حبيبى ياروح قلبى باحبـــك وباأغـــيرعليك من الهــوا الطـــــاير
***
أد إيه حبيتك ومن كترحبى فيك وهبتك قلبى ملفـوف فى حـــراير
***
يااللى ملكت روحى و زمامى أوعى تجرحنى دا جرح الحب غـاير
***
شـــايفك اليومين دول مش طبيعى ياحبى والقلب فيــك حــــــاير
***
وحاسس بقلوب غريبة بتحوم حواليك وأناماباعرف شوصــــاير
***
أنا كلى ملكك روح قــلبى فخليك علىَّ أمين وعادل وماتكون جاير
***
وأنااللى بأبات وأصــحى على صـــوتك وانتظـــــرك خلف الســتاير
***
حبيبى لاتزوغ بعينك لحدتانى وانت عارف إنى ماباأحب الضــراير
***
خليك فى حضنى ودفينى أنابامــــوت فيك والله أعلــــم بالضمــاير
***
تعـــالى هنـــا جانبى ولاغينى لحد النوم مايجينـــا ونركب الســراير
***
أنت اللَّى لى فى الدنيا دى كلها ياريت ماتعصبنى ولاتخلِّى دّمِّى فاير
***
تعرف ماحد حايقدرياخــدك منى واللِّى يقـــرب لك أنَسِّره نســــاير
***
أناباأغيرعليك واللى يفكريبص لك أقطعه حتت وأحطه فى شكاير
***
مصطفى منصور
14/5/2013