على صدري، تطيح نجوم...
ومن كفي، تطاير.. غيم !
....أرد الباب عن صوتك،
هوى كذاب، وفي عز الحنين غياب !
من الشباك.. يطل وجهك،
لبست قناع ! ملامح صدق..
وفي أقصى الشعور خداع !
ينوح فـ داخلك قلبٍ.. يشابه بالوهم أحباب !
وغرتني الليالي بـ صبح، وسامرت الأماني شراع
وضاع الحلم من عيني، وتهت انت من ايديني
هوى غشاش.. حزنك،
والأرق... والصمت !
نزف عصفور، دمع.. ودم !
ومن يدري...؟ سوى جدران..
لفت هالحزن بالصمت..!
وينك انت..؟ ياللي..
كانت عيونك لـ عيني حلم !
بقايا صبح في جفني، وفي صدري أنين وداع
وضاع الحلم من عيني، وتهت انت من ايديني
هوى غشاش.. حزنك،
والأرق... والصمت !
وكل اللي كتبته زيف، حبرك جرّح الأوراق..!
...وصرت أضحك على وقتي، مع طيفك...
على صدقي، ...وعلى زيفك !
كسرت بـ داخلي قلبٍ.. حملته لك رغم الأوجاع !
وضاع الحلم من عيني، وتهت انت من ايديني
هوى غشاش.. حزنك،
والأرق... والصمت !