يله روحي بسرعه قبل مايطلع علي 00
غزل : اوكي
سعود بتردد: آآ غزل :
غزل تلتفت : هلا
سعود : انا حاب اطمأن عليد واعرف شغله
غزل مافهمت : شنو؟؟
سعود : يعني اذا جاج رعم غريب رد ي لأنه انا 000
غزل تبتسم : ان شاء الله يله مع السلامه
راحت غزل للسياره وسعود رد للمجمع وتفكيره بين غزل والي صار معها شوي دق تلفونه
سعود : هلا
علي : وجع وينك انتهى الفلم
سعود : هاااااه
علي : وجعااه كل ذا كولا
سعود : زين مالي خلقك انا عندي السياره يله اطلع
علي : شفيك معصب وبعدين وش وداك للسياره
سعود : انت تعال وبتعرف
في السياره 00000
علي يضحك : وماجاك وجع الراس الا اليوم ههههههااااي
سعود كان تفكيره كله مع غزل : 0000
علي : يابو الشباب شفيك ؟؟؟
سعود : لا مافيني شي بس تعبان شوي
علي : يعني منت سهران عندنا
سعود : لاوالله يوم ثاني ان شاء الله
نزل علي سعود لبيتهم وراح
دخل سعود للبيت كان البيت هدوء الكل نايم راح لغرفته واخذله شور وبعدها انسدح على السرير يحاول انه ينام وماقدر ينام من التفكير بالي صار (معقولة غزل البريئه الطفله تطلع من هالنوعيه 00لالامستحيل غزل غير بس منو الي يهاوشها ؟؟ استغفرالله ياربي انا شفيني ليش قاعد افكر فيها 00ايه عادي هذي بنت عمي حسبت حنين بس المشكله انها غير
الله اكبر الله اكبر 00 لا اله الا الله
ماحس سعود بالوقت الي كان ماخذه منه عقله وقلبه بين الصح والغلط 000
قام سعود وتوضأ وراح للمسجد عشان يصلي الفجر 00
يوم رجع راح للمطبخ عشاي يشرب ماي وهو داخل لقى حنين
سعود : السلام عليكم
حنين : هلا والله وعليكم السلام وينك من امس ماشفتك
سعود وهو يحط الكاس : كنت طالع مع علي
حنين : لاحول ترى كل وقتك مع علي عطنا نصيب
سعود: ياشين الي يبون يتلزقون
حنين تضحك : ههههاااي حرام عليك هذا وانا فاقدتك وتقولي هالكلام
سعود : امزح يالشينه انا بروح انام
حنين : اذلف يالشين
طلع سعود وبنص الدرج تذكر شي ورجع ركض لحنين
سعود : حنين !!!!!
حنين : بسم الله خير وش فيك
سعود : وين تلفونج ؟؟؟
حنين : ليش ؟؟
سعود : ااابي مسجات ؟
حنين : بكره ان شاء الله الحين روح نام
سعود بعصبيه : اخلصي وعطيني اياااه
حنين : زين لاتصارخ تلقها فوق بغرفتي 00
راح سعود لغرفة حنين واخذ تلفونها وقعد يدور على رقم غزل طلع تلفونه وسجل الرقم وراح لغرفته 00
ادق ما ادق ادق ما ادق ولالابس اخاف نايمة الناس دوامات 00
خلاص الرقم عندي وبكره ان شاء الله ادق 000 وحط راسه وناام
""""""""""""""""
""""""""""""""""""""""""""""

""""""""""""""
في بيت ابو عبدالرحمن 000
غزل طبعاَ ردت البيت
بغرفة غزل 000
كانت كل شوي وهي طالع تلفونها وتقول يارب ياسعود انك تكون قد كلمتك ولا تفضحني 00قعدت غزل تفكر بسعود وفزعته وحنانه ولو ان سعود ماجاها كان وش راح يصيرلها ولا قدرت تنام ماتدري ليه قعدت لين طلعت الشمس ثم تعبت ونامت وهي ماتدري شنو راح يصير لهاااا
"""""""""""""""""""""
""""""""""""""
"""
في الجامعه 000
حنين متفاجئه : لاشنو شقاعده تقولين
بشاير ببرود : انا مالي دخل هو من زمان وهو ميت عليج ويوم شافج ذاك اليوم زاد حبه وعشقه وهيامه الله واكبر قيس على غفله هههااااي
حنين تتطنز : قيس على غفله ؟؟ ياشينج
بشاير بضحك : عاد انا قلت لأخوي العزيز شنو الي عاجبك فيها تسد النفس سبحان الله كل ماشفت الشاذي اتذكرج هههههاااااااااااي
حنين وهي قايمه : ياشين الغيره قومي بس خلنا نلحق على المحاضرة تراها بدت
قاموا حنين وبشاير وكان كل تفكير حنين بياسر هل هو صدق لي لحين يحبني (ياسر من يوم كانت حنين صغيره وهو يحبها ويشتريلها حلويات ومدلعها مرره هم كانوا جيران حنين بس انتقلوا لبيت ثاني وهذا الي قطع قلب ياسر لأنه ماراح يشوف حنين كل يوم وبذاك الوقت يوم انتقلوا كان عمر ياسر 18 وحنين 14 وكانت مراهقه )
بس علاقت حنين ببشاير مستمره بحكم انهم عايشين ونفس المدرسه وكل شي كانوا مع بعض وفرحهم وحزنهم واحد ودايماً على قلب واحد حتى بنات المدرسه كانوا يحسدونهم على بعض
بشاير : وجع ان شاء الله يالخايسه
حنين : يوجعج شفيج ؟؟؟
بشاير : صارلي ساعه اتكلم وخلصت المحاضره وانتي ولا عندج
حنين : تدرين انج دفشه
بشاير : هههااااي مو اول مره احد يقولي هالكلام
حنين : يله انا بقوم الحق على الباص قبل مايروح ثم يذبحني فيصل
بشاير : والله اشك انه اخوج يله انا بوصلج عند مكان الباصات
راحوا حنين وبشاير مصافط الباصات وقعدت حنين تحوس وادور على باص منطقتهم وسألت الهندي
حنين : حجي وين باص منطقة 000
الهندي : هذا يروه من ساعه
حنين اخترعت : راحت روحه وليش يروح
الهندي : مادري مدام
حنين : خلاص مشكور
بشاير : ههههههههههههههههههااااي اجل بكره عزاج هههااااااااااااااي
حنين: ضحكتي بلا ضروس انطمي بس
بشاير : شدعواا ليش معصبه بتروحين معي ياقلبي
حنين : مابعد انهبلت اركب مع ياسر
بشاير : ليش شفيه اخوي حبيبتي
حنين : مافيه شي بس لودرى فيصل ذبحني
بشاير :تراج غثيتيني كل شوي فيصل وفيصل مو مسويه غلط انتي
حنين : خليني ادق على سعود
شوي دق تلفون بشاير
بشاير : هلا
ياسر : يله وينج
بشاير : يله كاني طالعه خمس دقايق وطالعه
ياسر : يله مع السلامه
بشاير : مع السلامه
بشاير : يله امشي ياسر ينطر برى
حنين : لالابشاير حياتي روحي وانا بدق على سعود
بشاير : حنين يله عاد ترى بزعل منج شنو بتسوين انتي كله بتركبين وبتنزلين ماسويتي ذنب يله بسرعه ترى الشمس فقعت راس اخوي
في السياره 0000
ياسر طاير من الفرحه : شخبارج حنين
حنين بخجل : تمام
بشاير : احم احم نحنوا هنا
ياسر : ندري يعني عمياان
بشاير : زين عطوني وجه
ياسر : اقول حنين
حنين وصوتها ياله يطلع : هلا
ياسر بقلبه يازين الصوت : شلون متحملتها
حنين تضحك : هههههاااي حرام عليك والله انها عسل
بشاير : يابعد جبدي ياحنين محد مقدرني الا انتي
ياسر : افاااا ياحنين بغيتج عون صرتي فرعون
بشايروحنين : ههههههههههههههههااااااااااااااي
ياسر : عساها دوم هالضحكه
بشاير بمكر : تسلم
يلتفت ياسر عليها : دوم لحنين مو لج يالملقوفه
ضحكت بشاير على ياسر ووصلوا عند بيت حنين
حنين : يله مع السلامه ومشكورين
ياسر : ولو ماسوينا الا الواجب
دخلت حنين البيت وهي خايفه انها تقابل فيصل 000
حنين : السلام عليكم
ام فيصل : هلا وعليكم السلام وش ذا التأخير
حنين : لايكون فيصل معصب ؟؟
ام فيصل : لاولا درى عنج
حنين : اشوى
ام فيصل بشك : ليه وين كنتي
حنين : الله يهداج يمه يعني ويني بالجامعه
ام فيصل : وليش خايفه
حنين : لأنه كانت عندي محاضره والباص طافني وتأخرت وخفت انه يخانقني زي ذاك اليوم 00
ام فيصل : خلاص يمة روحي بدلي ملابسج وتعالي تغدي
حنين : لايمه مالي نفس انا بروح انام
راحت حنين لغرفتها وبدلت ملابسها وانسدحت على سريرها
آآآآه ياياسر فتحت علي باب كنت احاول انساااه من زماان آه ياياسر نظراتك هي نظراتك ماتغيرت تظرة حب وحنان ليه تسوي فيني كذا ليه 00احسبك خلاص نسيت ايامنا 00اثاريك مانسيت شي ياربي ياياسر اخاف اتعلق فيك احبك وتتخلى عني
شوي ويقطع عليها حبل افكارها صوت مسج فتحت المسج
احبك واموت فيك
واموت بعيونك
ولايهون باقيك
بختصار احبك واموت فيك كلهااا مااا توفيك 00
شافت الرقم ولقته غريب 00قالت اكيد غلطان رجعت وحطت راسها على السرير ونامت

"""""""""""""""""""
""""""""""""""""""""""""""
في بيت بشاير
بشاير : يمه ماشفتي تلفوني ؟؟؟
ام ياسر : وانا وش يدريني عنه
بشاير : ياربي يعني وين راح
ام ياسر تضحك : الظاهر انه سير على الجيران هههاااااي
بشاير : والله صايره تنكتين يمه ههااااي
ام ياسر : ليش محد يعرف ينكت الا انتي
ياسر : السلام عليكم
ام ياسر وبشاير : وعليكم السلام
ياسر : هاج تلفونج
بشاير : شنو الي جابه عندك
ياسر وهو مسوي نفسه برئ : مدري لقيته بغرفتي يمكن يوم انج جايه تقرقرين على راسي ونسيتيه
بشاير وهي شاكه : يمكن
ام ياسر : امشو نقعد بالدوانية مع ابوكم لايحسب انا مطنشينه

""""""""""""""""""""
""""""""""""""""""""""""""""
"""""""""""""""""""
في بيت ابو عبدالرحمن
الكل قاعد بالحديقه ومجتمعين ماعدا غزل الي ماطلعت من غرفتها وخايفه ولا تدري شنو تسوي 00
تركي : يمه وين غزل ماشفتها من امس ؟
أم عبد الرحمن : اكيد بغرفتها ؟
تركي وهو يضحك : والله كنها عايشه بفندق الكل يجيها فوق وتطلع وتروح على كيفها اشك اني اخوها هههههااي
ابوعبدالرحمن : تركي وش ذا الكلام الي تقوله عن اختك
تركي : شدعوااا يبه امزح
دخل عليهم عبد الرحمن
عبد الرحمن : السلام عليكم
الكل : وعليكم السلام
قعد عبد الرحمن معهم سوالف وضحك
تركي يضحك: يارجال اخلص علينا وتزوج وراك ناس اخلص
عبد الرحمن و ابتسامة ترد الروح: عن قريب إن شاء الله ارتاح بيجيك الدور
أم عبد الرحمن وهي مستانسة : الحمد لله مابغيت ، وش رايك بدلال بنت خالك زين وجمال 00
عبد الرحمن: لا لا يمه البنت أنا مختاره وقريبه لنا وأنتي تحبينها
أبو عبد الرحمن: منهي سعيدة الحظ 000
تركي بلقافه: إلا تعيسة الحظ يبه هههههاي
عبد الرحمن يضحك : هههههاي يـــا مـلـغـك ....
أم عبد الرحمن : ما عليك منه قول منهي اللي ميت عليها
عبد الرحمن : حــنــيــن بنت عمي
أبو عبد الرحمن وهو حده مستانس : ما اخترت إلا الكامله والكامل وجه الله
أم عبد الرحمن : وأنا اشهد والله إني حاطه ايدي على قلبي لا تقول وحده مانعرفها
تركي : الله يهداج يمه قالج وحده تحبينها أكيد تعرفينها ههههاي،بس من جد عبد الرحمن أحسنت الاختيار بس متى الخطبة ...
عبد الرحمن : يعني كلكم موان البنت مافيها أي عيب
ام عبد الرحمن : لا والله يا وليدي بنت ما مثلها بنت زين وجمال ودين وش تبي أكثر من كذا
أبو عبد الرحمن : إيه وكفاية إنها بنت عمك ....
عبد الرحمن بقلبه : ادري والله يمه من شفتها وأنا حياتي بخير ...
تركي : ها يبه ماقلتلي متى الخطبة
أبو عبد الرحمن يضحك : وأنت اللي بتعرس ولا هو ...
عبد الرحمن : خله يبه عنده لقافه وغثه الله يعين مرتك عليك ..
تركي : شف شف الحقير على طول قلب علي ، أقول خلني اقوم بس الظاهر محد متحمل ملاغتي إلا كومار ههههاي ... يلا انا طالع
عبد الرحمن : هههههاي فمان الله ..
أبو عبد الرحمن : وين علي ماشفته اليوم
أم عبد الرحمن : سهران ما نام الا الصباح خلني أروح أشوفه هو وغزل
عبد الرحمن : يبه ...
أبو عبد الرحمن : هلا
عبد الرحمن : متى راح نخطب ...
أبو عبد الرحمن : والله ياوليدي خير البر عاجله ودي من اليوم بس إن شاء الله بكره بروح واكلم أبو فيصل
عبد الرحمن : وأمي ما تبيها تكلم خالتي أم فيصل ..
أبو عبد الرحمن : وشدعوا .. ماله داعي حنا قرايب خلاص أنت لاتشيل هم .. انا بطلع الحين ..
عبد الرحمن : وين؟
أبو عبد الرحمن : بروح ازين أشغالي مع السلامة
عبد الرحمن : مع السلامة ...
"""""""""""""""""""""""""""""""
""""""""""""""""""

في غرفه غزل
أم عبد الرحمن : غزل يمه قومي ما صارت شوفي الساعة كم ...
غزل وهي خايفه : منو شصار شفيج ؟؟؟
أم عبد الرحمن : بسم الله عليج ما في شي اقولج قومي وراج دراسة
غزل : ما صار شي يمه ..
أم عبد الرحمن : وش بيصير ماصار إلا الخير الظاهر متحلمه حلم مو زين
غزل تحاول ترقع الموضوع :إيه إيه يمه حلم .. خلاص أنا نازله
أم عبد الرحمن : يالله وأنا بروح أقوم عليوي ...
علي : عليوي قام قبل ما تجينه
أم عبد الرحمن :ههههههاي بسم الله علي من وين طلعتلي ..
علي : من الجدار يعني من وين يمه
أم عبد الرحمن : هههههاي زين امش تحت عشان تاكلك لقمه
علي : لا يمه أنا بروح مع سعود
::::::

حطت غزل ايدها على قلبها وتذكرت تلفونها وراحت شافتها ولقت مكالمتين من رقم غريب وعرفت انه سعود
أم عبد الرحمن : زين سلمني عليه ، علي : يوصل يالله مع السلامة
راحت غزل وغسلت وجهها ودخلت غرفتها بسرعة ....
أم عبد الرحمن : غزل لا تنامين ياويلج قومي وراج دراسة..
غزل من ورا الباب : ماراح أنام بس بذاكر دروسي
ام عبد الرحمن تضحك : هههههاي من الفلاحه الزايده
انزلت تحت ام عبد الرحمن وبقت غزل في غرفتها تفكر تدق او ماتدق وحيرانه وش تسوي ، ياربي حاسه ان سعود فيه خير وان شاء الله مارح يعلم احد بالي صار الحين المغرب ولا سمعت أي شي ان شاء الله انه يكون عند حسن ضني 0000
وهي تفكر قطع عليها صوت التلفون ==== شافت الرقم موغريب ياويلي هذا رقم خالد شيبي هذا بعد
مارح ارد عليه ولا تدرين شلون يابنت اغلقي جهازج احسن لج 00000
اغلقت غزل جهازها وهي خايفه ولاتدري شنو الحـــل 000

( في بيت ابوفيصل )
امال : اقول خالتي الا وين حنين ؟؟؟
ام فيصل : قاعده بغرفتها ليش ؟؟
امال :لا بس مجرد سؤال ماشفتها اليوم
ام فيصل : اكيد عليها امتحان ماتقعد بغرفتها الا لاجاها امتحان 00
امال :ايه الله يوفقها 00
ام فيصل : اجمعين يابنيتي 000

***********
= = الحب هو معنى الحياة = =
==الحب هو قلب ينبض باسم الرومانسيه==
= = الحب هو التضحيه = =
= = الحب هو قلبان في جسد واحد = =
== الحب كلمة رددها العشاق ==
= =الحب لا يعرف اليأْس = =
= = الحب لايعرف الأْستئذان = =
= =الحب لا يرحم العشاق = =
= = الحب له انواع = =
= = الحب مرٌ وحلو = =
= = الحب احساس ووفا ==
***********

دق تلفون حنين 00
حنين : الـــوو
0000 :قــــوه
حنين : هلا منو معي
0000: ماعرفتيني ؟؟
حنين :بتقول منو ولا راعي طويله انت !!
0000:ههههههههههااي حلوه راعي طويله !!
حنين : انت الظاهر فاضي وتحسب الناس زيك
0000 :انا ياسر ياحنين 00
حنين منصدمه :: ؟؟؟؟؟؟
ياسر :: الو الو حنين وينج ؟؟
حنين : معــــاك
ياسر : لايكون ازعجتج !!
حنين :: لا لا
ياسر : اكيد
حنين : بشاير عطتك رقمي ؟؟
ياسر :: اسف انا الي خذيته وهي ماتدري ,,, حنين
حنين :: هلا
ياسر : انا بصراحه يمكن تلقفت وازعجتج بس انا محتاج اكلمج كثير
حنين : ؟؟؟
ياسر : انا عارف انج مو فاهمه كلامي بس مع الوقت رح تفهميني انا اتمنى ان بشاير ماتدري اني اكلمج
,,,, لا تقولين ليش لان الموضوع عني وعنج وما احب احد يدخل 00
حنين انا ماعندي لف ولا دوران صدقيني ,,, حنين انا انا احبج والله احبج ومن زمان بعد لا تقولين عني اني
وقح صدقيني هذا الي بقلبي لج من زمان انتي اسرتيني بحبج بكلامج بنظرتج وكل شي فيج , انا كنت
بقول هاالكلام من زمان بس مدري حسيت انج ناسيتني ولا تفكرين فيني ولا حتى تسالين عني 00
بس عقب امس حسيت بشي غريب حسيت انج تحبيني او على الاقل , لا تقولين شلون انا اعرف نظرتج
نظرتج فضحتج وياليت يكون احساسي بمحله 00
انا يمكن تماديت بكلامي بس صدقيني كل كلمه قلتها طلعت من قلب صادق ويحبج ولا تفكرين فكره بس اني ابي العب
او اتسلى وحطي في بالج اني اخر واحد يئذيج او يجرحج
لاني قبل اجرح نفسي واأذي نفسي بعد لاني من سابع المستحيلات اسوي كذاا 00
انا طولت ولا ابي ردج الحين ولو وافقتي صدقيني قصدي شريف واتمنى هالشي من زمان وحتى لو رفضتي تبقين حنين العزيزه والغاليه وحبج يزيد ولارح ينقصه رفضج واكذب عليج لو قلت اني مارح احزن واتضايق 00
بس انا قلت الي آسر قلبي ومعذبه وياليت ماتزعلين مني
ولاعلى تطفلي 00انا اسف مره ثانيه
حنين: ياسر
ياسر: هلا
حنين : انا ماني عارفه شقول انت صدمتني مره وحده بالكلام
ياسر: انا عارف وانا مابي اسمع منج شي الا لين تفكرين 00
حنين : قصدك بالزواج 0000
ياسر : ايه ابيج تكونين لي بالحلال
حنين : 0000
ياسر: متى مابغيتي دقي ولايردج الا لسانج اماانه
حنين : يعني بشاير ماتدري بكل الي صار
ياسر: لا بس اذا انتي علمتيها هههاااي
حنين : ليش ماتبيني اقولها
ياسر : ياليت عشاني 000
حنين : اوكي ان شاء الله
ياسر : فديتج تسلمين 00يالله ماطول عليج مع السلامه
حنين : مع السلامه
0000

0000000
فاض الغرام وشفت الأمواج نيران 000
لك ارتعش قلبي وانا كنت حاير 0000
عانقت صدرالموج لشفاك ولهان 000
والشوق جايمي من اليم زاير 0000
اشوف حبي لك على كل الوان 000
الكون رسمة شوق للعين صاير0000
********

****
نواف : حنين بطلي الباب
حنين: هلا شبغيت ؟؟
نواف : لابس طفشان وجيت عشان تونسيني
حنين : لالاوالله الظاهر مكتوب في وجهي نكته وانا مدري
نواف : هههااي لابس احب سوالفج
حنين : اقول ماعندك ماعند جدي قوم قوم بس اطلع وسكر الباب وراك مالي خلقك حدي
نواف : بسم الله علي وشفيج كليتيني 00الشرهه علي الي جايج
حنين : ايه ايه اني داريه قوم بس قوم
نواف : اروح اذاكر احسن لي
حنين : منو الحمار بس الي ماسكك وانا اذبحه
نواف : توكلي بس 00
حنين : سكر الباب وراك
قعدت حنين تفكر بياسر وكلامه وحبها 00
تحبه مثل مايحبها ويمكن اكثر مانسته ولا لحظه ظل حبه بقلبها بصمت من دون ماتبوح بمشاعرها لأحد 00كانت تحسب انه مايفكر فيها وانهم اول كانوا مراهقين بس
لكن الأشواق فاضت والقلوب احتاجت لبعضها كل واحد عطشان حب ويبي من يرويه عشق وهيام حب صادق حب شريف امنيتهم تكون نهايته استقرار؟؟؟؟؟
00000

0000000000
0000
( في بيت ابو عبدالرحمن )
عبدالرحمن: غزل غزل افتحي الباب
فتحت غزل الباب: هلا شبغيت ؟؟
عبدالرحمن : شدعوا مافيه حياك تفضل 00
غزل : هههااي حياك تفضل
عبدالرحمن : ببغاء ؟؟هههاااي
غزل : والله ماينعرف لك
عبدالرحمن: سلامات شفيها عيونج مورمه
غزل بخوف : هااه لالا مافيها شي بس عشاني مخربه نومي
عبدالرحمن : اها زين ماعلينا بغيت اكلمج في موضوع ؟؟
غزل بخوف : شنو أي موضوع ؟؟
عبدالرحمن : زين خليني اتكلم واقعدي
قعدت غزل وكلمها عن موضوع خطبته بحنين 00
غزل : اه الحمدالله
عبدالرحمن : على شنو للحين ماصار شي
غزل طلعت منها الكلمه عفوية وعلى بالها انه جاها عشان سالفتها بس تأكدت ان سعود حفظ السر وقد كلمته 00وكبر في عينها
عبدالرحمن : الوو قاعد اكلمج انا
غزل : معاك كمل 00
عبدالرحمن : ايه يحلفون معاي شكمل بعد خلص الموضوع !
غزل : تعال شمعنى حنين ؟؟؟
عبدالرحمن : ليش مو عاجبتج ؟؟
غزل : شنو مو عاجبني ؟ الا تجنن مافيه مثلها ثنتين
عبدالرحمن : والله ؟؟
غزل : اقول لاتصرف قولي شمعنى حنين ؟؟؟
عبدالرحمن : لأنها بنت عمي
غزل : والله تصدق جايب شي جديد
عبدالرحمن : هههاااي والله عارف شقصدج بس ماراح اقولج موتي 000
غزل : ايه انا كنت شاكه والحين تأكدت
عبدالحمن يضحك : ههههااي وش تأكدتي شقاعده تخربطين انتي وخشتج
غزل : علينا يامنااحي 000
عبدالرحمن مات ضحك : ههههااااي حلوه يامناااحي هههاااي
غزل : هههههههههاااي يله عاد وبلاتصاريف وقولي
عبدالرحمن : شكج بمحله ياالسكنيه 00من يوم العزيمه وهي مافارقت خياالي 00مادري جذبتني بنظره حسيت اني تعلقت فيها على طول ولااقدر استغني عنها بس تدرين شنو الي خايف منه ؟؟؟
غزل : شنو ؟؟
عبد الرحمن : انها ماتوافق علي 00 احس اني بموت لو رفضتني لاني من جد احبها
غزل : هههههههههههههاااي لا لا ارتاح مارح ترفضك ان شاء الله
عبدالرحمن :ليش وانتي شدراج ؟؟
غزل : لان عقب ما دخلت عليها الغرفه كانت بعالم ثاني واكيد انها تفكر فيك لانها ماسجت الا بعد مادخلت عليها بالصاله
عبدالرحمن :قولتج !!!
غزل : وبعدين انت منو الي ترفضك كامل والكامل وجهه
عبدالرحمن : هههههههههههااي ياالله عاد ماحب المدح ترى
غزل : ههههههههااي زين ماكنك طولت ياالغلا 00
عبدالرحمن : خوش طرده اوريج ياالمليغه 00
غزل : ايه الحين مليغه عقب ماسحبت مني كلام
عبدالرحمن : هههههههههااي مشكلتج اذاانتي غبيه
طلع عبدالرحمن من عند غزل الي كانت مرتاحه ومو مرتاحه ودها تفتح جهازها بس خايفه من خالد بس قلبها مع سعـــوود
الي حست بطيبته ووبرجولته 00
******
*********

( في بيت ابو ياسر )
ياسر: يالله اخلصي انا انا انطرج بالسياره 00
بشاير: يالله يالله جايه بس اخذ تلفوني 00
(في السياره )
ياسر : بشاير شرايج تلهين حنين لين يطوفها الباص
بشاير: لاوالله انهبلت انت من جدك والا تمزح
ياسر: شنو فيها عادي ابي اكحل عيوووني
بشاير: استريح بس استريح !!!ياسر ترى انا ماأرضى انك تلعب بقلب حنين 00
ياسر: وش قصدج ؟احد قايلج شي
بشاير : لاولاشي بس اقولك يعني
ياسرمايبي بشاير تشك بأي شي :ايه زين انسي الي قلته بس انا كنت ابي امزح معج
بشاير: زين زين وقف اهني وصلنا 00
ياسر: يله انزلي اخرتيني 00ولاتنسين هههههااااي
بشاير: ههااااي ياسخفك يله بااي

نزلت بشاير ودقت على حنين 00
بشاير: الو ها وينج؟؟
حنين : هلا بشاير انا بالبيت
بشاير: وش عندج سلامات
حنين : لاحياتي مافيني شي بس مضايقه ولا لي خلق للمحاضره الأولى
بشاير: زين انا انطرج الساعه 10 بالضبط لاتتأخرين حياتي وطمنيني عليج يله انا تأخرت على المحاضره بااي
حنين : بااااي

*******

**********
***
سعد : والله ياعبدالرحمن اذا انت حاس نفسك انك متعلق فيها خلاص انا وش اقول بعد 00
عبدالرحمن : ايه والله ياسعد انا من جت عيني بعينها وانا حاس اني بعالم ثاني 00
سعد : ايه خلاص دامها بنت عمك فهي حلال عليك ههههههه
عبدالرحمن : ايه بنت عمي بس والله خايف يسوي عمي فيني مثل ماسوى ابوي !!
سعد : عبدالرحمن انت ماتقول ان ختك وولد خالتك من زمان وهم يحبون بعض من يوم كانوا صغار ودايم يقولون انهم لبعض ؟؟
عبدالرحمن :ايه ايه الحين شدخل اختي وولد خالتي في سالفتي ؟؟
سعد :لهم دخل لان ابوك كان وده بفيصل بس اختك قلبها متعلق بولد خالتك وابوك احترم رايها وما حب انه يغصبها على شي هي ماتبيه صح ولا لا ؟
عبدالرحمن : صحيح 00
سعد : خلاص يارجال حلينا عقدتك عمك لا هوب رادك ان شاء الله ومثل ماقلتلي انك ماتظن ان انها تحب احد واهم شي دراستها 00
عبدالرحمن : يعني تشوفها كذا !!
سعد : والله ياالحبيب هذا الي عندي وان شاء الله يكتب لك الي فيه الخير 00
عبدالرحمن :يعطيك العافيه ياخوي والله انك والله انك شليت همن على قلبي 00 انا بروح استئذن من المدير بطلع
سعد : ليش سلامات شعندك ؟؟
عبدالرحمن :لا والله بس من امس مو نايم افكر باالموضوع ولا قدرت ارقد والحين ارتحت من كلامك وبروح للبيت 00
سعد :يعني انت وخشتك طااق وجهك من صباح الله وجايني عشان تقولي هاالسالفه وترد تخمد شقالولك الدكتوره فوزيه على غفله 00
عبدالرحمن : هههههههههههههاااي لا والله بس مايقولون الصديق وقت الضيق !!
سعد : زين مايخالف انا اوريك ياعسى المدير مايوافق
عبدالرحمن : هههههااي حرام عليك والله اني تعبان 24ساعه وانا مو نايم 00
سعد : زين خلاص متى ماقمت تعال اسهر عندي
عبدالرحمن : ماشي 00يله مع السلامه
سعد : فمان الله
طلع عبدالرحمن من الدوام وهو حده تعبان وراح سيده للبيت وحط راسه على المخده الي كان يوم كامل وهو يفكر بحنين الي خذة عقله وروحه وكيانه 000
****************

*************
********
هل حنين رح تحن وترجع ؟؟
ياترى بتبوح لرفيقة عمرها بالي صار ؟؟؟
ياسر وعبدالرحمن منو الي بيملك قلب حنين ؟؟؟؟
اتمنى الجزء يعجبكم وانتظر ردودكم

الجزء الرابع

بشاير: الوو نحنٌ هنا شفيج
حنين: اها هااه مدري
بشايرتضحك : الحمدالله وشكر شكلج استخفيتي تكلمي عدل هههههاااي
حنين تكلم نفسها : ياربي وش اسوي موقفي مره صعب انا مقدر اخبي عن بشاير
شي بس اذا ياسر ماقالها ماله داعي اقولها شي خلها مع الأيام تعرف كل شي
بشاير: والله الي ماخذ عقلج يتهنابه صارلي ساعه اتكلم وانتي مووياي
حنين : بشوره حياتي لاتزعلين انتي عارفه الضيقه لما تجيني وش تسوي فيني ما احب اتكلم خلينا نلحق على المحاضره
راحو حنين وبشاير للمحااضره
----
-------------------
-------------------------------------

بالمدرسه الثانويه 00
غزل تسولف مع صديقتها خلود
غزل : خلود والله اني بديت احبه واموت فيه
خلود : حشى ماصار شي عشان تحبينه
غزل : كل هذا وماصار شي يختي لوغيره كان فضحني عند ابوي واخواني بس هو احترمني وفوق هذا يبي يطمن علي امانه في شخص الحين نفس سعود !!!
خلود : ههههاااي والله شكلج طحتي ومحد سمى عليج شوي شوي على الرجال حبيتيه يمكن هو يعتبرج حسبت اخته لا اكثر ولا اقل
غزل مصدومه : هااه يمكن ليش لا بس من ناحيتي احسه يبادلني نفس الشعور
خلود : اقول خلينا نروح للصف قبل ماتجي الناظره ودوس بطننا امشي
غزل : ههههاااي يله
8888888
888888888888888888
88888888
بيت ام فيصل 000
ام تنادي الخدامه
ام فيصل : بيبي بيبي وصمخ
بيبي: نعم ماما
ام فيصل: خلص الغداء
بيبي: ايه ماما
ام فيصل : طيب وين آمال وابو فيصل
بيبي: بابا في دوانيه ومدام آمال روح مستشفى
ام فيصل مختلعه : ليش وش فيها آمال
بيبي : مادري ماما
ام فيصل : مع من راحت
بيبي: مع درايول (سايق)
استغربت ام فيصل ان امال ماراحت مع فيصل لأنها دائماً ماتحب تروح مكان الا وفيصل
هو الي يوديها ويجيبها حتى لو كان بالدوام دق عليه وتخليه يستأذن عشان يوديها 00
ام فيصل : خلاص روحي للمطبخ
وشوي تدخل امال على ام فيصل وتمشي بسرعه بس وقفها صوت ام فيصل
ام فيصل: آمال سلامات وش فيج
آمال وعيونها حمرا من الدموع : مافيني شي ياخاله
ام فيصل: طيب ليش رايحه للمستشفى تعبانه تحسين بشي
آمال بعصبيه : خلاص قلت مافيني شي يعني مافيني شي لازم هالتحقيق من حبج لي لاتجلسين تجاملين فيصل مو موجود اف اف اف
راحت آمال لغرفتها وانسدحت على السرير تبكي وتبكي تحس بقهر بألم بحرقه
لاانتي مو غبيه تقولين له كل شي لا راح اسكت ولاراح اقول شي بس فيصل
طيب وحبوب معي ليش اسوي كذا 00بس هو لما يدري راح يخليك ويستغني عنج خلاص راح اسكت ولاراح اقول شي آه آآه آآه ليش انا ليش وقعدت تبكي وكان بكاها يقطع القلب
8888888888888
8888888
88
بيت ابو عبدالرحمن 00
الساعه 2 الظهر00
ام عبدالرحمن: غزول يله بدلي ملابسج عشان نغرف الغداء
غزل: لايمه مالي نفس
ام عبدالرحمن: حبيبتي ترى لك فتره ماتاكلين وش فيج
غزل تضحك : هههاااي اسوي رجيم
ام عبدالرحمن : ياثقل دمج اقول قومي بس بدلي وتعالي تغدي بالغصب
غزل : خلاص يمه باكل عشان خاطرج
ام عبدالرحمن : ليش عشاني الا عشان نفسج شوفي جسمك قلب 180 صرتي ضعيفه
عبدالرحمن توه قاعد من النوم : السلام عليكم
غزل وام عبدالرحمن : وعليكم السلام
عبدالرحمن: يمه متى الغداء ترى ميت جوع
غزل : اول شي اقعد تقهوى بعدين فكر بالغداء يالدب ههااي
ام عبدالرحمن : وش عليج منا خليه ياكل مو مثلك يالعصلى
غزل تضحك: هههههااي اما عصلى يمه هذا يسمونه رشاقه وش تبغيني دبا يعني
عبدالرحمن : اقول اسكتي وروحي اغرفي الغداء
غزل : هااه تونا ماتغدينا اصبر ابدل ونتغداء سوا
عبدالرحمن: بسرعه ولاراح نغرفه وناكل وخليج بغرفتج يالفااره بجحرج
راحت غزل لغرفتها وهي تضحك على اخوها وسوالفه
888888
88888888
بيت ابو فيصل 000
كانت حنين توها راده من الجامعه 00
حنين : السلام عليكم
ام فيصل : وعليكم السلام
حنين وهي تبوس راس امها : يمه وش فيج تبكين
ام فيصل:لابس تعبانه
حنين : لايمه اكيد انها السعلوه صح
ام فيصل : لايابنتي بس تعبانه شوي
حنين وهي معصبه : خلاص يمه لاتقولين شي انا اعرف شغلها
راحت حنين بسرعه لغرفة آمال ودقت الباب بقوه: آمال افتحي
آمال وهي تمسح دموعها الي للحين ماجفت :نعم شتبين
حنين بعصبيه : اقول افتحي لااكسر الباب
آمال وهي تفتح الباب : خير شتبين
حنين : احد يشوف ويهج وييه الخير وانتي تحطين راسج براس مره كبر امج ياقليلة الأدب صج ماتربيتي
آمال بصوت مخنوق : حنين انا مالي خلقج وامج ملقوفه وتستاهل الي جاها
حنين ماتحملت الأهانه لأمها لاشعورياً عطت امال كف : احترمي نفسج اذا كان فيصل ماراح يسنعج انا اسنعج
آمال وهي متفاجئه : هين ياحنين والله لقول لفيصل هين اما خليته يكسر لج ويهج ما كون آمال يا0000
كان صياح حنين وآمال واصل لشارع دخل سعود بسرعه مختلع :يمه وش هالصياح
ام فيصل : لاحول ولاقوة الابالله هذي آمال وحنين منو بعد
سعود وهويروح فوق بسرعه ويرفع صوته :حنين حنين
حنين راحت لسعود اما امال سكرت باب غرفتها وراحت لسريرها وهي تبكي بقهر
سعود : شنو الي صاير
حنين قالت لسعود كل شي وبعدها راحت لغرفتها وهدا البيت
اما فيصل كان توه داخل للبيت ويشوف امه وابوه وسعود جالسين بالصاله
فيصل : السلام عليكم
الكل : وعليكم السلام
فيصل مستغرب : وين حنين عن هالجمعه اخبرها ماتفوتها
ام فيصل تصرف : راحت تنام
فيصل : طيب متى الغدء
ام فيصل : خالص تبينا نغرفه غرفناه
فيصل : ياليت
بعد الغداء راح فيصل لغرفته دخل ولقى آمال نايمه على السرير راح وبدل ملابسه ونام جنبها كان يتأمل جمالها وهي يجنبه بالسرير ياحبي لك ياآمال
888888888888
8888
88
بيت ابو عبدالرحمن 000
بغرفة غزل 00000000
كانت غزل منسدحه على السرير وتفكر بسعود للحين مادق عليها ولا كلمته وشوي دق تلفونها شافت غزل الرقم 0لا مو معقوله سعود وش اسوي ارد ولالا ياربي بس اذا رديت بيسألني يووه مالي الا اني ارد واشوف شيبي
غزل : الو
سعود : السلام عليكم
غزل بستهبال : منو وياي
سعود : ماعرفتيني انا انا سعود
غزل : هلا سعود
سعود : كيفج
غزل : الحمدالله تمام وانت
سعود : يسرج الحال
غزل : دوم يارب
سعود : غزل اسف اني كلمتج بس فيه شي محيرني وابي اعرفه منج ياغزل
غزل بخوف : هلا امر
سعود: على سالفة السوق
غز ل بتردد: اسمع ياسعود انا راح اقولك كل شي بس اوعدني انك ماتقول لحد ويكون بيني وبينك
سعود: اوعدج
قالت غزل لسعود كل شي عن حمد وخالد وعن سوالفها سابقاً وعن التسجيلات
سعود بعصبيه : منو هذا عشان يهددج ماله حق
غزل : سعود خلاص الموضوع انتهى
سعود : طيب هو للحين يدق
غزل : اخر مره امس دق على بس انا مارديت
سعود: اسمعي ياغزل لازم ناخذ منا الأشرطه عشان ماينشرها ويفضحج هذا مايخاف ربه
غزل : والحل
سعود : اسمعي ابيج تخلينه يجيب الأشرطه كلها في المكان الي هو يحدده او انتي وبعدين تقولين لي كل شي يصير وياج وانا راح اكون وياج اوكي
غز ل: يعني لما يدق اكلمه
سعود وهو يعض على شفته : ايه بس عشان تجرينه لين ناخذ منه الي نبي وبعدها يحلها الف حلال
غزل : اوكي راح اسوي كل شي تقوله لي
سعود : غزل انا ماابيج تكلمين احد اوكي ولا تسلكين هالطريق
غزل : ان شاء الله وربي اني كرهت هالسوالف كلها بس لحضة ضعف
سعود : ماعلينا اهم شي تنتبهين لعمرج واذا دق علميني شيصير وياه
غزل : سعود
سعود : هلا
غزل : مشكور على وقفتك وياي وماعرف شقول احس اني بدونك كان
يقاطعها سعود: غزل لاتقولين هالكلام مره ثانيه بعدين انا ولد عمج ويحقلي اخاف عليج وعلى سمعتج والي يمسج يمسني صح ولالا
غزل بغصه حزن : صح
سعود وهو متنرفز : شكلي طولت عليج يله اكلمج بعدين تامرين شي
غزل حست انه معصب : سعود مابيك تعصب
سعود : شنو وليش اعصب لالا مافيني شي يله باي
غزل بصوت مخنوق : بااي
سكرت غزل من سعود وهي تحس براحه مصدرها كلامه مصدرها خوفه وغيرته عليها وحبه لها مصدرها اشياء كثيره مع الوقت راح تعرفها شغلت غزل المسجل وقعدت تسمع لأبو نوره اغنية الله يخليك
الله يخليك يااغز انسان
الله يخليك ياريم ولهان
بغيابك الكلمه تعجز في نحرها
وبقربك الليله يحضنها قمرها
في صوتك دفئ وفي عروقي وفا
وشعوري تعرفه احبك احبك يابعد كل الأزمان
الله يخليك
ليت الحزن تنساه عيونك معي وضيم اليالي يفارقن مدمعي
ابنتظر لحضه نقضيها سوا بارق امل يشاع في ليلك ضوء
عل وعسى القاك في خاطري احياك
وبالشوق اترجااك اترجااك تبقى معي
سألت الشمس انا عنك وقالت نورها مشتاق
سألت العين عن وجهك لشوفتك شفاق
لقيت ان دنيتي كلها وجودك وصرخت لهفتي لبعد حدودك
انا المشتاق انا المشتاق
لعيونك انا مشتاق يااعز انسان
كانت غزل مع الكلماات الي خذتها بعالم حلو عالم سعود وحست بالي سوته بحمد وانه حبها بس هي ماتحبه ولقى قلبها الي حبه لقى قلب صافي قلب سعود وبس

8888888888
بيت ابو فيصل
المغرب00
قامت حنين من النوم ونزلت تحت ولقت سعود بالصاله وجلست معه سوالف وضحك
نزل فيصل ولقى حنين تضحك وتسولف وشوي يقولها
فيصل معصب: حنين وش الي سويتيه
حنين برود : بسم الله بالأول سلم
فيصل وهويمسك حنين من شعرها : لاوبعد تطنزين انتي ويهج ليش تمدين ايدج على امال
حنين وهي تبكي : فيصل عورتني فك شعري
سعود وهو يمسك فيصل ويهديه : يافيصل هذي سوالف بين الحريم لاتتدخل
فيصل وهو يعطي حنين كف : هذي ماتحترم احد وقحه اجل المره تعبانه وتوها راده من المستشفى تقوم هالبزر تضربها ليش ماعندها زوج
حنين وهي تشاهق من البكى : مرتك ماتشوف سوالفها مع امي وحركاتها كم عمرها وعمر امي
فيصل بصوت عالي : اقول اسكتي لا وبعد تردد
حنين وهي تروح لغرفتها خلاص كرهت العيشه معك ومعها اطلعوا من البيت
فيصل وهو يتفلت وسعود ماسكه بكل قوته : اسكتي لاتخليني اكسر ويهج 00الا انتي الي تزوجي وفكينا من خشتج
سعود : خلاص تعوذ من ابليس
فيصل : اعوذ بالله من الشيطان الرجيم
بعد ماطق حنين جلس بالصاله وكأنه ماسوى شي واهم شي عنده انه ريح امال
كانت امال قاعده تتسمع لكل شي وارتاحت ان فيصل خذا حقها وكانت مره مبسوطه
حنين راحت لغرفتها وقعدت على سريرها تبكي الم وقهر وشوي دق تلفونها وتلقى المتصل بشاير وعلى طول ردت
حنين وهي تبكي : الو
بشاير : حنين وشفيج ليش تبكين
حنين : منو يعني فيصل يابشاير
بشاير : وشسوى بعد
حنين: تخيلي طقني وقطع شعري وربي خلاص تعبت تعبت
بشاير: ليش طقج
قالت حنين لبشاير كل شي وحاولت بشاير تهديهاشوي لين هدت حنين بعد ماسكرت بشاير من حنين راحت على طول لياسر وقعدت تسولف عن حنين والي صارلها ياسر لاشعورياً :ومنو هذا عشان يمد ايده على حنين
بشاير: ههههههههههااي ياخي اخوها ليش حرام
ياسرحس بنفسه: هاه لابس وش هالتفكير المنحط سالفة حريم وبس ماله داعي يطقها
قعد ياسر يفكر بحنين وانها للحين مادقت ومع هالسالفه ماراح دق ابدا ماله انه يكلمها بعدماطلعت بشاير من عنده على طول دق على حنين
كانت حنين منسدحه وتمسح دموعها وشوي دق تلفونها وعلى طول ردت من غير ماتشوف
حنين : الو
ياسر: شخبارج حنين
حنين متفاجئه : 0000
ياسر : الو حنين
حنين وهي تبكي حست بدفئ صوته : هلا
ياسر تقطع قلبه لما سمع صوتها: حنين ليش تبكين
حنين وهي تحاول تمسك نفسها: ياسر انا تعبانه ومالي خلق اتكلم بتلفون
ياسر: حنين ابي اقولج شي واحد مابيج تبكين ولااشوف دموعج انتي غاليه ودموعج اغلى على قلبي ولاتخافين من احد دامني وياج ياحنين ابيج توعديني انج ماتبكين لانج اذا بكيتي راح تقعطين قلبي
حنين بزله : اسم الله على قلبج
ياسر: لبى قلبج والله
حنين بسحى : اوكي ياسر اكلمك بعدين
ياسر: اوكي
سكرت حنين التلفون وحست بحبها لياسر كل ماله يكبر ويكبر ياسر ليش كذا ليش تسوي فيني كذا آآه آآآ ه آه آه آه ياياسر لوتدري اني احبك واموت فيك اه اه اوعدك ياياسر ان دموعي ماراح تبكي على اي شي تافه او مهم
عسى الله مايجيب عتاب ولابعد ولاهجر وغياب
عسانا مانفترق يوم عسى دايم نكون احباب
من الدنيا وش المطلوب سوى راحة فكر وقلوب
وخل في هواه نذوب وهو مثلك في حبك ذاب
عسى تسلم وتبقى لي فرح دنياي يالغالي
في قربك يهنيالي تهنيت وزماني طاب

8888888888888888
8888888
8888
88
8
في بيت ابو عبدالرحمن00
كان ابو عبدالرحمن جالس بالدوانيه ويدخل عليه عبدالرحمن
عبدالرحمن : السلام عليكم
ابوعبدالرحمن : وعليكم السلام
عبدالرحمن: هاه يبه كلمت عمي
ابو عبدالرحمن: يووووه زين انك ذكرتني ياولدي
عبدالرحمن : شنو
ابوعبدالرحمن : ياولدي انا الحين مشغول بهالناس ومعاملاتهم الي ماتخلص وشكاويهم
وطلباتهم وعمك اكلمه بعدين
عبدالرحمن بحزن: ليش يبه انا خايف لاتروح حنين من ايدي
ابوعبدالرحمن : ان شاء الله ماراح طير بعدين انت ولد عمها لواحد خطبها ولاشي ماراح ياخذها وانت تبيها
عبدالرحمن: شورك واهدايت الله بس يبه لاطول
ابوعبدالرحمن : ليش
عبدالرحمن: لأن البنت هذي اخر سنه لها وتخرج ابي اخذها قبل لاتخرج
ابوعبدالرحمن: ههههههاااي ليش عااد
عبدالرحمن: عشان محد يطمع فيها لاتخرجة

88888888888888888888
88888888888888
888888
888
88
8
في بيت ابوفيصل 0000
دقت حنين على ياسر
حنين : الو
ياسر : هلا والله شخبارج
حنين :تمام وانت
ياسر: انا من سمعت صوتج وانا تمام
حنين تضحك : هههااي واضح
ياسر يضحك: هههههااي والله اني بخير من يوم سمعت هالصوت والضحكه عساها دوم
حنين بسحى : اوكي ياسر انا جيت اقولك اني موافقه
ياسر وهو متشقق : من صجج حنين الله اليوم اسعد يوم بحياتي الانسانه الي احبها راح اتزوجها
حنين خلاص وجها احمر وحدها تحس بحراره بجسمها وقلبها يدق
ياسر:حنون وياي
حنين : وياك
حنين : انتي كل حياتي مادري لونك قلتي مو موافقه شراح يصير فيني مادري شراح اسوي انا احبك احبك احبك
حنين : ياسر
ياسر: هلا
حنين :انا انا انا احبك واتمنى انك ماتلعب علي
ياسر من سمع هالكلمه من شفت حنين كلمة احبك حس الأرض ماتوسعه من الفرحه والوناسه : لاوالله ياحنين انا مو راعي هالسوالف انا شاريج وابيج لي بالحلال وقعدوا حنين وياسر سوالف وضحك وحب نظيف نهايته تكون زواجهم بعد ماسكر ياسر من حنين كانت مستانس مرره وانه خلاص راح يستقر ويتزوج الأنسانه الي حبها قلبه من سنين
الي كبر وحب شريف بين ياسر وحنين جلس ياسر على السرير وقعد يتخيل حنين جنبه ومعه بالسرير ويشبك اصابعه باصابعها ويمسك ايدها بكل قوتها ومايفكها وانها معه بكل ركن بالغرفه وخيال حنين معه بالاحلام الورديه غمض عيونه وكان يسمع دقات قلبه الي قامت دق بسرعه قام يستجيب للحب اه اه ياحنين انتي قلبي وحياتي اه اه
اعترفلك اني احبك احبك احبك واحبك
بس وش استفيد لاجيت اعترفلك ؟
لاقلت انك بقلبي انت وحدك
لاقلت ابيك وماطيق بعدك
امانه قوليلي وش استفيد
لاصرت رهنك وبين ايديك ولاصار هالعالم يبيك
ياخذك مني 00يبعدك عني 00 ولااقدر اجيك
بعطيك قلبي امانه ابيك تحفضه وتصونه
وخله داخل قلبك ولاحد ياخذ مكانه
امااانه
حنين :بعالم الحب والرومنسيه عالم عاشت فيه ملكه عالم مافيه حزن ولاهم عالم كله حب
وفرح عالم يروح بلمح البصر عالم ماتعرف شراح يكون بدايته عالم حلو وبس
اه ياسر مادري ليش قلبي اختارك ومايبي غيرك فيه تربعت وسط الحشى والقلب بيتك
اخاف ان الزمان يااياسر يفرقنا اخاف مااسمع صوتك ولاهمسة شفاك اه اه ياسر اخاف
الدنيا تاخذك مني انا والله مقدر اعيش بدونك ياياسر يارب لاتحرمني منه وتجمعني معه كل هذا كان تفكير حنين بياسر بس قطع عليها حبل افكارها صوت نواف
نواف : حنين افتحي
حنين : طيب دقيقه 00هاه شتبي
نواف : امي وابوي يبونج
حنين : ليش
نواف : مادري يله بسرعه مالي خلق اقطع مذاكرتي عشانج
حنين تضحك: هههههههاااي طيب اذلف يابروفسور العائله
نزلت حنين : السلام عليكم
الكل : وعليكم السلام
ام فيصل: حنين طقج فيصل
حنين : لايمه بس هزائني
ابوفيصل: احسن المفروض يطقج هذا اخوج عيب لازم تحترمينه
حنين: ان شاءالله اومر ثانيه
ابوفيصل : يابنتي هذي مو اوامر هذا اخوج ومرته مالج خص فيهم
ام فيصل : حنين خليهم براحتهم الله يهديهم
حنين : خلاص انا اصلاً مابي اشوف خشتها ولاخشته ولااتكلم معهم
ابوفيصل: اريح
ام فيصل: حنون تعالي اجلسي معنا وسولفي علينا وعن دراستج
حنين : ان شاء الله

88888888888888
888888888
88888
888
88
8
في بيت ابوعبدالرحمن0000
كانت غزل جالسه تذاكر دروسها شوي يدق تلفونها
غزل متفاجئه لامومعقوله خالد وش اسوي مافي الااني اردواسوي الي قاله لي سعود
غزل : الو
خالد:مابغيتي تردين نسيتي والااذكرج شنووياي
غزل : لامانسيت شنو الي تبيه فضيحه وفضحتني شنو بعد
خالد: موعلى هالكلام لاتجذبين علي بعدين منوالي طقني بالسوق هااه
غزل :مادري عنه من الناس الي تجمعت علينا وانت شيخصك منه
خالد : ماعلينا انا ابيج
غزل مصدومه : شنو
خالد : ابيج يعني ابيج لي
غزل : انت وقح وقليل ادب و00000
خالد : انتي خايفه خلاص خلينا بمكان الي تبينه وانا وياج
غزل : خلني افكر وكلمك بعدين
خالد :خذي راحتج حياتي
سكرت غزل التلفون وقعدت تفكر بهالمصيبه الي ان رمت عليها وخلتها تايها ومالها احد غير ربها ثم سعود على طول دقت على سعود وقالتله عن الي يبيه خالد
سعود معصب : هذا وقح شغله عندي لاتخافين قوليله انج تقابلينه عند مصافط 00
غزل بخوف : اوكي بس لاتعصب
سعود : انا خايف عليج ياغزل وان شاءالله ربي يفكنا من شره واذاه
غزل : سعود بس انا خايفه
سعود : لاتخافين وانا وياج وشغله عندي ان ماخليته يتوب على ايدي ماكون سعود
غزل بخوف : سعود مابيك تسوي شي تندم عليه الله يخليك
سعود: غزل تخافين علي
غزل: ايه
سعود : تطمني ماراح اسوي الا الي يرضيج
سكرت غزل من سعود وهي مرتاحه ودقت على خالد وقالتله على المكان واليوم الي تشوف خالد كان خالد مستانس ومبسوط على الموضوع وانه راح ياخذ منها اغلى ماتملك
بعدها غزل جلست تفكر وش (راح يصير معها ومع خالد ومع سعود )وماحست بنفسها الاوهي نايمه
888888888888888888
8888888888
8888
88
8
وش راح يصير مع حنين وياسر؟؟؟
آمال ليش رجعت تبكي من المستشفى ؟؟
غزل وخالد شراح يصيرعليها ؟؟؟؟