الموضوع: رواية شفت الحبيبه عرض مشاركة واحدة

05-31-2012, 07:57 AM	#18
نائب الاداره بيانات اضافيه [ + ]  رقم العضوية : 7  تاريخ التسجيل :  Jul 2011  أخر زيارة : 12-10-2021 (09:57 PM)  المشاركات : 38,198 [ + ]  التقييم :  10  الدولهـ  الجنس ~  MMS ~  SMS ~ لوني المفضل : Fuchsia	أهاتى دموعى صرخاتى ماذا أقول لقلب قد أنكسر ولروح أصبحت تعيش في الغربة تصارع أمواج اليأس دون جدوى تمارس لعبة التحديق بعين الأمل والركض خلف ظلال الشمس تكتم آهات ودموع خلف إبتسامة زائفة ترسمها على ملامح قد قتلها الحزن ليتني أستطيع أن أتنفس من خلال الآه لكتبت عن الليل الذي أقضيه وحدي وأنا التوي ألماً وأبكي وجعاً ولا يسمع صدى أنيني الا جدران الزمن الراحل وظلام الليل الذي يلفني بأحضانه وأنابين الحين والحين أشعربأنياب تنهش نبضي ويد تحمل فأساً تهدمني ويد أخرى تحاول أن تبنيني ماذاعساني أن أكتب أنا موجوعٌ حد الألم حد النزف أمالي أفراحي تعبر مثل الغيم ومع الفجر الطالع تتلاشى أحيا بين حطام نفسي ورماد يأسي وأتفتت من جديد أتكرر حتى الظلمة كالطفل الذي تاه في زحمة المارين يبحث عن طيف والديه يسمع أصواتهم من بعيد فيهيم بالبكاء ولا أحد يعير له أهتماماً ولا أحد يحس به وبمدى الرعب الذي يشعر ه بداخله كلما حاولت أن أعيد ذاكرتي أغرق بموج النسيان لا أظن أن تتلاحم أجزائي ولا أعتقد أن تتجمع أشلائي تركت بعضي هنا مودعاً وفي نفسي تصرخ أحلامي تبكي خيبة أيامي كالعصفور الذي تجمد في الريح يتعثر ويسقط ويموت لا أستطيع التحلق من جديد كل ما بداخلي قد تحطم وانكسر وتلاشي وأنتهى حتى أنتهيت * * * * * * * انتهت الملكه وكلن راح لبيته حنين منسدحه على سريرها وحست انها بحلم وان كل الي صار كابوس وتتمنى انها تقوم منه وتلقى نفسها بحظن ياسر حست انها تتعذب وتذكرت كلام سعود وصرخت باعلى صوتها اه ياسعود وينك تشوف الي انا فيها وينك ياسعود وينك وصارت تبكي وهي بحيره والم وعذاب عذاب الحب الم الفراق حيرة العاشق تمنت انها تموت ولاانها تكون بحظن غير حظن ياسر مسكت العقد على حلقها وجرت بكل قوتها ورمته على الارض حست كانه يخنقها شافت الخاتم الي على اصبعها وصارت تصرخ وعرفت انها مقيده بعبدالرحمن للأبد ومستحيل ان عبدالرحمن يتركها حست بلوعة الحرمان وقلة الحيله وجرح الزمان حست كأن هموم العالم على راسها حست بالضيقه الي تخنق انفاسها اشياء كثيره كانت ادور في بالها تعبت من التفكير والدموع جفت والكلام عجز يطلع او يذكر اسباب الي صار 00 الفراق كلمه ولكن يوجد بداخلها الف معنى الفراق هو الالم والعذاب والاااااه هو التشتت والبعاد هو الرحيل والمعاناه 00 فكم يكره العشاق الفراق وكم شتت الفراق من عشاق هو لوعة العاشق وانكساره وحزنه 00 فلماذا ايها الفراق تفعل بنا هكذا ؟؟ اجبني ارجوكـ فكل من حولي التزموا الصمت على الكلام 00 ايها الفراق لماذا تٌكتب على العشاق فقط ؟؟ لقد انهيت حياتنا وبدأت في ترتيب وفاتنا هنيئاً لكـ ايها الفراق عذابنا وحرماننا من الحب ومن الحبيب هنيئا لكـ تمنت انها تسمع صوته وماتبي تبتعد عنه من غير وداع اوكلمة حب بس كل شي كان ضدها ماكنت تقدر تسوي ولاشي غير الدموع والتمني شغلت مسجلتها وردت انسدحت على سريرها وكانت اغنية راشد الماجد < ساعات > ساعات احس ان الزمن قاسي ولا يمكن يلين وساعات احس ان الفرح محال ولا يمكن يحين هذا الي شفته بدنيتي وكل مامضالي من سنين يامن يعلمني الفرح ويفرح القلب الحزين ساااااااااعات اشكي مرارت حيرتي بدنيا ماضني بتزين واذا بدى بعيني الامل تجد احزاني وتبين روح زماني وانتهى وتركلي الجرح الدفين دنيا كفى الله شرها تخلي كل قاسي يلين سااااااااااعات سمعت حنين الاغنيه وزاد المها وعذابها تفتحت جروح في قلبها مايداويها الا الحبيب كانت حنين في حاله لاتوصف ماتدري هي بحلم ولاعلم وكل الي صار لها من فراق الحبيب وهل راح تقدر تنساه ولا لا؟؟ والي سواه فيها ابوها واخوها لمصلحتها ولسعادتها ؟؟ وهل عبدالرحمن راح يكون مصدر سعادتها مثل ماقال او مصدر تعاستها والامها؟؟ حنين راح تعيش مع عبدالرحمن الانسان الي يعشقها لدرجة الجنون وراح تترك الانسان الي عشقته لدرجة الجنون ولا راح توقف بوجه اهلها وتعيش مع الي هواه قلبها والي ملكها ببساطته وحنانه وحبه ؟؟ حنين كان تفكيرها تعبان وحست انها ارهقت اليوم كله من كثر البكا والهموم والقهر رفعت ايدها لسما ودعت الله انه يبعد الهموم من قلبها ويفرج كربها ويكتب الي فيه الخير لها 00 بالأمس... كنا عاشقين متيمين حالمين نبني قصور الأمل في حياتنا يشع نور هذا الأمل علينا فنستنير به في دروب حياتنا ويبعث لنا الدفء والحنان الذي نبحث عنه ولا غنى لنا عن ذلك الشعاع السحري الذي خطف أبصارنا و بعض عقولنا وقلوبنا وخطف معها كل الروح منا واليوم... أصبحت مجرد ذكرى جميلة وفي بعض الأحيان ذكرى مؤلمة تقبع هناك في ركن الذاكرة البعيد كلما اشتقت إليك والى أيامنا الخوالي بكل ما فيها من حب ..وأشواق.. ولهفة .. وفراق ..وألم ..ولوعة ..وعذابات ذهبت إلى ذلك الركن البعيد من ذاكرتي فنفضت عنه غبار الأيام وتقادم الزمن وأستعرضت شريطه الطويل من الذكريات بكل ما فيه من معاني الحب والأحاسيس والمشاعر أتلذذ بما يحويه من حنان لأني مصاب بالحنين إليه أبتسم لتلك اللحظات الجميلة الرائعة التي كنا نعيشها أشتاق الى ذلك القلب الذي احتواني بكل دفء حنان أحس بلوعة قوية تحرقني الى درجة الإرماد أشعر بعذاب و ألم أتألم ..و أتألم الى درجة اللاوعي وعندما ينتهي شريط ذكرياتك المليء بكل ما في الحياة من أحاسيس شفافة ومشاعر فياضة وكل معاني الحب أطوي ذلك الشريط بكل عناية و أعيده الى مكانه في ركن ذاكرتي البعيدة محتفظا بكل محتوياته لأني أعلم علم اليقين أنني حتما سأعود إليه لأني محتاج إليه ... و الى حبك.. أكثر.. و أكثر .. و الى الأبد. تتامل الحديقه لاخر مره خلاص اخر منظر تبي تودعه تنهدت بقوه من قلب كيف راح تنسى الشخص الي حبته طول حياتها وهل هو يحبها ولالا اه طلعت الاه من قلبها كلها حزن وفرقى شافها فز قلبه من مكانه من غير مايحس صار قريب منها كان يتاملها وهي سراحانه ويطالع بعودها الريان وشعرها الي يطير مع لفحات الهوا البارد وخشمها لاحمر من البرد وعيونها الي تلمع بالحب وخشمها المسلول يعني جننته بجمالها وزياده على كذا كانت لابسه بدي وبنطلون جينز ومبين تفاصيل جسمها الحلو سمع تنهيدتها من غير مايحس تنهد وحط ايده على قلبه اه ياقلبي دلال بخوف لفت الا وتشوفه ماحبت تصد خلاص هي بتروح وتبي تودعه تبي تناظر وجهه لاخر مره بحياتها ماتبي تبعد عنه بهالحظه ظل الصمت بينهم ولحظه كانت العيون هي اللغه الي يتكلمون فيها حبت تكسر هالصمت وبصوت مخنوق: شتبي ياتركي تركي وهو يطالع بعيونها : شفيج يادلول ليش هالحزن بعيونج دلال بحزن : ماتدري ليش تركي بهلفه: لا ليش دلال وهي تنزل عيونها: اليوم بنسافر ابتسم تركي: وليش كل هالزعل دلال وجها احمر: والله انا تعلقت بغزل وحبيت حنين وخالتي والكل بصراحه وصعبه لحظة الوداع ياتركي تركي وهي يرفع راسها : دلول دلال وهي تشوف عيونه المليانه حنان: هلا تركي بهمس : انشالله لاجيتي مره ثانيه مارح تطلعين من بيتنا دلال عيونها امتلت بالدمع وكان النزاع بين القلب والعقل معقوله تركي يحبني معقوله ايه ماتشوفينه شيقصد يبي يتزوجك وانتي مو حاسه فيه واخيرا راح نتوج حبنا ياتركي نزلت دمعه على خدها تركي وهي يمسح دمعتها : دلال شفيج ليش كل هالدموع كل هذا فرحه انج راح تتزوجيني دلال وجها صار احمر وحطة ايدها على خصراها: لاوالله اصلاً العبره خانقتني لاني بسافر وتراي مو ميته عليك لحد يصدق عمره ولاابيك تتزوجني الحمدالله والشكر قال ايش ابكي عشاني بتزوجك وين صارت فلم هندي وراحت وهي معصبه من كلام تركي بس تركي كان اسرع منها ومسك ايدها وجرها بقوه لين صار وجها قبال وجه تركي تركي بخبث: طيب حطي عيني بيعنج عشان اعرف اذا تبيني ولا لا دلال وهي تضربه من صدره : اتركني لحد يشوفنا الحين ويسويلنا سالفه تركي وهي يشد على خصرها : خليهم يشوفونا وااحد مع حبيبته ولا بكرا راح تصيرين زوجتي يعني عادي دلال وهي تعض على شفايفها من القهر : والله اذا انت ماتخاف على نفسك انا بنت واخاف على سمعتي يله اتركني ياتركي تركي ببتسامه خلتها تنزل عيونها: تبيني اهدج دلال وهي منزله عيونها : اي تركي بخبث: طيب بس بشرط دلال وهي ترفع راسها : والله الي فاضي يتشرط اقولك الحين اتركني لايشوفنا عمي ولاخالتي ولاامي وانت تبي تتشرط علي تركي وهو يضحك: ههههههههههههاي كيفي تبين ولا تراي ماني هادج دلال وهي تصك على اسنانه من القهر: طيب قول بسرعه تركي وهو يقرب من اذنها : موافقه يادلال اني اكون زوجج دلال ذابت وحست بالدفا بكل جسمها ماعرفت تردعليه شتقوله انها تتمنى هالحظه طول عمرها انها موافقه وبطير من الفرح انها مو مصدقه كل شي يصير بهالحظه تركي وهو يهمس مره ثانيه بذنها : دلول شرايج موافقه ولا دلال وجها صار احمر وبتردد: موافقه والحين يله اتركني تركي وهو يبتسم : من عيوني ياقلب تركي فكها تركي وصارت تركض والفرحه مو سايعتها ومو مصدقه كل شي صار لها مع تركي تركي كان يطالعها وهي تركض وصار يضحك على سحاها وعفويتها الي خلته متيم بحبها اما دلال من شدة فرحتها بكلام تركي حست بالرجفه بكل جسمهاالي كله يرجف من الفرح و كان قلبها يتراقص على نغمات حبه لتركي كانت تحس انها بحلم وانها لازم تصحى منه عشان تحس انها مو بحلم وبالفعل اقرصت ايدها بقوه وكل الي حست فيه انها بالواقع وكل شي حصل بينها وبين تركي حقيقه تنهدت بقوه اه اخيرا حلمي تحقق كلنـــــا...نسأل عليك.! كلنـــــا...نوله عليك... مابقي بالدنيا ورده.. ماذبحها الشوق فيك.! آآآآآهـ .. لوتدري حبيـــــبي,, كلنـــــا .... نسأل عليك... كل هالدنيـــــا وأهلها... آآآآآهـ .. يا ماكبر زعلهـــــا. !! وقت ما ترحل حبيبي , في غيابك وش تكون ?! غير تعتيم...وسكون ! وصـــــارت الدنيـــــا مواجع ! كلها... تشـــــكي تبيــك... وصـــرنا بغيـــــابك حبيــــــــــبي كلنـــــا...كلنـــــا..... نسأل عليك ! الـزهر ... بعدك يموت!! والـعمر ... كلـــه يفوت!! حتى أصـــــوات الشوارع.. يعتريها في غيـــــابك.. كل...لحظـــــات السكوت!! والـــدروب الـــلـــي بــدونك... كيـــــف أبمشــــيها بـدونك?! والمكـــــان الـــــلـــــي جمعـــنا مــــا رضـــــي مره يخونـــك بس لو تدري...حبيـــــبي أنا...وعيـــــوني...وقلبي! منهو مــايســـــأل... عليــــك.! منهو مــايــــــوله... عليـــــك.! كلنـــــا ... يانــــور عينـــــــــي كلنـــــا...كلنــا...نسـأل عليك..! غزل بلهفه : سعود حي سعود مامات سعود وهو يقرب منها : ومنو قال اني مت غزل وهي مو مصدقه قربت منه وضمته لين حست ان ضلوع سعود بتطلع وتاكدت ان سعود حي سعود وهو يمسح على راسها : غزولتي اشتقتلج غزل ضمته بقوه وصارت تبكي حست انها مشتاقه لسعود حيل حست انها ماتبي تتركه والحين سعود الي مات صار قدامها بشحمه ولحمه سعود وهو يمسح دموعها : قلبي ليش كل هالدموع اذا تحبيني ماابي اشوفهم ياغزول غزل حست انها من الفرحه موقادره تتكلم حست انها فرحانه رجعت وضمت سعود : طلبتك يابعد روحي طلبتك لاتخليني بروحي تراي بدونك ولاشي شوف شكلي مسكة غزل يد سعود وحطتها على وجها الذبلان شوف صرت من غير روح بدونك شفت ياسعود كيف انا ماااقدر اعيش بدونك سعود حط ايده على فهمها : اشششش ماابي اسمع شي خليني ياغزول احس بالنفاسج الي تنعشني خليني اسمع دقات قلبج الي اشتقت لها خليني اطالع عيونج الي خلتني هايم فيج خليني امسك شعرج واشمه وحطه على وجهي خليني ياغزل اعيش معج هالحظات مسكة غزل سعود وصارو يركضون مع بعض انسدح من التعب وهو يركض مسك ايدها : تعالي يمي غزولتي غزل ببتسامه : كلي لك فديتك صارو جالسين على الشاطئ غزل حاطه راسها على صدر سعود وصارو يتأملون البحر وغروبه سعود : قلبي تدرين اني اموت فيج وانج مارحتي عن بالي ولا لحظه غزل وهي ترفع راسها وتشوفه : سعود اناا احبك واعشقك والله احبك انت ماتدري شصار فيني يوم اني توقعتك ميت حياتي كلها صارت هم وغم سعود ببتسامه وهو يطالع عيونها : ذبحني الشوق ياغزل كل الايام الي طافت قاعد افكر فيج غزل وهي تغرس راسها بين ضلوعه وتبكي: تكفى لاتخليني سعود خذني معك لاتخليني اعيش بدونك سعود وهو يرفعها عن صدره : تعالي ياقلبي معي غزل صارت تتبع خطوات سعود تفاجأت بالي شافته طالعت بسعود مصدومه (كان عباره عن جنه كان فيها كل شي حلو كان العشب الاخضر منتشر بكل مكان ولانهار وصوت العصافير والورود الي اشكال والوان واشياء مااقدر اوصفها ) سعود وهو يبتسم : غزول هذا مكاني غزل مصدومه : وين مكانك ياسعود سعود ابتسم وقرب من اذنها حيل : احبك ولاني احبك ابيك تنسيني ترا وضعج مو عاجبني ياعمري غزل امتلت عيونها بالدمع : بس اانا ماقدر انساك سعود انا ااحبك سعود وهو يبوس راسها ويحط كفوفه على خدها : غزول عيشي حياتج انا مارح ارجع لج ابداً مايصير الي تسوينه بعمرج انا مارح ارد ابدً حطي هالكلام حلق بذنج وعيشي حياتج من غير هم ونكد وانا عاجبتني عيشتي هني وابيج مثلي مستانسه انسيني ياغزل انسيني غزل وهي تضم سعود : لالالا لاتخليني ياسعود مااقدر صعب اني انساك مااقدر والله مااقدر قرب منها عشان يهديها ويمسح دموعها حط كفه على خدها ومسح دموعها حست بالحنان والدفى من بين ايدينه طالعت بعيونه الي احلوت كثير وتغير عن قبل حست انه الحين احلى بكثير من قبل ابتسمة وحست بالي طبع على خدها بوسه خلتها تبتسم وتستحي طالعت بسعود الي مسك خصرها وبهمس : تعالي خليني اقولج عن كل الي صار لي بغيابج وكفايه دموع وحزن وحست بوسه ثانيه تطبع على خدها ابتسمة بخجل :احبك والله احبك حست بالي شد شعرها بقوه فتحت عيونها على الاخر التفتت يمين يسار دور على سعود بس ماشافت قدامها الا دلال دلال وهي ميته ضحك: هههههههههههههاي والله انج خربانه ياغزول غزل وهي تحاول تستوعب: وين انا وشلون طلعتيلي وين سعود دلال وهي تحاول تتماسك : هههههههههههههههههههاي وش اقولج اقول انج مبسوطه على التبويس غزل اسمعة تبويس حست بالنار يطلع من راسها : وجع انشالله وش هالكلام دلال وهي تضحك :اسمعي انا من اليوم قاعده اشوفج بعدين تتغير ملامحك مره تضحكين ومره تبكين قربت من عندج هههههههههههههههاي غزل بعصبيه : تكلمي بسج تضحك يادليل لاتبطين جبدي دلال وهي تمسح دموعها من الضحك : طيب المهم قعدت ابوس فيج والمس خدودج الا واشوفج مبسوطه وصرت اضحك اخر شي حبيت اخرب عليج نومتج هههههههههههاي غزل بحزن :كل الي صار حلم لا مو معقوله دلال وهي مو فاهمه شي: شنو الي حلم غزل وهي تضم ايدينهاعلى وجها وصارت تبكي: كيف يبيني انساه كيف والله احبه ولااقدر انساه احبه دلال بسرعه راحت لغزل وصارت تهديها : اسفه ياغزول اني ازعجتك بس والله اني ابي اضحك معك ماتوقعتك راح تزعلين مني غزل وهي تبعدها : ابعدي عني ليش قومتيني ليش ماخليتيني معه ليش حرام عليج حرام دلال وهي تعقد حواجبها :غزول اسم الله عليك شفيك قومي شكلك للحين نايمه غزل وهي تحط راسها بحظن دلال: اه يادلال شفته واول ماشفته قلبي صار يدق بسرعه اه ياسعود دلال وهي تسب نفسها : غزول تراه حلم قومي غسلي وجهك يله قومي صلي لك ركعتين ياعمري واستهدي بالله غزل وهي تمسح دموعها : انشالله بعد ماصلت وخلصت صارت تضحك غزل على نفسها يوم تذكرة التبويس وعلى طول راحت لدلال دلال وهي تعدل شنطتها وتكلم نفسها : ياربي شهالتعب وربي انكسر ظهري من كثر الملابس دخلت غزل وهي تسوي روحها معصبه : دليل يالخايسه وش سالفة التبوس دلال وهي تضحك: توك تنتبهين ههههههههههههههههاي غزل وهي تمسك نفسها : قولي وش الي خلاج تكدرين علي نومتي دلال ببتسامه : شقولك اقولك اني ابي اتامل فيك قبل لااسافر ولا اقولك انا بنروح اليوم وحابه استانس بكل لحظه فيه غزل وهي تضم دلال: والله بشتاقلج يادبه دلال تضحك : تشتاقينلي ولالتبويسي ههههههههههههاي غزل وجها احمر : وجع انشالله بس انتي فهمتي غلط دلال وهي تحرها : واضح كل مابستك صرتي تضحكين واذا ماحبيتك كشرتي غزل وهي تضرب دلال : وجع خلاص فشلتيني والله ياشين الي ينام قدامج دلال وهي تركض : واضح ولا تحسبيني سعود هههههههههههاي غزل وهي تخزها : ياجعلج طيحين بموقف احرج من موقفي دلال : حياتي انا عندي حمايه ضد الاحراج خير شر ماانحرج ههههههههههههههههههههاي &&&&&&&&&&&&&&&&&&&&&& &&&&&&&&&&& &&&& دق جوال علي علي : هلاوالله فهد : هلابك شخبارك علي : تمام وانت شعلومك فهد : الحمدالله وشفيك لاسمعنالك لاحس ولاخبر علي : والله انت ادرى بالحال فهد : طيب انا داق عليك وماابيك تردني علي : ابشر بس شنو طلبك فهد: ابي اعزمك ونطلع انا وياك لسينما ونتعشى علي ببتسامه: وانا احسب عند ك شي مهم والله اني قلت عنده سالفه الحين فهد يضحك : طيب شقلت تطلع ولا علي :افا ماعاش من يردك يافهد انشالله الي تامر فيه انا حاظر فهد : مايامر عليك عدو اجل انشالله اليوم نطلع علي :اليوم اليوم وش ورانا والله اني حاب اغير من جو البيت فهد : يله اجل نتقابل علىخير اليله علي: على خير انشالله فهد : مع السلامه علي: بحفظ الرحمن &&&&&&&&&&&&&&&&& &&&&&&&& الجوهره : والله موب هين عبدالرحمن والله ويعرف الحركات حصه : حنون تستاهل جواهر: ماقلنا شي بس مااشوف حنين مبسوطه حصه :اكيد مارح تبين الوحده لازم تكون ثقيله جواهر : الله يوفقهم انشالله دخلو عليهم غزل ودلال الي للحين يتهاوشون حصه تضحك : يله خلو ختامه مشاكل هههههههههههههاي غزل وهي تبوس دلال : فديتها والله انها مثل العسل روحها خفيفه وحبوبه مع شوية غثاثه الكل :ههههههههههههههههاي دلال تمد البوز: والله نشوف بكرا تدقين علي اول ماارجع لسعوديه وانواع الازعاج انا مشتاقه ومادري شنو ابيك تقولين لي نكته اقول بعد ولا كافي غزل وهي تضحك: ههههههههههاي وش بقيتي ياحسره فضحتيني الكل: ههههههههههههههههاي جواهر : الله يعينج ياغزول على الجلسه بروحج حصه : أي والله دلال وهي تغمز لهم : بالعكس عندها حنون وش تبي فينا ياحسره وعندها عبود مارح يخليها تمل دقيقه وحده غزل بحزن : صادقه راح اشتاق لكم بس عارفه انه كم شهر وانتو عندنا عشان زواج عبود عشان كذا مارح احزن عليكم دلال وهي تضمها : أي والله مابقى شي وتمشي الشهور بسرعه الا وحنا قدامك غزل وهي تبعدها : بس يادلال غطيتي على الهنود بالضم والحركات الماصخه الكل : ههههههههههههههههههههههاي دلال : حيي انا ضم مو بعض الناس الله يستر عليهم العن مني حصه : دلول جهزتي اغراضنا واغراضك دلال : أي بس بقالي كم شغله من اغراضي ماخلصتهم حصه بعصبيه : يحول نادي الخدامه خليها تساعدك ترا مافي وقت بسرعه دلال : لاحياتي اغراضي انا ابي اخلصهم حصه : طيب خلي الخدامه تنزل شنطتك دلال بعصبيه: يحول منك انا اتكلم هندي اقولك اغراضي انا الي احطهم وانزلهم حصه وهي تتأفف: خلاص لحد ياكلني بس اخلصي مابقى شي ونمشي غزل بستغراب: بنات مالاحظتوا شي على دلال حصه وجواهر : مثل شنو دلال كانت طالع غزل وهي تبتسم وضامه ادينها : شنو غزل بخبث: مدري كني اشوف ان حيويتج زايده وعيونج تلمع بقوه فيج شي بس انتي مخبيه علينا دلال تضحك: ههههههههههههههههههاي والله تصلحين تصيرين دكتوره عندج خبره حصه والجوهره: مالت عليكم الشره مو عليكم الشره على الي جالسين يسمعون سوالفكم الماصخه طلعوا وخلوا غزل ودلال ميتين من الضحك دلال : يله امشي بسرعه خلينا نرقى فوق عشان انزل شنطتي غزل تتأافف:اوووووووووف منج وليش ماتخلين الخدامه تنزلهم دلال : والله يابعد عمري انا انسانه موسوسه احب اصلح اغرضي مااحب احد يتدخل فيها مين ماكان غزل وهي تضحك: أي مشاللله عليج ذربه هههههههههاي دلال وهي تروح فوق : اقول بتجين ولا لا غزل وهي تضحك: لاياعمري بجلس اتابع التلفزيون وبعد شوي بفطر يعني مالي خلق لج دلال وهي تكش عليها : مالت عليك بس والله انك ماتقدرين احد انا اخر يوم معك وانتي مسكبتلي غزل تضحك : روحي بس اللي يشوفج يقول بتفارقينا دهر كله كم شهر وراح اشوف خشتج ههههههههاي راحت دلال عشان تنزل شنطتها ودخلت غرفة غزل بسرعه رتبت اغراضها وسكرت شنطتها وصلت الشنطه عند الدرج وصارت تسحب على ورا بقوه لأن الشنطه كانت ثقيله بهالحظه تركي كان يركض يبي يروح لغرفته لانه بيطلع ويبي يبدل ملابسه هي تسحب بكل قوتها وتركي يركض زلقت رجلها وماحست بروحها الا وهي بين حظن تركي الي طاح على ظهره بقوه لانها كانت فوقه تركي بالم : اه ياظهري يلعن خيرج احد يسحب الشنطه جذي دلال بخوف وهي تقوم من حظن تركي : اسفه والله اني اسفه مانتبهت لايكون تعورت تركي وهو يبتسم من بين المه: دلول فداج يابعد عمري ماصار الاكل الخير بس لا عاد تتعودينها دلال وهي منقهره : والله الذنب مو ذنبي يعني انت الي كنت شايف كان تنحنحت ولا انقلعت تركي وهو يحاول يقوم : الحمدالله والشكر هي انتي عدلي اسلوبج كم مره اقولج عن الكلام البايخ بس تبين الصراحه والله انج متينه يابنت الناس بغيتي تكسرين ظهري ههههههههههاي دلال حست بشياطين الدنيا على راسها : وليش شنو شايفني فيل والله انت الي عظم الحمدالله والشكر تركي وهو حاط ايده اسفل ظهره : والله شكلج مو فيل الا برميل يمشي ههههههههههههاي دلال : هي انت قاعد اضحك عمرك ,, حست دلال انه عورته بعد ماسمعت ونته من الالم :: ياويلي على حالي ياتركي لايكون صارلك شي وانا السبه تركي وهو يبتسم : لاوالله بس شكله رضه يعني عادي يله وش ورانا ناخذ ذكرى منج قبل لاتروحين دلال تبتسم : اجل تستاهل ماجاك هذا وانا خايفه واخرتها تقولي هالكلام تركي وهو يطالع بعيونها : يافديت الي يخافون علي والله دلال وهي تتهرب من نظراته : طيب روح لغرفتك الحين قبل لايشوفنا احد ولاتنسا تحط فكس تراه زين للالم ولاحط اللزقه حقة الالام ههههههاي تركي : لا والله ماادويها عشان كل ماتذكرت الالام اقول الله يذكر الفيله بالخير 00هههههههههههاي دلال وهي ماسكه نفسها من الضحك بس ماتبي تبين له :: ياملغي والله ماالوم اهلك اذا ماعطوك وجه مافيه الا الهندي الي صابر على غثاثتك 00ههههههههاي تركي : والله فديتج انتي بعد معطتني وجه ,,هههههاي زين اقول قبل لااروح شنطتج انا بنزلها وخلي عنج الهياط الي ماله داعي حنا نحب ندلع البنات فهمتي كانو كذا تركي ودلال حبهم عناد في عناد وكل واحد يكابر عالثاني ويموت في الثاني راح تركي وخل دلال الي تجلس تسب بروحها على الي سوته لونها سامعه كلام غزل واختها كان ماصارلها الي صار بس اعجبها الموقف كانت فوقه وتلاقت عيونهم حست بدفى صدره وايدينه يوم التمت على خصرها حست بهالحظه انها تموت في تركي وماتقدر تعيش بدونه وتذكرت انه عن قريب راح يكون زوج المستقبل &&&&&&&&&&&&&&&& بيت ابو فيصل*** منسدحه على سريرها وتبكي عيونها ماذاقت طعم النوم من بعد الفراق الحبيب ولاذاقت طعم الراحه ولاذاقت طعم الحياه بعد فراقه حست ان قلبها بيتقطع من بعد الي صار وانها ماتدري كيف تعيش مع شخص ماتحبه وقلبها تعلق بهوا شخص ماتدري شراح يصير عليه لما يعرف بخبر زواجها وكيف راح تقوله حست بالغصه يوم تذكرت كلام فيصل لها لوانها فكرت تسوي شي او انها تهرب مع ياسر او انها تفكر تخون عبدالرحمن ولا تفكر انها تفضحهم راح يقتل ياسر هددها بقتل ياسر وانه ماعنده أي مانع انه يخسر كل حياته بس عشان ينغص عليها عيشتها حست بجدية كلام فيصل خافت على ياسر من فيصل خافت لايذبحه ثم تجلس طول حياتها تتحسر على اليوم الي عرفت فيه ياسر وتعيش حياتها كلها بندم لانها حبته وكانت سبب في موته بكت وصارت تشاهق بقوه كل ماتذكرت انها مارح تكون لياسر وبكت لما عرفت كيف الحياه قدرت انها تفرق بينهم حست بالوعه والحرمان من كل شي حست انها مجرده من الاحاسيس ماعرفت كيف تقدر تعيش بعد ماتجردة منها كل الامشاعر حست ببرود وقررت انها تحمي ياسر من شر اخوها ووعيده قررت انها تتخذ قرر يكون بصالح ياسر بس مافكرت بنفسها ولا قدرت انها تفكر بنفسها لان في شخص دخل قلبها واستحوذ على كل تفكيرها وكيانها معه تنهدت بالم وحسره اه اه اه اه مسكت تلفونها ( طبعاً عبدالرحمن اهدا حنين جوال وشريحه جديده عشان يكلمها ) ترددت تكلمه ولالا بس قررت انها تخطو هالخطوه وتعيش كل لحظه فيها دقت على رقم الحبيب اللي ماغاب عن فكرها لحظه ياسر شاف الرقم غريب رد : الو حنين بصوت مخنوق : الو ياسر فز قلبه من سمع صوتها : هلا والله بحياتي وعمري حنين وهي تبلع ريقها : هلابك ياسر بلهفه : شفيج ادق عليج مغلق شلي صارلج احد اذاج يابعد عمري حنين وعيونها ماوقفت من الدموع: ياسر مااقدر اطول معك الكلام انا ابي اشوفك عشان نتفاهم على كل شي ياسر بستغراب: شنو نتفاهم على شنو ياحنين حنين وهي تحاول تمسح دموعها: ياسر قلتلك ابي اشوفك وهناك راح تعرف كل شي اسمعني ابي اشوفك بالمجمع 000بس مو داخل خلنا على البحر اوكي ياسر ياسر متفاجأ: حنين شفيج تكلميني بهالطريقه حنين بعصبيه : ياسر راح نتقابل ولالا ياسر : انشالله طيب وتوه بيتكلم بس حنين ماعطته فرصه انه يتكلم وسكرت التلفون بوجهه ياسر يطالع الجوال بستغراب: لا اكيد البنت فيها شي ورجع دق عليها بس حنين سكرت بوجهه مره ثانيه ياسر وهو يحاول يهدي اعصابه خلاص راح اشوفها واعرف شفيها لاتستعجل ياياسر خلك شوي متفهم واصبر حنين وهي ترمي التلفون وتحط راسها بالمخده والله ياياسر انك ماهنت علي بس لازم اخلي قلبك قاسي مثل ماخليته لين لازم اخليك قاسي وبكذا ياياسر راح يهون فراقنا عن بعض ومارح تتالم يابعد عمري لاني مابيك تتالم اموت ولا اعرف انك تتالم &&&&&&&&&&&&&&&& &&&&&&&&& &&&& بيت ابو عبدالرحمن*** الجوهره تودع امها واخوانها : مع السلامه والله اني بشتاقلكم يالغالين ام عبدالرحمن : هانت مابقى شي يابنتي وتجينا على زواج اخوك عبدالرحمن مبسوط: أي والله عاد لااوصيج يالجواهره ابي كل شي اوكي الجوهره وهي تلوي فمها : أي واضح دام بينكم مكالمات وتنسيقات مالي عازه عبدالرحمن وهو يغمزلها: افا بس الا انتي الخير والبركه بعدين لاتحسديني توي ماسويت شي غزل تضحك: هههههههههاي الله يعينج ياحنون عبدالرحمن يبتسم : الا قولي الله يعيني عليها دلال وهي تبوس خالتها طبعا تركي كان نظرته تتبع دلال: مع السلامه ياخاله وسامحينا على القصور ام عبدالرحمن تبتسم : أي قصور يابنتي والله انك من اول ماجيتي لين رحتي وانتي خفيفه صار الكل يودع الجوهره ودلال وام حصه وحصه كانت هالحظه صعبه على دلال وتركي الي كان وداعهم بالنظرات صعب وقاسي &&&&&&&&&&&&&& &&&&&&&&&&&&&&&&&&&&& &&&&&& دق فهد على علي عشان يطلعله برا وطلع علي لفهد عشان يلحقون على السينما 00 كاان طول الوقت مسرح ماكان يم الفلم وكان يتذكر مواقف جمعته مع شخص عزيزوكوميدي وخفيف عالروح قطع عليها افكاره صوت فهد يناديه فهد : علاوي وين رحت علي بربكه : هاه فهد بضيق على حال علي: علي يله خلص الفلم وانت شكلك مو متابعه علي يصرف: ومن قالك مو مع الفلم معه بس منقهر انه خلص فهد :ايه هين عاش مصرف يله اجل خلنا نروح لسياره 7 7 7 7 7 (( بالسياره )) 7 7 7 ياموت تكفى رجع الي اخذته الصاحب اللي ضحكته تبري الروح شف حالتي ياموت جسمي نحلته خله معي ياموت لو يوم ويروح وين الصبر ياناس قلبي فقدته واشلي بدنيا مابها ضحك ومزوووح وين الصبر ياناس قلبي فقدته راح الخوي راح الاخوا راحة الروح يبوني انسى شخص مبطي سكنته وهو سكني وصرنا اثنين في روح مرحوم ياشخص عزيز فقدته راح وتركني حايل الحيل مجروح وصيتي لين مت وقبري دخلته حطوني بجنبه وانا فاقد الروح يهل دمعي لين مني ذكرته طيفه معي من وين ماجيت واروح لاتذرفون الدمع دامي وصلته خلوني بجنبه اسد جرح مفتوح 7 7 7 7 7 كان علي على وضعه قاعد يتذكر كل شي صار مع سعود وكيف الحين انه بدونه حياته مالها طعم وتذكر ضحك سعود ومقالبه الي بينهم خلت دمعة حزينه تنساب على خده فهد وهويشوف دموع علي : والله ياعلي اني حبيت اوسع صدرك ماتوقعتك انه راح يضيق علي كان ساكت فهد بحزن : والله ان سعود في بالنا بس ماسوينا الي سويته بروحك امنا بقضاء الله ياعلي علي بنفسه ماعرفتو سعود لو عرفتوه كان حسيتو فيني او حسيتو بشي بسيط من الي اعانيه فهد وهو يحط ايده على علي: مهما صار لازم يكون ايمانك بالله قوي صدقني ياعلي عارفين بالي تحس فيه وعارفين انه عزيز وغالي بس مالنا اعتراض على قضا الله علي حس من كلام فهد براحه جلس يمسح دموعه ويترحم على سعود التفت على فهد: يعطيك العافيه فهد واسف اني كدرت عليك الطلعه بس تعرف هذا اكثر مكان نروح له وكل شي فيه يذكرني فيه ابتسم فهد: لاعادي ياعلي بس اهم شي مانبيك تتعب عمرك اكثر علي بحزن: احاول &&&&&&&&&&&&&&&&&&&&& &&&&&&&&&&&& &&&&& نزلت من الباص وعند باب الجامعه دقت على تاكسي حست انها راحت بدري لان الموعد بقاله ساعه بس ماقدرت انها تصبر تبي تشوفه تبي تحس لمسة ايده تبي تنغرس بين ضلوعه حست بالربكه وان قلبها كل ماله يتقطع بس ماهان عليها اكثر فكرة ان ياسر يموت والسبب هي ولا حبت انها بيوم زواجها تشوف الالم في عيونه ولاحبت انها تجلس بالحياه وفيه شخص يذوق طعم المر نزلت بسرعه وراحت للبحر بس الي صدمها الشخص الي كان موجود حست بخنجر ينطعن بقلبها كيف تقدر تترك شخص يعشقها كيف تقدر تتكلم وتقوله ياسر ابعد عن حياتي كيف وحياتها وحياته كانوا شي واحد حست بالالم يعتصر قلبها ما قدرت أصبر وجيتك قبل موعدنا بساعه والغريب أني لقيتك تنتظر قبلي بساعه دامك أنته مثلي مشتاق ليه دايم بيننا فراق .............................. لي مكانك مو مكاني لي زمانك مو زماني لي تاركني أعاني لي متى والوقت سراق دامك أنته مثلي مشتاق ليه دايم بيننا فراق كان واقف ينطرها ويتأمل امواج البحر الي مره تشتد ومره تهدا حس بالحنين لها وان كل هالفتره ماحس بطعم النوم ولاقدر انه يغفى كله يفكر شصار عليها وطول الوقت يدعي ربه انه يجمعهم مع بعض التفت بعد ماسمع الصوت الي طول عمره يرن بذنه ومستحيل ينساه لف ولقى الي ملكة روحه وقلبه وعقله وصار مجنون فيها ابتسم بشوق: هلاوالله بالغاليه حنين وهي تقرب ومانزلت عينها من عينه: هلابك ياسر وهويطالع بعيونها الذبلانه : شخبارج يابعد عمري حنين وهي منزله راسها : حالي مايسر عدو ياسر وهو يرفع راسها : شفيج يابعد حيي عسا الي فيج فيني حنين ماعرفت كيف تبدا او كيف تقدر تواجه شخص ملك قلبها وروحها وعقلها ماتقدر تواجهه بس هذي حال الدنيا ولازم تتخذ قرر من هالحظه بس الي تذكرته تهديد فيصل الي خلاها ترجف من فقدان ياسر طول العمر لانها تحس ان ياسر صار انفاسها ولو تفقده مارح تقدر تعيش دعست على قلبها وبصوت يتخلله الالم والحزن : ياسر ياسربحنيه : عيون ياسر حنين وهو طالع بياسر وتحس بقلبها كيف يدق بسرعه من اول ماشافته رغم لمسة التعب الي تكسو وجه الا انه مازال وسيم ومازالات عيون ياسر عذاب حنين : احبك حنين استغربت نفسها انها تقولها بس ماقدرت تتحمل فكرة ان ياسر راح يكون مجرد ماضي بالنسبه لها ونطق قلبها بالي سكن فيه من حب ياسر ياسر ببتسامه ذوبت حنين : وانا اموت فيج يابعد عمري انا مجنونج ياحنين بصرخ بعالي الصوت واقول احبج احبج احبج ومالي حياه من دونج حنين وهي تمسك ايد ياسر ويجلسون على الرمال : ياسر انا جيت عشان اقولك كلام كثير صدقني ياسر ان هالكلام عذبني قبل لاانطقه وفكرت كثير ياياسر وهذ القرار راح اقوله لك ياسر وهو يشد على ايدها : شنو ياحنين تراج خوفتيني عليج حنين بصوت متقطع: ياسر ابيك تنساني ياسر وهو يوقف على حيله : شنو مجنونه انتي شنو انساج انتي اكثر وحده تدرين اني مستحيل انساج لاني احبج وابيج تكونين لي تفهمين ولالا حنين وهي تقرب منه: ياسر لو خيروك بين شخص تحبه واهلك من راح تختار اكيد اهلك صح ولالا ياسر بهمس: حياتي انا اخترتج واهلي رافضين لاني احبج ياحنين حنين وعيونها غرقت بالدمع: بس انت غير ياسر بعصبيه : وشنو الي غير ياحنين مو انتي تحبيني وانا احبج خلاص كلنا مثل بعض حنين امتلى نقابها من دموعها : انت ولد وانا بنت ياياسر ياسر وهو يهزه من كتوفها : حنين شقاعده تخربطين شلي صار قوليلي حنين وهي تبعد عن ياسر ماتقدر تقوله انها تزوجت ماحبت تجرحه زياده على جروحه : ابيك تنساني ياسر مسك ادينها وجرها قربه بس الي حسه بصبعها شل كل تفكيره : شنو هذا ياحنين حنين وهي تبكي : ياسر تكفى لاتعذبني وتعذب روحك ياسر وهو يطالع بالخاتم : قوليلي شنو هذا حنين من بين شهقاتها : انا ياياسر صرت بعصمة رجال غيرك ياسر جن جنونه ولاقبل فكرة ان حنين تكون لغيره اخذ الخاتم من اصبعها وقطه حنين كانت تبكي على حالها وحال ياسر ياسر من غير مايحس قرب حنين لصدره : ليش ياحنين ليش وين حبنا وين وين وين حنين وهي تشاهق وهي على صدره : ياسر تكفى هدني مايصير الي نسويه ياسر وهو يشد عليها : حنين ماتعرفين اني احبج شلي غيرج علي وخلاج تاخذين غيري حنين انتي سامعه شي عني حنين وهي تغرس راسها بحظنه الدافئ: لاني احبك اسوي هالشي ياياسر تكفى لاتجبرني على شي راح اتحسف عليه طول عمري ياسر بصوت مخنوق: مااقدر اعيش من دونج ياحنين مااقدر اشوفج مع غيري مااقدر وعمرج مارح تحبينه مثل ماحبيتيني حنين وهي تحاول تفك نفسها من حظن ياسر: خلاص ياياسر انساني ماتفهم انت اقولك صرت بذمة رجال غيرك وانت تقولي مااقدر انساج الي خلاني اخذ غيرك بكره اشوفك ماخذ غيري وبسرعه ابتعدت حنين عن ياسر الي جلس يصرخ بعلى صوته حنين عارف انج تحبيني وعارف انج مغصوبه وعارف اني في بالج لكن مستحيل اعيش وانتي مو لي مستحيل حنين وهي تركض وتمسح دموعها الي زادت بعد ماسمعت صوت ياسراللي يغلب عليه العبره والقهر وصراخه العالي وانه عارف احساسها زادت شهقاتها وبكاها ماتدري كيف تقدر تتعايش مع الحياه بدون ياسر ومحد راح تحبه مثل ماحبت ياسر طول حياتها اما ياسر من اثر الصدمه ارجوله ماشالته وطاح على ركبه كيف ان حنين راح تعيش مع شخص غيره كيف يقدر حط ايده على قلبه وشاف ان بلوزته مبلله بدموع حنين صرخ باعلى صوته اه يالدنيا بلحظه تجمعينا وبلحظه تفرقينا نزلت دموع ياسر الي ماظن انها بيوم بتنزل بس هالمره نزلت لان قلبه بيودع انسانه سكنته سنين طويله حس بلذة الالم والحسره والخذلان حس انه رح يعيش بفراغ عاطفي طول حياته لان هالمكان مايملاه غير وحده والحين هالوحده راحت صرخ بأعلى صوته ومن بين دموعه والمه وقهره حنيــــــــن وربـــــي احبـــــج كفــــــــــانـــــي عـــــــذاب يادنيـــــــا كــــــفانــــــي عــــــــذاب علمتني وشلون احب علمني كيف انســــــــــى يابحر ضايع فيـــــــه الشط والمرســـــــــــــى علمتني وشلون احن علمني كيف اقســـــــــى سير علي .. بس امسح دموعي وروح سير علي .. جب لي معك قلـــب وروح سير علي .. اذا تذكرت الجــــــــــروح ياطاغي النظرة خـطا تجزى بهالبخل العطا وانا اللي اهديتك أمن عين وجفـــــــــــــن هذي فراش وذا غطا ويا بحر ضايع فيه الشط والمرسى .. ياجرح من وين ابتدي وانت معي من مولدي وعيت يــــــــــــــــدي على وداعك تهتــــدي بس انت علمني الجفـــــــــــــــا دامني عجزت اعلمك كيف الوفا ويا بحر ضايع فيه .. الشط والمرسى &&&&&&&&&&&&&&&&&& بيت ابو عبدالرحمن *** غزل جالسه مع نفسها وتفكر شراح تكون حياتها وخصوصاً بعد الحلم الي تحلمت فيه مع سعود وماتدري هو حقيقه ولا لانها من كثر ماتفكر بسعود صارت تحلم فيه بس كلامه كانه موجود معي وانا ضميته بقوه وحسيت بنبضات قلبه وحسيت انه حي مومعقوله يطلع كل هذا حلم خلاص ياغزل بسج تفكير من يوم تحلمتي فيه الا الان مانسيتي سالفة الحلم بس سعود ذبحني وزادني شوق يوم شفته قدامي اه ياسعود شلون اعيش وانت مو معي شلون يابعد حيي قطع عليها حبل افكارها صوت امها ام عبدالرحمن : حياتي غزول للحين مالبستي غزل بستغراب : شنو البس يمه ليش ام عبدالرحمن : حبيبتي في ناس عندنا تحت يله البسي وانزلي بسرعه غزل بكسل: يمه تكفين مابي انزل مالي خلق ام عبدالرحمن بحنيه : يابنتي مايصير كل الحريم يسالون عنك وانتي لك فتره محد شافك يله عاد لاتخليني ازعل منك غزل ببتسامه : خلاص يمه كلش ولازعلج كم ام عندي انا ام عبدالرحمن ببتسامة رضى : الله يرضى عليك يابنتي ويوفقك غزل : امين طلعت ام عبدالرحمن من عند غزل وجلست غزل تحوس بكبتها على بدله حلوه شافت فستاناه الي لبسته بملكة عبدالرحمن وابتسمة يوم تذكرت موقفها مع فيصل وكيف كان شكلها وكيف كان شعورها بذاك الوقت من قربها من فيصل الي شافت فيه جمال ورزه نسخت سعود بس سعود املح من فيصل بس العيون وحده نفس الوسع ونفس السمار ونفس الجسم بس فيصل امتن من سعود بشوي واطول وكيف كان كلامه مع امال, ضحكت يوم تذكرت شكل فيصل وهو يحاول انه يصرف امال ، ضحكت غزل من كل قلبها وحست بوجها صار احمر ولاعرفت شلون تقدر تحط عينها بعين فيصل بعد كل الي صار بسرعه طلعت لها فستان قصير وناعم كان شكله مره حلو تحت الركبه بشوي ولونه عنابي مزموم لين تحت الخصر وصاير كلاوش من تحت الخصر على طول لبسته وخلت شعرها طايح وسوت( بف) ناعم وحطت كحل وقلوز ولبست اكسسورا ناعم يليق بالفستان كان شكل غزل طالع جنان دخلت للصاله الي كانت مليانه من الحريم وسلمت على الكل ام خالد وهي ماطيحت عينها من غزل: شلونج يابنتي شخبارج غزل بخجل: الحمدالله تمام شخبارج انتي خاله ؟؟ ام خالد : يسرج الحال الا أي صف ياغزل؟؟ غزل : اخر سنه ام خالد ببتسامه : الله يوفقج يابنتي غزل : امين ام سلمان : اجل انتي قد بنتي عهود غزل ماتعرف منو عهود ولاقد شافتها : أي قدها ياخاله ام عبدالرحمن : غزل حبيبتي روحي جيبي الحلى من المطبخ غزل وهي تقوم :انشالله ماصدقت غزل تطلع من المجلس حست بضيقه على قلبها وكيف كانت نظرات الكل لها ام خالد: والله ياأم عبدالرحمن انا ندور لخالد ولدي مره سنعه واول ماشفت بنتج اني ارتحت لها ام عبدالرحمن ببتسامه : الله يرزقه انشالله بس زي ماتعرفين البنت صغيره وتوها على الزواج ام خالد : ماعليه من هالناحيه مستعدين انا ننطرها بس اهم شي عندنا انكم توافقون ام عبدالرحمن : والله الراي الاول ولااخير لغزل ام خالد : اهم شي نبي نسمع ردكم عشان نخلي الرياجيل يخطبون رسمي ام عبدالرحمن مبسوطه : انشالله مايصير الا الي يرضيك دخلت غزل ووزعت الحلى وحست بنظرات امها وام خالد موطبيعيه بسرعه نزلت الي بيدها وطلعت لغرفتها &&&&&&&&&&&&&&&&&& &&&&&&&& &&&
	توقيع :

فترة الأقامة : 4674 يوم

زيارات الملف الشخصي : 2422

إحصائية مشاركات »

المواضيـع الــــــردود [+] [+]

بمـــعــدل : 8.17 يوميا

معانى الورد

مشاهدة ملفه الشخصي

إرسال رسالة خاصة إلى معانى الورد

البحث عن كل مشاركات معانى الورد