الموضوع: رواية شفت الحبيبه عرض مشاركة واحدة

05-31-2012, 07:52 AM	#13
نائب الاداره بيانات اضافيه [ + ]  رقم العضوية : 7  تاريخ التسجيل :  Jul 2011  أخر زيارة : 12-10-2021 (09:57 PM)  المشاركات : 38,198 [ + ]  التقييم :  10  الدولهـ  الجنس ~  MMS ~  SMS ~ لوني المفضل : Fuchsia	(الــجــزء الــتــاســع ) حبيبي عدت من جديد لألملم كلماتي المبعثرة وأسرد خاطرة العشق فوق شفاه زماني لأزينه بأحلى الكلمات التي تنبض بالحياة فتعيد لي روحي من بعد اشتياق تهدئ من روع نبضاتي فلا للفراق تسكن من انين انفاسي بحبا يراق فهيا لتسكن قلبي وتجتاحه للأعماق لترتاد حبا عظيما يود العناق حبيبي عدت من جديد وكيف لي ان لا اعود .. وقد أغرقني الشوق في بحرك حبيبي عدت كي أقول أحبك كي أصرخ حبيييييييييييبي أنا هنا لك لك أنت وحدك جئت وأنا عارية سوا من الحب والحنين فقد كنتُ هناك وانا هنا وكنتَ هنا وانا هناك فأنا بقلبك وأنت بقلبي هذه الجاذبية التي أرجعتني أرجعني الهوى منك إليك لاحقني طيفك وخيالك وحاصرني إلى ان بعثرني ولملمني وعاد قد أشعلني أشعل شمعتي عندها انصهرت روحي وبكت جروحي فلم تجد مهربا سواك ولم تجد بلسما الاك كنت معك وأنا الآن معك فلم أزل معك وان فارقت روحي جسدي فروحي ستبقى معك معك حبيبي فهل لك أن تقبل وجودي الأزلي في قعر روحك هل لك أن تقبل حبي حبي فقط ؟؟ فقد عدت من جديد حبيبى عدت من جديد لاعيش بين طيات انفاسك لاستمد الروح من لمساتك حبيبى ...عدت من جديد ... بل ... عشت من جديد .. معك .. وبك ... فلا . للفراق ... ولا ..... للابتعاد ... اجعلنا ننصهر ... حتى لا نعرف من نكون .. ولانجعل للفراق طريق حبيبى .. احبك .. احبك الى الابد .. بيت ابو عبدالرحمن *** سمعت صوت ابوها واخوانها يرحبون ويضحكون استغربت قامت من النوم وغسلت وجهها ونزلت بجامتها تحت وبسرعه تبي تعرف شسالفه نزلت وقفت من الصدمه شافت بنات خالتها صرخت بصوت عالي: هلا والله وركضت تضم دلال صديقتها وكل حياتها غزل بصوت مخنوق: شخبارج والله ولج وحشه يادلول دلال وهي تبوسها : وانتي بعد ياقلبي شخبارج غزل وهي تبعد عنها: مايسرج الحال وراحت تسلم على خالتها وحصه ام حصه : شخبارج ياغزل وشفيج متغيره غزل بحزن: الحمدالله ياخاله كل شي تمام وش الي فيني متغير ام حصه : ويهج وجسمج حدج ضعفانه غزل ببتسامه مصطنعه: ولاشي بس الدراسه ماتريح احد ام حصه: اها الله يعينج يابنتي وهانت مابقى شي وتخلصين انتي ودلول وراح اسوي لكم حفلة تخرج لاصارت ولاستوت دلال برجه: والله يمه ام حصه: شايفتني كذابه عشان تحلفيني دلال تضحك: لاموعن بس ابي البس لبس التخرج واصور لاني اعرفج ماتعطيني وجه غزل تضحك: ههههههههاي ياحلوج يادلول وربي مشتاقه لج وراحت وضمتها دلال تناظرها بستغراب: غزول شفيج صرتي رومنسيه وخري عني زين الكل : هههههههههههههههههههههههههاي غزل وهي متفشله وتبعد عن دلال: وربي ماتستاهلين احد يعطيج وجه صادقه خالتي يومنها ماتعطيج وجه دلال وهي تمسكها وتضمها : شدعوووا يبه امزح ياغزول غزل وهي تناظره بستحقار: اقول لاتجلسين تغيرين كلامج خليج زي منتي دلال تضحك وتلوي فمها : كيفي جيت الكويت وابي اتكلم كويتي عندج مانع غزل متنرفزه: دلال ولي يعافيج تكلمي سعودي لاتصيرين مليغه دلال وهي تضحك: طيب ولاتزعلين كم عندي غزول انا غزل وهي تمسك ايدها : امشي معي لغرفتي وتراج بتنامين عندي وجنبي ماابيج تحت دلال وهي تحط ايدها على خصرها: اصلاً ومن قالك اني راح انام تحت اصلاً انا ناويه انام عندك رضيتي ولامارضيتي غزل تضحك : ههههههاي هذا انتي عمرج مارح تعرفين الذرابه راحو فوق غزل ودلال وجلست دلال تشوف غرفة غزل : تصدقين انك ذوق غزل وهي تنسدح على السرير: من زمان توج تعرفين دلال وهي تجلس يمها: عارفه بس مادري غرفتج متغيره شمسويه فيها ذكريني ترا ناسيتها قعدت غزل تقولها شسوت وش حطت بغرفتها لدلال بعدها قالت دلال : غزل ليش يوم سألتج شخبارج قلتي مايسرج الحال غزل بحزن: دلال انا ابي افضفض لج الي بقلبي ابي ارتاح ابي اعرف شفيني دلال وهي تناظرها بشفقه: قولي وماراح اقاطعك غزل وعيونها غرقانه بالدمع : انا احب سعود يادلال دلال بصدمه:سعود غزل تبكي: ايه سعود ولدعمي سعود الي صرت مجنونه بهواه صرت مااقدر اعيش بدونه شفتي حالتي بدونه كاني جسد بلا روح دلال تهديها: خلاص ياغزل لازم تنسينه سعود مات ومستحيل يرجع وحرام الي تسوينه بنفسك ماتشوفين كيف عظام وجهك طالعه وربي ان شكلك يخوف تتوقعين لو سعود عايش كان راح يرضى بالي تسوينه بنفسك غزل تمسح دموعها: لا مارح يكون راضي اه اه اه بس لو تحسين يادلال بالي احس فيه دلال وهي تضم غزل : عارفه احساسك وربي عارفه ياغزل وحاسه فيك هذا الحب وهذا عذابه وقالت غزل لدلال عن علاقته مع سعود وكل شي صار بينها وبين سعود دلال وهي تمسح دموعها : وربي ماالومك ياغزل ولله انه ينحب بسرعه واني حبيته من كلامك غزل وهي تحط راسها على المخده: اه حبيتيه من كلامي عنه وش رايج بالي حبته بافعاله وطيبته ورجولته وصار كل عرق فيني ينبض بحبه دلال بصوت مخنوق: غزل طلبتك لاتعذبين نفسك ولاتتحسرين اصبري وصدقيني ربي بيعوضج بالي ينسيج سعود غزل بعصبيه: دلال شنو الي قاعده تقولينه اني احب بعد سعود لاو والف لا ولو تنطبق السما على الارض مااتزوج ولا احب غير سعود دلال بخوف: خلاص ياغزل انا اسفه ماكنت اقصد والله سامحيني غزل بحزن: لا دلال انا الي اسفه لاني انانيه دلال : لاياقلبي ليش تقولين كذا غزل وهي تضمها : لاني يادلال ثقلت عليج بهمومي وانتي ماصارلج ساعه وتوج جايه والمفروض مااضيق خلقج دلال وهي تمسح على شعرها: غزل وش فايدة الصديق اذا ماوقف مع صديقه وقت الضيق غزل وهي تبكي: الله لايحرمني منج يادلول دلال وهي تبعدها: يله عاد خلصنا الفلم الهندي يله قومي انا ضيفه وجايعه ابي اكل غزل تبتسم : ابشري من عيوني الحين انزل للخدامه واطلب اكل لنا بعد كم عندي دلول انا دلال وهي تتدلع : وحده وهذيه للحين مافصخت عباتي من الهبال الزايد غزل وهي تنزل تحت: يله دلال بدلي وتعالي تحت دلال بنعومه : انشالله ياقلبي بالصاله*** ام عبدالرحمن : اربج ياختي بطولين عندنا بس ام دلال: ابشرج ابو دلال قايلنا نجلس لين نقول بس الجوهره وهي تاكل جلكسي: زين يعني شكلي راعية طويله عند اهلي ام عبدالرحمن تضحك: يحول مسرع طفشتي منا الجوهره تضحك: لاولله امزح يمه والله ماينمل منكم ام حصه : الجوهره اسمل عليج محلوه وماتنه الجوهره قلب وجهه الوان من العصبيه :شنو ماتنه لاعاد كل ماطق عود حصاه قالولي ماتنه وربي احس جسمي زين مو دبا حصه: من لاعب عليك انتي متنانه بس لايق عليك لانك حامل وهذا طبيعي الجوهره وهي تسوي بوسات بالهوى حصه: يلوموني بحبج شفتو انا الحين متينه بسبة الحمل ام عبدالرحمن تضحك: أحد قال غير كذا ههههههههههههاي ام دلال : لا في احد معقد بنتك الجوهره تتدلع : اي ياخاله تركي وعبودي وغزل وعلي كلهم يقولون لي يالدبه وقالبين علي ضحك وتطنز الكل : ههههههههههههههههههههههاي ام دلال: وهم صادقين يابنتي ماقالوا شي من عندهم الكل ههههههههههههههههاي دخل عليهم تركي وراح وجلس جنب خالته : شخبارج خالتي ام حصه: تمام الله يسلمك انت شلونك وشلون دوامك تركي : والله تمام ،شلونج حصه حصه: تمام الله يسلمك تركي بستغراب : وين غزل ودلال شوي يدخلون عليهم غزل ودلال طبعاً (دلال لابسه برقعها ولابسه تنوره سواد وحاطه جلال عشان يسترها) دخلوا بعد ماسلموا وجلسوا يم بعض وكل وحده ماسكه اكل بيدها ام عبدالرحمن: غزل وش تسوين غزل وهي تاكل : وش اسوي بعد قاعده اتغدا ام عبدالرحمن : وليش مانطرتي لين نتغدا كلنا دلال وهي تتلقف : اسفه ياخاله بس انا جعت وقلتلها وهي ماحبت تخليني اكل بروحي ام عبدالرحمن تضحك: اذا كذا اجل هني وعافيه يادلول دلال بدلع : فديتك والله ياخالتي صدق انك عسل غزل وهي تضربها بخفه على رجلها: يالخبل تركي موجود دلال اول ماسمعت الاسم حست ان جسمها انتفض لفت تبي تشوف وينه لانها مانتبهت له اول مادخلت لفت الا وطيح عينها بعينه حست بشعور غريب كان مدفون من زمان شعور كان خامد والحين تحرك من نظره تركي ببتسامه: شخبارج دلال دلال كانت توها حاطه القمه بفمها وتبي ترد ماحست بروحها الا وهي غاصه: كح كح احم احم مويه مويه بسرعه غزل وهي تسمي عليها وكاتمه الضحكه: تفضلي شربي خذت الكاس دلال وهي تناظر تركي بنظرات حقد حست انها حدها متفشله وكيف بيقول عنها انها مشفوحه ولا ماتعرف تاكل كانت هذي الافكار ماخذه تفكيرها اما تركي قام عشان تاخذ راحتها وماتتفشل وراح لدوانيه غزل تضحك: شوي شوي على عمرج لحد يموت علينا من السحى دلال وهي تنفض ايدها : اقول لايكثر بس انتي تعرفين انه مستحيل اني افكر بخوج المغرور غزل وهي تغمز لها: مغرورهااه عشانه ماعطاج ويه صار مغرور دلال وهي تفصخ برقعها : اسمعي حياتي الف واحد يتمنى اشاره بس اشاره ويجي وهو يهرول غزل وهي فاتحه فمها على دلال ماتوقعت تتغير مره على فمها المليان وعيونها الحاده وخشمها المسلول كانت مزيونه بقوه : شمسوي بروحج يادلولوه دلال تضحك: شفتي توج تنتبهين لي وين فكرج يوم كنت بغرفتج غزل : هاه تعرفين توني قاعده من النوم مانتبهت الاالحين بعد ماتغديت و صحصحت دلال تضحك: ههههههههههاي الله يقطع بليسج خلاص قلبتي رجال تتغزلين فيني غزل تضحك: ههههههههههههاي وربي انج فله على الجنب الثاني كانو قاعدين حصه والجوهره حصه تهمس للجوهره: الا صدق شلون حنين بنت عمج الجوهره بضيق: والله انتي عارفه حالتهم حاله مساكين وقاعدين يتأقلمون على الي صارلهم حصه بحزن : ياحياتي وشلون علي طيب الجوهره : والله كنه احسن من قبل صار يطلع ويقعد معنا يعني في تحسن حصه : جعلها اخر الاحزان الجوهره وهي تشوف غزل : امين , الا تعالي ماقلتيلي شتبين بالضبط من الكويت علشان تتقضين حصه بسحى : هاه والله مدري يعني عطورات وشناط ودراعات وكذا شغله الجوهره : يختي ماخليتي شي ماشريتيه مابقى الا قمصان النوم ههههههههههاي حصه صار وجهه الوان: وجع انشالله هذي اشياء تخصني مالك دخل الجوهره بخبث: اجل لاحد يجيني ويقولي اي لون ولا وسيع ولا مفتح وكيف ومادري شنو حصه وجه احمر: هاه جويهر بدى التمنن الحين يومني محتاجه لك تمنين علي الجوهره : افا عليج ماعاش الي يتمنن عليج ويذلج ياحصيص حصه برتياح: اشوى على بالي بعد دلال وهي تلبس برقعها : يله غزول هيا بنا الى الحديقه غزل تضحك: ههههههههاي وربي انج جاهل من شافج قال عمرج 10 مو 18 يله لك الحمد دلال وهي تجرها: الحياه حلوه ياغزل لازم نعيشها بخبالنا وهبالنا مانصير رسميين بالحياه غزل وهي تكلم نفسه ياترى يادلال راح تقدرين تخليني اصير نفسج ولالا قامت غزل مع دلال وراحوا للحديقه وجلسوا قدام المسبح دلال وهي ترفع تنورتها وتنزل رجولها على المسبح: يااااي بااارد تعالي غزل جنبي غزل وهي تجلس جنبها وتسوي مثلها : ياااي عزالله بنشل (انزكم) بكره دلال وهي تحرك رجولها بالماي: ودي اسبح بس المشكله مااعرف غزل تضحك : في احد مايعرف يسبح دلال بغثه : انا مااعرف والود ودي اني اعرف وانتي غزل :: وتلعب بالرجولها بالماي اعرف دلال تبتسم : تدرين وش ودي اسوي غزل : وش ودج دلال تضحك: طبعاً هذا الي افكر فيه ودي انه يصير (اني في البحر واغرق ويجيني حبيبي وينقذني واكون بين ايدينه وشعري غرقان ماي واشوفه بنظرات شكر وامتنان) غزل تذكرت كم مره انقذها سعود في حياتها وكيف حست انها بين ايدينه وحست بشوق لهذيك لايام الحلوه الي عاشت فيها احلى واجمل اياام عمرها غزل : تدرين وش ودي انا يادلال دلال : وش ودك غزل بحزن: ودي اموت مع حبيبي وارتاح من هالعذاب الي انا عايشته دلال حست بحزن على غزل وتأثرت معها لدرجه انها تبي تضمها ولفت جسمها كلها ونست انها بالمسبح ماحست بروحها الا وهي طايحه بالمسبح وصارت تصارخ : هاي غزل بموت ساعديني ياويلي ويلاه مابي امووووووووووووت غزل يووووووووووه ساعديني تكفين والله مابي امووووووووت غزل خافت على دلال لان الجلال وبرقعها عليها ومع الماي راح يكتم على نفسها صارخت يوم شافت تركي الي طالع من المطبخ : تركـــــــــــــــــــــي الحق علي يااااااااا تـــــــــــــركي طلع تركي يركض وشاف غزل الي داخل المسبح ومعها وحده من غير اي تفكير فسخ بلوزته ورمى نفسه بالماي ومسك دلال الي تحاول تتنفس شالها وطلعها وكان شايلها بين ايدينه كانت شافه بنظرة خوف ونزلها بس تمنى انه ماشافها لانه شاف اجمل ماخلق ربي والوصف بحقها قليل اما دلال الي حست بتركي الي كان ماسكها من خصرها وشاد عليها لين وقفها نفضت ايده وقالتله : ابعد عني انت ماتستحي تركي استغرب حركتها وقال بعصبيه :اقول لحد يسوي نفسه سبيح وهو على الفشيش الحمدالله والشكر لا بعد سابحه برقعها وجلالها العجوز دلال حست بقهر : ولاحد يسوي نفسه منقذ بعد ولاعدنان على غفله تركي وهو يبتسم وهو يتأمل بعيونها : شنسوي اذا كنتي بتذبحين عمرج لازم احد ينقذج ولا دلال بسخريه: مره ثانيه خلني اموت احسن اذا انت بتساعدني الموت احسن ناظرها تركي بنص عين: اقول لايطول لسانج على الي اكبر منج تفهمين يله ادخلي لايجيج برد بس ثم تموتين من جد دلال بخوف : طيب وبصوت واطي بس سمعه تركي والله مااخليك اما هبلت فيك يالمغرور مااكون انا دلال راح تركي وهو يضحك على خبال دلال الي ماتغيرت ولا راح تتغير غزل وهي تأشر لدلال الي كانت تشوف زول تركي وهو رايح : نحن هنا يالحلوه دلال تضحك: هههههههههههاي كله بسبتج بغيت اموت غزل تضحك: يافديتج يادلولو بس ياج فارس احلامج وانقذج يعني مامتي وصار الي ودج فيه دلال بعصبيه: غزل غزل بخوف: هاه ولاشي يله خلينا نبدل لحد يشوفنا ويجلسون يتمسخرون علينا راحو غزل ودلال عشان يبدلون ملابسهم بيت ابو فيصل*** كان جالس على الكنب وقاعد يتأملها وهي رايحه وجايه بعدها جلست جنبه قالها: امال امال ببتسامه: عيونها فيصل : شصار على الموضوع الي قلتلج عنه امال بخوف: اي موضوع فيصل بعصبيه: لاتقولين لي انج نسيتيه امال بربكه: اها قصدك الحمال فيصل برتياح: اي شصارعليه امال بكذب: كلمت الدكتوره وقالت كل شي طبيعي بس خلال شهر او اكثر راح يبان كل شي فيصل بعصبيه: شنو شهر واكثر تلعب عليج هذي امال بعصبيه: شنو تلعب المره اعطيها فلوس وتقول انها تلعب علي وانت صابر سنتين عجزان لاتصبر كم شهر فيصل هويقوم ويناظرها بستحقار: اسمعي لج شهرين وبس حملتي كان بها ماحملتي راح اشوف من فيه العيب امال تحاول تمتص غضبه وتمسك ايده عشان يجلس يمها: حبيبي انشالله يصير الي تبيه فيصل وهو يتنهد: انشالله ياقلبي امال وهي تقرب منه : فيصل من بعد وفاة سعود وانت متغير علي شفيك فيصل وهو يتذكر الموقف الي صار معه ومع غزل وجلس يناظرها لاحظ فرق بينها وبين غزل لاحظ وجه كله مكر وجه كله برائه ابتسم لاشعورياً بعد ماتذكر الموقف امال وهي تقرب اكثر من فيصل: حبيبي شفيك فيصل بهدؤ: ولاشي قلبي امال تبتسم : ولاشي قولي ليش هالضحكة فيصل : تذكرت موقف صارلي وكان احلى موقف مر علي امال وهي تحط راسها على صدره وكانت تسمع دقات قلبه الي زادت لما ذكر الموقف: وشنو هالموقف فيصل وهو يمسح على راسها ويحاول يصرفها: اسمعي تذكرين اول ماتزوجتج امال براحه : اي شفيه فيصل : لما رحنا لبنان ولبستي بنطلون وعصبت عليج لاني ماكنت ابيج تطلعين قدام العالم كذا امال وهي تتذكر الموقف وتضحك: ههههههههههههاي اي وربي تمنيت مايمر علي هالموقف ابد فيصل برتياح : اي على اول ماتزوجتج ياانج عنيده امال وهي تضمه بقوه: بس عنادي انكسر قدامك فيصل وهو يحظنها : ياحياتي انتي (: (: (: (: (: غرفة حنين *** كانت جالسه تذاكر لان الي طافها كثير وتحاول تلحق خصوصاً ان قسمها انجليزي وصعب بس حنين تحبه وصار بالنسبه لها سهل دق تلفونها وردت: هلا ياسر وهو يغمض عيونه لانه مشتاق يسمع هالصوت من زمان عنه: هلابج ياقلبي والله شخبارج حنين ببتسامه مازال الحزن متخللها: الحمدالله وانت ياسر ببتسامه: دامني اسمع هالصوت اكيد اني بخير حنين : شخبار بشاير يااياسر من زمان عنها ياسر يتنهد: اه بشاير مدري شفيها صايره عصبيه من بعد وفاة ابوي الله يرحمه حنين بحزن : ياسر طلبتك ياسر : عطيتج ياقلبي انتي ماتطلبين انتي تامرين امر حنين :مايامر عليك عدو ابيك توصلها سلامي وتقولها اني للحين على خبري وماتغيرت تكفى قولها ياياسر ياسر بضيق: ابشري ياقلبي بس ماضنتي انها بترتاح حنين : بشاير مهما سوت راح تبقى غاليه عندي ولااوصيك ياياسر ماابيك تكون شديد وياها ياسر : اومر ثانيه بعد حنين تضحك : ههههههههاي ولا شي ياحبيبي ياسر ذاب على ضحكتها حس انها فاقدها: جعلني مانحرم منج ولامن ضحكج ولا افقد زولج ياحبيبتي حنين بسحى : وياك يارب ياسر : حنين شلون اهلج وشلونج ويا الدراسه حنين بحزن : الحمدالله على كل شي ياياسر هذا قضاء وقدر ولازم نصبر وهذا الي نسويه وجلس كل واحد يحاول يواسي الثاني بعدها قالها ياسر : حبيبتي مااطول عليج لان الوقت متأخر اكلمج باجر حنين : انشالله ياسر : فمان الله ياقلبي حنين : فمان الكريم يابعد حيي سكرت حنين من ياسر وحست ان حبه له كل ماله يكبر ياسر كان معها بالحلو والمر ماعمره فكر يتركها بروحها حست انها ماغلطت يوم سلمت قلبها لياسر متى يجي اليوم الي تكون هي وياسر بسقف واحد ومايفرقهم الا الموت اما ياسر كان كل تفكيره بحنين وانه كل ماله صار يتعلق فيها مايدري هو يتعلق بسراب ولا حقيقه وهل راح تكون حنين بيوم زوجته ولالا كان خايف انه يعيش بدونها يفقد صوتها يفقد ضحكتها يفقد حنين يفقد اول حب بحياته واخر حب ؟؟؟ وكل تفكير حنين قبل ماتنام كان بياسر وحبها له الي كل ماله يزيد إن قلت أحبك حتى أكثر من نفسي ... لن تصدقنى... وإن قلت أثق بك أكثر من الأخرين ...لن تصدقنى... وإن قلت أتمنى أن يأتنى الموت وأنا ساكنة بين يديك ...لن تصدقنى... إن قلت ينتابنى الضيق الشديد لخصامك ويخاصم النوم عيونى ...لن تصدقنى... إن قلت أتمنى أن أقضي بجوارك مابقي لى من العمر ... لن تصدقنى... وإن قلت أتمنى أن ارتمى بين أحضانك وأبكى وأشعر بحنانك ...لن تصدقنى.. إن قلت أشعر بالأمان مع كلماتك ...لن تصدقنى... وإن قلت تملكنى الحزن والخوف والألم لمرضك وتمنيت أن احتويك بين ذراعى لأشعرك بالحنان ... لن تصدقنى... وإن قلت أنك من أحببت وأحب وسأحب ... لن تصدقنى... وإن قلت تتمنى عينى ألا تمر عليها لحظة دون رؤياك ...لن تصدقنى... إن قلت أنت من أبكيت عينى أنهارا ... لن تصدقنى... وإن قلت أتمنى أن أراك سعيدا حتى لو أراد لنا القدر الفراق ووجدت سعادتك مع غيري ...لن تصدقنى... إن قلت أنت نبض حياتى حاضرى ومستقبلي ... لن تصدقنى.. ماذا أقول كى تصدق أنك حبى الوحيد وأنك من فتح باب قلبي لهواه واحتواه قلبي للأبد .. ماذا أقول لتعرف أنك فى قلبي دون غيرك .. وأنى لم أحب غيرك فى حياتى.. ولن أحب غيرك إلى أن يحتوينى الموت..؟!! لا أعرف ماذا أقول لن أقول أكثر من أحبـــــــــــــــــــــــــــــــــــــــــــــــ ـــــــــــــــــــــــــــــــــــــــك أحبـــــــــــــــــــــــــــــــــــــــــــــــ ـــــــــــــــــــــــــــــــــــــــك أحبـــــــــــــــــــــــــــــــــــــــــــــــ ـــــــــــــــــــــــــــــــــــــــك بيت ابو عبدالرحمن*** بالصاله*** الجوهره : حصيص شريج روح السوق الحين دامنا فاضين حصه : والله حتى انا ماعندي شي وش ورانا غزل : خلاص اكلم حنين ونطلع كلنا منها نتمشى ومنها نغير جو دلال وهي جايتهم ومعها حلى : تفضلوا على الحلى الي مصلحته وابي رايكم فيه الجوهره : دلالو انتي ضيفه ارتاحي خلي هالعصلى تتحرك حصه تضحك: والله هذي تربيت سونيا وهي الي خلت دلال جيده من كثر ماتجلس معها بالمطبخ الكل :ههههههههههههههههههههاي غزل وهي تذوقه: ياااااااااااااااااي وربي جناااان والله انج محترفه عطيني كورسات دامج عندنا دلال تضحك: ابشري من عيوني الجوهره: والله اني مااحب اكل الا من ايد سونيا ولا دلال ياعليهم طبخ يفتح النفس حصه : وانا وين رحت الجوهره ترقع: انتي حليوه بس دلال احسن منج بالمطبخ غزل : دلال ليش ماتكلين دلال : تدرين اني لمااصلح الاكل مااحب اكل غزل بستغراب : لايكون تبين تسممينا الكل : هههههههههههههههههههاي دلال : هيه انتي مجنونه اسممج بس يقولون ان في الطباخ ميزه لمايطبخ مايحب ياكل اكله الجوهره:مداح نفسه يبيله 00000 مابي اقولها حصه : يبيله رفسه غزل : هيه انتو شفيكم قلبتوا على البنت صدق حريم دلال تناظرهم بغرور: غزول هذي يسمونها غيرة النسوان عشان كذا خلينا نعطيهم طاف الكل : ههههههههههههههههههههههاي الجوهره : اقول لايكثر تجهزو بس ودقوا على حنون وخلونا نروح لسوق غزل : اوكي بس مو الحين بعد مااحلي واتقهوى الجوهره: تصدقين ان العيال يبون حلى خلينا ندزلهم شوي من حلى دلول حصه : دزي لهم بس قولي الي مصلحته حصه غزل تضحك: هههههههههاي يلعن ام النذاله حرام عليج تاخذين تعب غيرج دلال: عادي خليها تاخذه الجوهره: لاحياتي بجلس امدحج عند اخواني دلال تشوفه متفاجئه: اقول لاتسوين اعلانات قولي حصه ولا الخدامه ولااقولج لادزين شي الكل : هههههههههههههههاي غزل وهي تاخذ صينية الحلى : اقول بروح اوديه للي خبرج وانحاشت دلال وهي تلحقها : تعالي ياغزيله تعالي ترى بزعل عليج بس ماقدرت عليها لان غزل كانت اسرع منها ودخلت لدوانيه عبدالرحمن: هيه انتي شفيج تركضين غزل وهي تاخذ نفس : هاه لا بس جايبه لكم حلى على كيفكم تركي : تعالي خليني اذوقه عطت غزل الحلى لتركي وقلتله بهمس هذا تصليح دلال تركي بعد ماسمع الاسم صار ياكل بشراهه : اجل قولي تسلم ايدينها على هالحلى الزين عبدالرحمن : والله انه روعه عطني ياتركي تراك من اليوم تدفس فيه تركي وهو يعطيه قطعه صغيره: خذ ولايكثر تراه مصلح لي عبدالرحمن بعصبيه : اقول عطني اكبر الحلى شكثره تركي وهو يضحك: صدق انك ماتفكر الا بطنك ماشفت احد اشفح منك عبدالرحمن : عطني بس لاتصرف طلعت غزل تضحك وشافت قدامها دلال : يوه يادلال لو شفتي وش سوى يوم درى انه من تصليحج دلال وهي تصد عنها وتمشي: مابي اعرف شي كلمي روحك غزل وهي تمسك ايدها: دلول ماتبين تعرفين شقال هااه دلال وقلبها بيتقطع تبي تعرف: هاه اوقولك ماابي يحول غصب هو غزل : اسمعي انا بقولج وانتي احكمي دلال وهي تمشي وايدها بيد غزل: قولي غزل ببتسامه: تخليلي يوم قلتله ان الحلى من تصليحك بغى ياكل الصينيه ههههههههههههاي دلال تضحك: هههههههههاي اخوك هذا غريب غزل وهي تغمزلها: غريب وبس لدرجه انه تهاوش مع عبدالرحمن على الحلى دلال وهي تركض بالحديقه وتجر غزل : اقول فكينا من هالسيره وخلينا نشم الهوا وننسى كل همومنا مع هالجوا الرووعه غزل وشعرها يطير : اه ياليت همومنا تروح مع الهوا وقفت دلال وناظرتها بحنيه: غزل صدقيني ان الحياه حلوه وانتي راح تشوفين غزل بتنهيده: ااه الحياه الحياه عذبتني يادلال وفرقت بيني وبين الي احبه دلال بهمس: بكره راح تشوفين غزل ناظرات كلها تعجب وقالت بنفسها ياترى يادلال شراح اشوف بعد مامات الي احبه شراح يصير على حالي !!!!!! كلمت غزل على حنين وعزمتها بس حنين اعتذرت لان حالت اهلها للحين ماتحسنت وقالتهم يووم ثاني لبسوا البنات وكانت دلال وحصه لابسين براقع وعبايه على الراس اما غزل والجوهره متنقبات الجوهره : غزل روحي شوفي السايق وينه غزل : يحول وين ذلف هالخبل امشي دلول معي راحت غزل ودلال يشوفون السايق غزل : كمااار وينك، هذا على يوم بذبحه كومار طلع على صراخه تركي: وجع شفيج تصارخين غزل بعصبيه: وين كومار تركي : ليش وين بتطلعون غزل : بنروح لسوق تركي ببتسامه: كومار مو هني كومار بالجاخور(الاستراحه) بس ولا يهمكم انا الي بوديكم دلال قعدت تشوفه : اجل خلاص مارح اروح غزل وهي تشوفه: اقول بلاسخافه بتروحين غصب تركي وهو يطالعها : اريح مايعتاز ناخذ ناس مهبل دلال بضحكة سخريه: هههه تنكت ولاتحاول تركي يضحك: لااحاول غزل : اوكي تركي انا بنادي الجوهره وحصه عشان نروح وياك تركي يله انطركم بالسياره غزل : يله دلال روحي وانا بنادي البنات دلال بعصبيه: خير شقلتي محلاني جالسه مع اخوك الغثيث بالسياره لاوبعد لحالي ياشيخه طيري بس غزل تضحك: اقول روحي لايجيك الحين ويركبك غصب راحت غزل وخلت دلال محتاره تركب ولا ماتروح معهم قررت انها ماتروح ومشت تركي اول ماشافها راجعه نزل من السياره على طول وقال: دلال دلال تلتفت : هلا تركي : على وين دلال تتأفف: يعني وين برجع ماني رايحه تركي بعصبيه: انتي تعالي اركبي ولاكلمه دلال ببرود : ومنو انت عشان تامرني تركي وهو يمسك ايدها : انا ولد خالتج وعن التبيزر و يله اركبي دلال للحين مصدومه من حركة تركي وجلست بالسياره للحين مصدومه ومو مصدقه الي صار معقوله لهالدرجه تركي يعتبرني وحده من خواته لدرجه انه يمسكني لهالدرجه يمون علي وانا الي فكري راح بعيد والله اني مسكينه اقول دام محد حس فيك احسن عزي نفسك ولاتفكري فيه واعتبريه زي اخوك ركبوا البنات مع تركي وراحوا بالطريق*** كانت دلال اطالع بالسيارات الي رايحه شوي وقفتهم اشاره وشافت سياره يمهم كان فيها ولد مسوي (سبايكي) نافش شعره وسلاسل وحلق وقاعد يطق بالعلكه ضحكت بصوت عالي : هههههههههههههاي غزول طالعي هالخبل شوفي شكله شلون صايره كأن امه مقطعه شعره هههههههههههههاي أي يابطني غزل : ههههههههههههههههاي والله انج صادقه وربي يموت من الضحك دلال تضحك: يافديت اهل السعوديه وشبابهم وربي تكانه وماعندهم هالحراكات الماصخه لف عليها تركي وبصوت حاد: وش هالقلة الادب ، اقسم بالله لانزل بنص الشارع وامسطكم بالعقال دلال تتأفف: ماطقني ابوي طقني انت وخشتك تركي بعصبيه: اقول انتي ماتكلمين اصغر عيالج عدلي اسلوبج هاه لاعدله لج دلال بصوت قريب للهمس: مالت عليك وعلى اسلوبك الخايس الجوهره: تركي بس عاد شوي شوي على البنت الا دلول دلال بسخريه: ياشيخه بطقاق لاتحسبين كلامه همني اقول شغلي اف ام بس الكل : ههههههههههههههههههاي تركي مات من الضحك على دلال ورجتها وروحها المرحه الي كل مالها تجذبه لها وقفو عند الاشاره وكان صوت الاغاني بسياره عالي نزلت دلال الجام (الدريشه) تركي بحده : هيه انتي يالبثره ارفعي الجام على مااظن انا واقفين عندالاشاره دلال ببرود : وخير ياطير ياخي حنا فري كويـــــت غزل ميته من الضحك: ههههههههههاي تركي ببتسامه: ياشين البدوي لاتحضر سكريها لاكسر راسج دلال بملل: ياربي منك الواحد ماينبسط عندك شكلك تبي طفشني حصه بعصبيه: بسك عاد استحي تراك طيحتي الميانه معه بقوه استحي على وجهك عاد تركي : شدعوووو عاد ياحصه ترى دلال بحسبت غزل تركي تحسف على الكلمه واستغرب من نفسه على هالكلمه دلال حست كأن احد عطاها كف بعد هالكلمه انصدمت بس ماعرفت تقول أي شي وصلوا لسوق غزل تمسك ايد دلال : تعالي دلال فيه محل ملابس روعه عليه بديات وبناطيل روعه امشي معي دلال : طيب بروح لحالنا الجوهره : روحي انتي وغزل وانا وحصه مع بعض تركي : اجل انا بجلس بالكافي لين تخلصون تفرقوا البنات الجوهره : حصه شوفي شرايك بهالشناط حصه : وربي جنان خلينا نشتري كم شنطه عشان ارتاح الجوهره : لا اشتري ثنتين لان فيه محلات مال شناط بالكويت حلوه وابيج تنوعين حياتي حصه : خلاص الي تشوفينه اما عند غزل ودلال ماخلو بدي ولابنطلون ولاتيور ولاعطر ولا نعله ولا شنطه الا ماشروها وكل شي شارينه مثل بعض ناوين يطقمون وصارو يتمشون بسوق ونشبلهم واحد قعد يلاحقهم من مكان لامكان دلال بعصبيه: ياليل النشبه شتبي انت وخشتك 000:يافديت البراقع انا والله غزل : ماودك تذلف عنا 000: ياليت لو اقدر كان رحت بس انا يوم شفت هذي (وكان يأشر على دلال ) وانا ذايب في هواها دلال ماتت ضحك: يلعن ابو الكذب الي عندك ههههههههههههاي غزل : ههههههههههههههههههاي 000: امووت انا على هالضحكه ياجعلني مانحرم منها دلال بعصبيه: هيه انت شكلنا عطيناك وجه ياله اذلف لاافشلك الحين 000:زين حياتي لاتعصبين اسمعي اهديج هالاغنيه من صوتي ماهقيت ان البراقع يفتنني لين شفت اضوى النفوس مبرقعاتي دلال : ويع وش هالثقه من زين الصوت لا وبعد يغني لبو نوره عزالله لويسمعك اعتزل ههههههههاي غزل :هههههههههههاي اقول وربي انك وقح امشي دلول وعطيه طاف راحوا دلال وغزل ومازال يلحقهم لمحه تركي وثارت ثورته ونزل عشان يتفاهم معه زين 000: فديتج يام برقع تكفين عطيني وجه وخذي رقمي تكفين غزل : جعلك الماحي ناوي تفضحنا اذلف ماتفهم انت خل عندك شوية كرامه 000: انتي بلا لقافه ماكلمتج اكلمها ابيها ترد علي دلال بعصبيه: اقول وربي ان مارحت للعن ابو خامسك غزل : سمعتها يله عطنا من قفاك 000: اموت على العصبي انا اذا على ايدك ماعندي مانع العن منج دلال بتأفف : شتبي انت بالضبط 000: ابيج تاخذين الرقم وربي بعدها ماتشوفين رقعت وجهي دلال بيأس : خلاص حطه بالكيس وروح بس انصدمت من الي شافته تركي وعيونه يطلع منها شرار: يامشالله طاقنها حنك انتي وياهامعه وراح للولد وقعد هو وياه طاق ومطاقق دلال وعيونها غرقانه بالدمع: خلاص ياتركي فكه بتذبحه تركي بصوت عالي: خليه يموت الوقح خليه عشان مايلعب بنات الناس غزل : تركي خلاص ذبحته تركي لاتفضحنا خلاص تركي مافكه الا يوم جوا الامن وقالهم تركي انه مغازلجي وطلعوه برى المجمع تركي وهويشوفهم بنظرات غضب وعتب امشي انتي وياها وشغلكم عندي دق على الجوهره وقالها تطلع لسياره هي وحصه طلعوا وكان باين على وجه تركي قمة العصبيه اما دلال كانت محتاره هل تركي سمعها ولالا واذا سمعها شراح يكون تفكيره فيها انها ماتستحي على وجهها ولاكيف اما غزل كانت حده ميته من الخوف ماتدري شراح يسوي تركي لها ولدلال وصلوا للبيت ولافكار كانت تاخذ تركي ودلال وغزل ؟؟؟؟؟؟؟؟ بيت ابو عبدالرحمن *** ام حصه : الا البنات متى قالو بيردون ام عبدالرحمن : مادري عنهم متى ماخلصوا بيردون عبدالرحمن : غريبه تركي هو الي موديهم بحطها بالتاريخ الكل :هههههههههههههههاي دخلو البنات وراهم تركي دلال وغزل بسرعه ركضوا فوق للغرفه الجوهره وهي تنزل الاكياس: يوووه وربي تعبت من الفره ام عبدالرحمن : عاد انتو والسوقه حكايه على هالتعب ومستحيل ماتروحون له الكل هههههههههههههههههاي بغرفة غزل*** دلال بخوف: غزل وربي اني مفتشله احس اخوك سمعني بس والله قصدي مو شين بي ابي يفكنا والله غزل تهديها: عارفه قصدج يادلال ولاتحاتين تركي بيعصب وراح ينسى الموضوع كله وهو عارفج وعارفني زين انا مو راعين هالسوالف دلال بعيون حزينه: مااتوقع ياغزل ماشفتي الي شفته بعيونه كلها شر والله يستر بس غزل ببتسامه: شفيها اكيد نظرات معصب شتبين فيها نظرة اعجاب دلال بضيقه: غزل مالي خلق اضحك خلاص انا ابي ارتاح خليني انام غزل تقومها: يله عاد قومي تعشي على الاقل يله لاضيقين خلقج دلال وهي تتلحف بالبطانيه: مالي نفس ياغزول ابي انام حدي تعبانه غزل وهي تطلع وتسكر اليتات(اللمبه): تصبحين على خير قلبي دلال: وانتي من اهل الخير جلست دلال تفكر بكل شي صار معها اليوم يوم شالها تركي بالمسبح والشعور الي حست انه تحرك من دفئ ايده ونظراته الي تذوب الحديد ماتدري ليش لما يمسكها قلبها تزيد دقاته وليش تحس انها تحبه من طرف واحد نفضت هالفكار بعد ماتذكرت رده بالسياره وانه يعتبرها حسبت اختها نزلت دمعه حرقت خدها من حرارتها غمضت عيونها تبي تفتح صفحه جديده وتحاول تخلي قلبها مايتعلق بشخص مايدري عنها أي شي وتعيش حياته بدون الحب غزل طلعت من الغرفه وقعدت بالصاله تذكرت سعود واول موقف يجمعهم مع بعض تذكرت الحبيب امتلت عيونها دمع اه ياسعود ليت كل الناس انت بس مثلك نادر وجوده تذكرت رجولته وفزعته وخوفه عليها تذكرت لمساته وحنانه وكلامه زادت دموعها ولوعتها على فقدان اغلى الناس &&&&&&&&&&&&&& &&&&&&&&&&&&&&&&&&&&&&& &&&&&&&&&&&&&& قامت تغسل وجهه وتصلي شافت غزل للحين نايمه ماحبت تقومها خلتها ونزلت تحت وكانت الساعه 9 ونص الصبح لبست جلالها وجلست تفتر دور برقعها مالقته وقررت انها تنزل وعليها جلالها دخلت المطبخ وطلبت من الخدامه الاكل وقلتها تجيبه لها بالحديقه ( دلال انسانه تحب شي اسمه طبيعه وتحب المناظر الرومنسيه ومتأثره بالمسلسلات بقووه) جلست تفطر بالحديقه وهي تسمع اصوات العصافير وكان الجو خيالي نزلت جلالها وفكت شعرها خلتها يطير مع نسمات الهوا العليله طلع من الدونيه مايدري ليش النوم ماجاه كل اليل كان يفكر بكل شي صار وش قصده وليش تبي رقمه وكيف وهي تحب هالسوالف وكانت الافكار السودا تاخذ وتوديه تعب وهو يفكر ماقدر ينام ويرتاح له بال الا لما يلقى اجوبه على اسئلته ارتاح يوم شافه لقاها فرصه راح لها على طول من غير لايفكر شراح يقولها كانت مغمضه عيونها وتشرب الحليب وتتنفس بقوه ابتسمت بهدؤ تذكرت شكلها يوم انها بحظن تركي حست انها بتموت من الفشله كان قاعد يتأملها شاف أيه بالجمال ماقدر يوصفها حس انها غير البنات مات على ابتسامته على صف الؤلؤ الي شافه تنحنح بعد ماملى عينه من جمالها دلال فتحت عيونها على الاخر انصدمت حست ان وجها صار طماطه هذا شيبي غطت عمرها بالجلال وبصوت جاف: نعم تركي ماعرف كيف يبدا قرر انه يتكلم والي فيها فيها: دلال دلال سمعت اسمها على لسانه اول مره تحس ان اسمها حلو : هلا تركي بحده : ترى النوم جافاني يادلال والسبه انتي دلال بخوف : ليش شسويت تركي بعصبيه: انتي عارفه شسويتي ومايعتاز اذكرج دلال بغصه : تركي والله انك فهمتني غلط تركي : طيب فهميني الحين دلال بصوت مخنوق : هو كان يلاحقنا وغثنا قالنا راح اروح اذا حطيت الرقم بالكيس عاد انا قلتله يحطه عشان يروح واذا راح نطلت رقمه والله ياتركي هذا مقصدي تركي بعصبيه: انتي كذا تشوهين سمعتج ماتشوفين الناس الرايحه والجايه شراح تقول عنج وانتي طاقتها ضحك وسوالف دلال وعيونها غرقانه بالدمع: تركي انا اسفه وربي مااعيدها وان عدتها سو فيني الي تبي تركي ماهان عليه يشوفها تبكي خصوصاً ان وجها واضح تحت الجلال: خلاص انتي وعدتيني يادلال وخليني اشوفج معطيه احد وجه دلال وهي تمسح دموعها : انشالله تركي وهو يتنهد : الحين ارتحت قامت دلال من قدام تركي الي كان يتأمل كل شي فيها وهو يشوف رزتها وعودها الريان لفت عليه ببتسامه : تركي تركي لاشعورياً : عيونه دلال الكلام الي تبي تقوله ضاع وجلست مفهيه مو مصدقه شنو هي سمعت حست بعمرها وطلعت لغزل وقلبها يدق بسرعه تركي ابتسم عليها وعلى سحاها وحس انه زودها وقرر انه يحترمها لانها بنت خالته ولازم مايلعب بمشاعرها حطت راسها على السرير وضمت نفسها ابتسمة ياترى يادلال راح يكون تركي زوجك يوم ماً ولالا اه ياتركي لو تدري اني اموت فيك وان كلماتك حركت مشاعري ومااتوقع راح اقدر انسيها اياك اعترف لك بأني مغرمه بك لحد الجنون ولو رآني الجنون لأيقن بذلك .. اعترف لك بأني اعشقك لحد الجنون ولو رآني العشاق لأيقنو بذلك .. كيف لا ! وانا احلم بك دائما "بحلمي" وعندما افيق من نومي واذا به يتحقق .. كيف لا ! وقبل ان تطنق" بسؤالك" لي.. اجيبك عليه قبل سماعه منك .. كيف لا! وعندما تنطق بكلمة احبك ينطق قلبي قائلا احبك ايضا كيف لا ! وجميع من يراني "وينظر" بعيني يعلم اني غارقه ببحر حبك .. كيف لا ! وانا لا استطيع "النوم" الا بين ذراعيك ودفا احضانك.. كيف لا ! وان غبت عني ثواني .. افكر بلـ انتحار بدل العيش وهي "ثانيه ".. كيف لا و انت تشغل كل حياتي وتفكيري وكياني ... احبك .. احبك .. احبك . فهل ايقنت باني مغرمة بك لحد الجــــــــــنون &&&&&&&&&&&&&&&&&&&& &&&&&&&&&&&&& &&&&& بيت ابو فيصل *** ام فيصل : خلصتي ياحنين عشان نروح نقهوي ام حصه حنين وهي تتقهوى : لايمه شوي بقالي الحلى وبعدها نمشي ام فيصل : يابنتي قلتج مايعتاز تصلحين حلى كان نشتري جاهز بدال ماتعبين حالج حنين : يمه أي تعب ياحياتي انا الحمدالله بخير ام فيصل بحزن : واضح مو تعبانه ماتشوفين كل ملابسك اسود وكيف ماتاكلين وضاعفه حنين بحزن: يمه ياقلبي اذا على الملابس انتي تعرفين ليش واذا الاكل هذا انا قدامج واكل لاتشلين همي ام فيصل : اه ياحنين شوفي كيف الشهور تمشي وماحسينا فيها حنين وهي تضم امها: يمه سعود مات بس عمر الشهور راح تنسينا اياه سعود غالي علينا يمه وانا اعرف غلاته عندج ام فيصل وهي تقوم : خلاص ياحنين انا مؤمنه بقضاء الله وقدره وانشالله الله يعوضني حنين وهي تشوف امها رايحه: الله يثبتج يايمه على صبرج ويعوضج انشالله دخلت عليها امال وهي معصبه :السلام حنين بهدؤ: وعليكم السلام امال بتطنز: وانتي الى متى بتسوين نفسج حزينه حنين : 000000 امال تضحك: يعني ياناس شوفوني متاثره وحالتي حاله يعني لو ابوج الي ميت صح بس الي ميت اخوج حنين ببتسامه: الله يرحمه وش الفرق بين اخوي وابوي مو كلهم عزوتي امال: اقول بس فكينا من هالسيره حنين : انتي الي تجيبين على نفسج الكلام هذا وهو حماج ولاهمج اجل كيف شعورج اتجاه فيصل امال وهي معصبه: اقول اسكتي كلش ولافصول هذا غير حنين : واضح غير اذا ماحترمتي اخوه كيف راح تحترمينه امال : والله هو يشوف اني احترم اهله كلهم حنين : امال قناعج راح ينشال وراح يعرفج فيصل اليوم ولا بكره وراح تتحسفين على كل شي سويتيه بس ماينفع الندم بعد مافات الفوت امال وهي تقوم : اقول شكلج انتي ماتحبين احد يجلس وياج واذا طاح القناع ذيك الساعه قوليلي هالكلام حنين بحزن: لاحول ولاقوة الا بالله هذي ماينفع معه أي شي دخل عليها فيصل وجلس يمها من زمان ماشافها فيصل: شخبارج ياحنين حنين : الحمدالله تمام وانت فيصل : تمام دامني اشوفج مرتاحه حنين : وجعلني اشوفك مرتاح ياخوي فيصل: حنين كلنا تأثرنا بموت سعود بس مايأسنا انتي ياستي ياحنين المفروض تدعين له ياختي حاولي تسعدين روحج حنين ببتسامه: والله مو يأسه شفيك انا اشوف شي وانتو تشوفون شي اليوم كلكم على هالسؤال ياناس انا مافيني شي فيصل : حنا نسأل عنج لانا نحبج حنين : حبتكم العافيه بس لاتحاتون انا بخير فيصل: جعله دوم الا ماشفتي نواف حنين :نواف ياقلبي عليه دايم انا وياه وارجعله ابيه يركز وهو كل تفكيره بسعود بس اشوى له كم اسبوع متأقلم قامت حنين عشان تجهز نفسها لبيت عمها دخلت غرفتها وشافت نفسها عرفت ان امها واخوها صادقين بالي قالوه كل شي واضح على وجهها طلعت بدي اسود وتيور اسود وحطت كريم على وجهها عشان يصفيه ويعطيه نظره كحلت عينها بحل داخلي وحطت قلوز نفشت شعرها وحطت عليه شباصه صغيره وخلته طايح دق تلفونها وردت بلهفه: هلا ياسر : هلابج ياعمري شخبارج حنين تضحك: هههههههههاي اليوم هالسؤال رايح جاي علي مايبي يغير ياسر يضحك: شفيج ياقلبي منو مزعجج حنين وهي تجلس على طرف سريرها: اه الكل ياياسر الكل يسألني شفيني وليش متغيره ياسر بحنيه: قلبي ريح عمرج ولاتجلسين تفكرين بكلامهم اهم شي انتي مو متعبه روحج حنين : دامك وياي ياياسر انا مبسوطه ومرتاحه دامني احس بحنيتك وطيبتك دامك معي انا بخير ياقلبي ياسر بهمس: احبج يابعد حيي حنين : وانا اموت فيك ياسر : جعل ربي مايفرقنا ياحنين حنين : امين ياياسر ياسر : قلبي حنين : هلا ياعمري ياسر: قلبي اناا مقدر اصبر اكثر من كذا خلاص انا لازم اتزوجج حنين : ياسر انت تعرف ظروفنا الحين ياسر : حنين ياقلبي عارف ومقدر وظروفي وظروفج وحده وراح اخلي الزواج عائلي والي تبينه بيصير حنين بحزن : بس مو وقته يااياسر انا تعبانه ياسر : حنين اخوج مر عليه اكثر من ثلاث شهور وقلتلج الي تبينه بيصير حنين بيأس : خلاص يااياسر الي تشوفه ياسر مبسوط: قلبي انشالله لاعوضج على كل الايام الي راحت واخلي حياتنا كلها سعيده حنين ببتسامه: انشالله اقدر اني اسعدك ياياسر واكون لك نعم الزوجه ياسر : حنين انا بدونج اموووت تفهمين مستحيل احد يسعدني غيرج حنين : جعلك ماتذوق الموت ياقلبي ياسر : فديتج يازوجة المستقبل حنين تضحك : ههههههههههاي حلوه ياسريضحك: فديت انا هالضحكه ياعساها دوم حنين : ياسر يله ماطول عليك انا بطلع لبيت عمي والحين امي بتزفني لاني طولت عليها ياسر: يحول انتي مالاحظتي كل ماكلمتج كله مشغوله حنين تضحك: هههههههاي عاد انت دق بوقات غلط ياسر: اضحكي شغلج عندي يله مع السلامه قلبي حنين : مع السلامه سكرت حنين من ياسر وبسرعه نزلت تحت لمها وراحوا لبيت ابو عبدالرحمن &&&&&&&&&&&&&& &&&&&&&&&&&&&&&&&&&&& بيت ابو عبدالرحمن*** كان الكل مجتمع تحت بالصاله 00 ام عبدالرحمن: ترى ام فيصل بالطريق يابنات جهزو القهوه ام حصه : ياحليلها ام فيصل من زمان عنها الجوهره : يله ياغزل قومي جهزي القهوه غزل : يحول قولي للخدامه الجوهره بعصبيه: اقول قومي بلادلع انتي عارفه ان الخدامه فوق تنظف الغرف غزل بعناد : ماراح اقوم دلال تهدي الوضع: خلاص انا بقوم اصلاً انا احب اخدم الكل : هههههههههههههههههاي الجوهره: دلول اجلسي خلي هالعصله تقوم غزل : ماراح اقوم دلال وهي تحط ايدها على اذنها: بس ازعجتوني بقوم بس لاتقلقون راحتنا قامت دلال ودخلت المطبخ وجهزت السفره والقهوه والشاي بعدها سمعت السايق ينادي راحت تشوف شيبي دلال: هاه كومار شعندك كومار: وين بيبي دلال: بيبي مو هنا شتبي اخلص كومار : انا يبي اهي شيل اغرض من سياره دلال وهي ترفع كمومها : خلاص امش خلني اشيل معك راحت مع كومار وكانت متحمسه اطلع الاغرض وادخلها للمطبخ من طماط وخيار بطاط والخ شافها تركي وهي بجلالها وبرقعها عند السياره واطلع مع كومار وطاقه حكي تركي بعصبيه: هيه انتي شقاعده تسوين دلال : شقاعده اسوي قاعده اساعد سايقكم تركي : ماتشوفين العالم الي رايحه وجايه وقاعده اطالع فيج دلال : خليها اطالع انا الحمدالله مستتره تركي انفجر: قسم بالله انشفتج طالعه وطاقه حنك ولامسويه نفسج انج مرة بيت اني لاخلي ظهرج اكس او دلال : اف انا شسويت عشان تاكلني هذا جزاي تركي وهو يمسكها ويدخلها داخل البيت: ادخلي فضحتينا عند جيرانا الله لايفضحنا دلال وهي تجر ايدها منه: هيه انت كنك مستانس على مسكت ايدي كل ماطق عودً بحصاه مسكتها تراي ماني اختك ولامن محارمك تفهم انت تركي : عاد ومن زينج ولامن زين ايدج الي كنها ايد رجال دلال بعصبيه: اقول لايكثر هرجك وبسرعه انحاشت عارفه انه راح يسوي شي هي ماتبيه تركي بحسره حسافه لو مانحشتي كان عطيتج كف يلف ويهج ويخليج تعرفين تتكلمين عدل دخلت للمطبخ وقلبها يدق بسرعه حطت ايدها على قلبها وغمضت عيونها اه ياقلبي اخاف استعجلت بحبي لتركي واخاف اموت فيه ويكون تركي لغيري مدري شراح يصير علي واخاف من لوعت الحب وفراقه واخاف يصيرلي مثل ماصار بغزل اه اه من الحب وعذابه دخلت على البنات ومعها القهوه والشاي وحدهاااااا مبتسمه بس واضح عليها الربكه : يله ياحلوات تفضلوا كل وحده تصب لنفسها غزل تضحك: ههههههههاي وليش انتي ماتكملين جميلج وتصبين القهوه دلال بتأفف: والله انتي اسكتي لانتي الي جايبه ولاالي صابه مغير تشرط وتضحك الكل: ههههههههههههههههههاي الجوهره: عليج فيها يادلال تكفين سنعيها دلال وهي تضرب على صدرها: ابشري ماطلبتي شي طول هالفتره الي راح اجلسها راح اعطيها كورسات بس هاه كل شي بحسابه حصه: ياحسره على شنو تعلمينها على المياعه ولا اللكاعه ولاشنو حنين : يحول ياحصه للحين تغارين من دلال حرام عاد هي اخر العنقود المفروض ماتنشبين لها دلال وهي تسوي تمد بوزها : شفتي ياحنين ورغم اني اخرالعنقود الا ان امي ماتعترف فيني ولاهيب معطيتني وجه الله يخلي ماري فديتها هي الي مدلعتني الكل : ههههههههههههههههاي حصه : لاتجلسين تسوين نفسك انك مسكينه وين راح ابوي ودلعه لك غزل : خلاص يابنات يحول كلنا مدلعات عند ابهاتنا وامهاتنا حنين ببتسامه وتقرب من غزل : شخبارج غزل غزل تهمس لها : شقولج ياحنين اني مشتاقه حنين بحزن: كلنا ياغزل بس لازم تنسين ياغزل انتي صغيره غزل بصوت مخنوق: حنين تكفين لاتفتحين الموضوع الحين خليه لارحنا لغرفتي حنين وهي تمسك ايدها : انشالله ياقلبي بس ماابيج تحزنين غزل بتنهيده : خليها بالقلب تجرح ولاتطلع برا تفضح حنين شافتها مصدومه وكانت تتسأل لهالدجه ياغزل لهالدرجه تحبين سعود اه عليج ياغزل والله انج تكسرين الخاطر الله يعوضج ياقلبي ويرزقج الي ينسيج سعود قامت غزل وقامت وراها حنين على طول ولحقتهم دلال الجوهره: حنين وين رايحه خليج ويانا حنا قدج حنين تضحك: يحول ياناس اناصغيره الا تكبروني حصه تضحك: واضح صغيره مو كنك بتتخرجين هالسنه حنين : ماعليكم اهلي مقدميني يله عاد خلوني اروح مع الصغار واتشبب الكل : هههههههههههههههههههاي بغرفة غزل *** كانت غزل ودلال جالسين قبال بعض دخلت عليهم حنين وجلست يم دلال على الكنبه غزل بحزن: تكلمي ياحنين دلال تعرف بكل شي حنين برتياح : طيب قوليلي شفتي المذكره غزل ابتسمت يوم تذكرت خواطر سعود وانها قررت تتلذذ فيها وتقرا كل يوم خاطره عشان تحس بمعاني كلماته الي عذبتها زياده حنين تأشر لها: هيه انتي وين رحتي دلال تضحك: راحت لعالم ثااااااااني هههههههههاي غزل ناظرتهم وراحت فتحت الدرج وطلعت منه المذكره وضمتها لصدرها بقوه وحبت المذكره بقوه وقالت : اشتقت لراعيها حنين بشوق: يله ياغزول قولي شفيه غزل وهي تفتح المذكره وتقرالهم الخاطره هذا الصباح كان مشرقاً .. مع هديلها تساميت .. ليست غلا .. بل كل الغلاء .. ذلك بدري حين سمعتها في الحلم.. خِلتُ نفسي فوق القمر .. فوق الغيوم .. يا حيرتي كُنت لا أعرف ماذا أقول : كم ابتسمتُ ..؟! كم ضحكتُ ..؟! نسيتُ كل جرح .. فمنحتها أعذب القُـبل .. وأنا ذاهل .. خائف.. يدور بي الفكر ..!! لماذا أنفاسها تسكن وجداني..؟!! نعم قد أخبرتك بان أنفاسك...عطري..وأنفاسك مازالت عالقة بفمي..!! أطلقِ بوحك في هديلِك لأسمعه .. فشباك القلب لكِ مشرعة.. تلك أرضِك .. ابذري لتحصدي.. من اليوم لكِ .. ملاذاً لِم يؤرقك ، ويوجعك .. أتعرفي ماذا أريدُ منكِ مقايضة لنبضي ياتوأمي .. القلب والحواس مهلاً ... رفقـاً.. اصمتي .. أخاف على شفتيكِ من حرفي .. القلب والحواس هما .. رضاك ، يا توأمي هدية بسيطة مما استنزفتهُ .. لها قدسية تعدو في شعيرات رئتي ..!! هل تعرفي أني طوال الليل أشعل أصابعي .. أتعبتُ أقلامي وأوراقي تئن من حبري .. شوقي لكِ ينهشُ في عظامي ولحمي .. نهش الضباع الجائعة لجسدي .. يدي ترتعش إذا تذكرتكِ .. والخفق خلف أضلعي يعوي!! .. : القلب ينخرُ فيه _ من بعد_ بؤسها ، والشقاء .. وروحها ما اقترنت بروح أحد ..! تكتفي بقراءة أحرفي .. أخر مرة في الحلم سمعتها تقول: أيه سمعتها .. قرأتها .. "أحــبك مــوت" بعدها أفقت يا ليتني لم أفق ...؟! يا ليتني لم افق من حُلمي.. كم احتاج من عام ...؟! كي أصفك كُلُّما وقفتُ عند صفة.. تلّـتني صفة أخرى تثيرني أكثر.. فأتوه .. أجهدُ .. أتعبُ .. أبكي .. لأغفو على وسادتي أمارس طقوس ولهي.. احتاج غرس جبيني ، وثقل رأسي .. لأبكيهـا .. شهراً .. عاماً ..!! هل تتحمليُ دمعي ، وحرقتي ..؟! هل تمررِ أصابعك على شعري..؟! هل تنحنين توشوشين في أُذني..؟! هل تعلنين على الملأ عشقي ..؟! هل تكتبُ على رسغك أنكِ نبضي ؟!. فكوني قريبه مني يا توأمي فأنفاسك عطري..!. . . . . لم اعد أذكر موطني ..؟! ولا رائحة مدينتي، وأمي..!! مسختُ كُلّ ما تعلمت إلا توحيدا ربيا.. أضعـتُ ملامح أبي .. غُربتي لغيابها تخنقني .. تلسعني .. تبيعُ فيَّ ، وتشتري .. في زحمة تذكره ..أذكرها.. كيف أنسى ..؟! كيف أسلى ..؟!! وهي من وسمتني كالطفلة .. هل تجرؤ على نسيان أحرفها لي ..؟!! : أرجوكِ حتى لو كذباً .. خُذ كفي بكفك .. أهربي في أي اتجاه أهربي .. هناك في أخر المدى سأخبرك ..: عن لوا عجي .. عن حذوت شوقِ توقد ولعي.. بعدها آه ..!! التهمت جلدي .. وأشعلي الحُمى في قلبي .. آه ..!! من قلبي .. أنا خوفي على قلبها..!! آه ..!! لا يمكن ، ولا يجدي الشرحُ ..؟! أكابد التجلد، والأسى.. أكفكف عيني اليمين عن شمالها .. فيفضحني ارتعاش أصابعي .. وجدي لاه يكاد منه الضلع ينقْطّ..!! من فرط الوله طوفان طيفها يخنقني!! .. أشتكي منها .. إليها.. هل ترفقُ ..؟! هل تسمعُ ..؟! هل يحُنُ مع ذاتها .. وتكتب في فضائها .. كأخر مرة حتى وأن جاملتِ.. " .. أحبك مـــوت .. " قد تجمعنا بها الأقدار التي فرّقت ..!!. . . كوني قريبه فأنفاسك عطري...!! فانا أتيت إليك أريد أن تصغي إلي هذياني ..؟! وإذا استوعبتِ همسي اختبئي خلف أضلعي ..؟! أتيت إليك أريد خوض تجربه من خلال حرفي ..؟! لعلها تغسل بعض معايبي وتوقف تدفق خ على من لم يفهمُ بعد خ ..؟!! أتيت لا أهاب تناثر أدمعي .. فركائبي ملّت مسيرها .. وأجهدتها ضرباً، ومن حقها أن تستريح.. وتطلب إعتاقها ، لتستريح توأم حرفي ..؟!! فإذا تمددت في مهجعي .. تتسابق الأفكار كُلّ منها يريد مضاجعتي..!! صدّقيني أنتِ أعذب من أي فكره تخطر في خيالي .. كم جميل داخلك ..؟ كم أنتِ ليّنه في تفكيرك ..؟! فوا لله أن خالقي فوق العرش سواكِ عن ألف امرأة فجمعك في امرأة واحده..!! جاءت هبتها من الفردوس تختال في غنجِ .. فتشكل ، وتبلور .. لأنكِ تبدي بألف بُعـدِ في نظر أي من رجل بكِ يلتقي .. فأبقي بعطائك شامخة .. طاهرة...!! يكفي منكِِ ما تتركي من شعاع يبرق من عينيك.. إذا أفلتـه دون خوف أو وجل ..!! : أما أنـا فالنار ناري ، وأنا اخترتها .. لا تخافي عليّ ..؟!! فالنبضُ يفني لتبقَ أحرفنـا.. والجسد يبلى لتبقً لنا الذكرى.. فلنترك الحكاية .. ولنكن حروفاً دون نقط .. . . هكذا يورق الغصن .. وهكذا ينكسر الوريد، والخفق...!! وهكذا تبقى أنفاسك عطري..!! لا تبتعدي فالآن بدا الجرح يلتئم, فبقربك أصبحت اعشق جروح الحب..!!. دلال متفاجئه: مشالله وربي جناااان عليه خاطره روعه حنين وعيونها غرقانه بالدمع: سعود كان مخبي علينا كلنا انه يكتب غزل وهي تبتسم : فديته كان مخبي على الكل انه يكتب خواطر تصدقين وش ودي فيه حنين ودلال :شنو غزل وهي تتذكر سعود وجهه ورزته وعيونه الي عذبتها وفمه وكل شي بسعود ذكرته بهالحظه دمعت عينها على سعود حست بحرقه بقلبها قالت ودي لو القى كلمه توفي سعود حقه وانهارت تبكي على السرير كان شكلها يقطع القلب وهي تتألم وتصرخ حزن على فرقى شخص حبته وفرقهم الموت دلال وحنين بكوا وراحوا يضمونها ويهدونها حنين تهديها وتشوفها وهي تبكي كانت تكلم نفسها :مسكينه ياغزل كيف راح تقدرين على كل هالألم وكيف راح تتحملينه سعود حبج ومات وانتي راح تكونين مجرد شخص عايش على ذكرى الي حبه اه لو اقدر اسويلج شي ياغزل كان سويتلج طلعت من الغرفه حنين بعد ماحاولت مع غزل بس غزل قالت تبي تجلس بروحها اما دلال رفضت انها تطلع وجلست معها كانت تنزل الدرج وقاعده تفكر بغزل وش شلون تقدر تخليها تعيش رفعت راسه وياليته مارفعته كان عبدالرحمن قدامها حست برجفه بجسمها اول ماشافته اما عبدالرحمن الي مانتبه لها الا يوم بغت تصدم فيه ورجع خاف انه يتنحنح وتختلع خلها لين تنتبه له كان فاتح فمه على جماله رغم لمسة الحزن الي تكسوه الا للحين جميله وعلى شعرها الاسود مثل ثوبها على عيونها الي جننته على فمها الي الصغير على حنين بنفسها حس بعمره ماعرف يكمل ويمر جنبها ولا يرجع ولاشسوي تداركت حنين الموقف ومرت من جنبه بسرعه ونزلت للبنات حس ان ريحة عطرها الي انتشرت حول عبدالرحمن وذوبته بريحتها الي مازالت موجوده بالمكان جلس موقف بالدرج وبقلبه حسره كان وده معرس فيها بس اهله والي صارلهم تعب من التفكير وراح لغرفته وهو بقمة العصبيه بس كل ماتذكر حنين راح عنه الهم والعصبيه وكل شي يعكر مزاجه اه ياحنين لو تدرين انج دنيتي وكل حياتي إليك يا مَن اجتاحت قلبي و عواطفي.... إليك يا مَن كسرت قوانين الحب لتعشقني ... كلما نظرتُ عينيك الواسعتين ، أُدرك أنني في سبيل الحب أسيرْ. كلما نظرت شفتيك الصغيرتين ، أُدرك أنني في سماء الحبِ بلا قوانين .. بلا قيود .. أطيرْ كلما نظرت و جنتيك الخجولتين ،أٌدرك أنني لهما سفير ، أُبلِّغ بعض قبلاتي ، بعض العبير. كلما نظرت صدرك المثقل حباً ، أُدرك أنك الشهيقُ و أنني لك الزفير. آآه تعبت الانتظارَ ، تعبت النظرَ إلى ساعة الحب المعطلة ، متى تدق يا تري ، متى بالأحرى تسير. ليتني نسمة هواء ، أتسلل بها إلى رئتيك ، أشكو لهما بعض الأنين. ليتني دمٌ أعيش في شريان قلبك ، أشكو له بعض الحب الحزين. ليتني دمعةٌ على خديك ، أرسو عليهما كمالسفين. ليتني ترنيمة قرآنية أتسلل إلى أذنيك ، ليتني لحنٌ شجين. دخلت على البنات وجهه احمر من الموقف وقعدت تسب بنفسها وعلى سراحانها الي دايم يخلي عبدالرحمن يشوفها الجوهره : شسالفه وجهج احمر اعترفي من شفتي حصه تضحك: حرام عليج لاتضليمين البنت يمكن تطبخ بالمطبخ وجها صار احمر ههههههههههاي حنين بعصبيه: اقول ان ماسكتوا والله لااشوهكم الجوهره : لا اكيد شايفه احد يله منو اعترفي حصه : اتوقع انها شافت حبيب القلب عبود الجوهره تضحك : ههههههههههاي يوه الله يعينه اجل اليوم بيجلس يزعجنا زوجوني زوجوني حنين وضربة فيوزاتها: والله انكم تافهات وش جاب سيرة العرس يالعوبا والله الي مايستحون حصه : شوي شوي كليتينا عادي روحي شوفيه محد راح يدري عنك الجوهره : والله محد قالج دشين علينا وجهج احمر شسوالج حنين وهي تقوم وترح لمها وخالاتها: وربي انكم صايعات انا غلطانه اجلس معكم يله اذلفوا يالبطات حصه : حرام عليك انا موبطه هي البطه انا رشيقه الجوهره : انا بطه الحين وين الحمل اجل حنين راحت وطنشتهم حصه : شكلها زعلت خلينا نراضيها الجوهره تضحك: وين زعلت البنت مبسوطه بس تسوي نفسها ماتحب هالسوالف ولا ماشفتي وجهه حصه : يله والله حنين تستاهل كل خير وصدق انها مناسبه لعبدالرحمن الجوهره: أي والله انج صادقه الله يوفقهم انشالله خلينا نروح نراضيها يله نزلت غزل مع دلال عشان يودعون حنين هي وامها طبعاً بعد ماتعشوا وخلصوا بس غزل ماشتهت الاكل ودلال مارضت تاكل الا وغزل معها شافتها وحست بالعبره تخنقها تذكرت الحلم الي جاها قبل وفاة سعود كانت تشوفها وهي تسلم على حنين وتضحك حست ان قلبها عورها ياما تمناها ولدها والحين مو موجود حست ان قلبها انقبض بعد ماذكرت الكلام الي قاله لها سعود كانت محتاره متى تلقى الوقت المنااسب عشان تقوله لغزل وكيف راح يكون حال غزل بعد ماتعرف هالكلام واكيد انها راح تتألم اكثر فضلت انها تسكت لان الوقت مو مناسب بس ماقدرت انها تضم غزل بقوه وحنيه غزل كانت مستغربه من حركت ام فيصل لها ونظراتها وصارت تفكر شفيها اكييد سامعه عني شي هي ماتصرف الا لاكان فيه شي تعرفه عني ابتسمة بوجه ام فيصل ام فيصل نفضت افكارها وقالت مصيره يجي اليوم الي راح تعرف غزل كل شي وماراح اخبي عليها الكلام الي وصاها سعود انها تقوله ياترى شنو هالكلام ولهالدرجه مهم وكيف راح تعيش غزل بعد ماتعرف اخر وصيه لسعود ؟؟؟؟؟؟؟ &&&&&&&&&&&&&&&&&&&&&&&&&&& &&&&&&&&&&&&&&&& &&&&&&&& بيت ابوفيصل *** رمت نفسها على سريرها وابتسمت مسكت تلفونها دقت على كل حياتها ياسر بصوت عالي: يامررررحبا ومسهلا حنين وهي تبعد تلفونها عن اذنها : هلابك بس لاتصارخ فجرت اذني ياسر بعناد وبصوت عالي : شخبااااابج ياقلبي حنين ترمي تلفونها وتحطه سبكر : تمام ياسر يصراخ: شفيج حاطته سبكر ياقلبي حنين وهي تضحك: والله انا ماني صنجه عشان تصارخ واذا انت شايف كذا صارخ براحتك ياسر وهو يضحك: هههههههههههاي خلاص قلبي حطي عادي اخاف احد يسمعج ماتسوى عليج حنين وهي ترد التلفون عادي: خل الي يسمع يسمع مايهمني احد دامك معي وشاريني وعارفه انك ماراح تخذلني ياسر يتنهد : اه ياويل قلبي اليوم ياحنون تعبت وانشالله بكره خاطبج ياقلبي ومابه رفض حنين بسحى : واخيراً جا اليوم الي راح نجتمع فيه ياسر ببتسامه : أي والله واخيرا راح اقدر امسك ايدج الناعمه بيدي ولا ابعدها عني دقيقه وحده حنين وهي تلعب بشعرها: انشالله بعدين ليش مستعجل لاتحسب لاتملكتني بطلعلك لابعدين يخرب شكلي لاصرت عروس قدك مال مني ياسر يضحك: ههههههههههههههاي ياعيوني انا امل منك والله ماامل منك انك حلوه بعده الملكه والعرس وكل شي معجبني فيج وراضي وراح استحملج لاتخافين هههههههههههههههاي حنين وهي تشد شعرها : شنو تستحملني ليش ياعيوني دامني راح اغثك اجل خلاص مايعتاز تتزوجني وتستحمل وحده دمها ثقيل ياسر ميت ضحك: هههههههههههههههههههههههههاي حنين وهي تسد تلفونها: اضحك لين تشبع مالت ياسر حس انه زودها معها بس هو يمزح شسالفتها صايره حساسه دق عليها ماردت دق مره ثانيه نفس الحكايه اخر شي دزلها مسجين اول واحد اسف ياقلبي بس والله اضحك وياج حنين قرت المسج وحست انها بالغت بردة فعلها بس قالت خله يتسنع بعدها دزلها مسج حب حنين قرته وذابت مع الكلمات باست تلفونها بقوه والله احبك يامجنون احبك ولا اقدر اعيش بدونك &&&&&&&&&&&&&&&&&& &&&&&&&&& &&& بيت ابوعبدالرحمن *** ماقدرت تنام حست ان بطنها يتقطع من الجوع شافت غزل الي نايمه جنبها وقالت كيف تقدرين تعذبين نفسك ياغزل وماتاكلين شي كيف تستحملين ياقلبي عليك والله بصراحه مااقدر اجاريك ياغزل بنزل اكل اسفه قلبي وحبت راسه ونزلت بس نست اانها تلبس برقعها وجلالها كانت لبسه بجامه ناعمه مره وفاله شعرها البني والكثير واصل لحد ظهرها وبالمطبخ حدها متحمسه تصلح لها حليب وبيض محرك وتحطه بالسندويشه وجلست على طاولة الطعام بس مااعجبها قررت انها تطلع تاكل وتمشي بالحديقه ماسكه حليبها وتاكل من السندويشه شافت المسبح ماعنده احد راحت وجلست على الكرسي القريب حيل من المسبح ماقدر ينام دايم وهي في باله حس انه تعب من كثر مايفكر فيها ولايدري عنها تحبه ولالا نفض كل هالفكار ونزل تحت نزل بس مالقى الجوهره ولاغزل دخل للمطبخ وشاف فيه حوسه عرف ان كان فيه احد طلع وشافها جالسه تشرب حليبها قرب يتاكد هي غزل ولالا فتح فمه ياربي وانا دايم اطيح عليها وهي مو متبرقعه ياربي والله انها حلوه شسوي مااقدر اتحرك وتحس فيني خلني اتأأملها لفت عليه شهقت من الخوف دلال: تركي تركي بتجيم : عيون تركي دلال بخوف: انت ياقليل الادب صدق ماتربيت وشقاعد تسوي تركي تعوذ من ابليس وحس انه غلطان بس دايم يحب يكابر : انتي الي شقعدج بنصاص اليالي بروحج بالحديقه هاه دلال بخوف: شعليك مني انا جالسه بالحديقه موبالشارع تركي : اقول ماتشوفين السايق الي داخل طالع انتي ولاعاجبج هاه دلال بعصبيه: انت ماتقولي ليش لماتشوفني ماتصد ماتحترم احد والله الوقاحه تركي بعصبيه: من حلاتج عشان مااصد اصلاً انا احسبج غزل طلعتيلي ياقرده دلال وهي تعض على شفتها من القهر: انا قرده اجل انت غورلا تركي يحاول يمسك نفسه مايضحك : غورلا يله مقبوله منج دلال وهي تقوم : يله اخليللك المكان ياغورلا كانت قدام تركي وجهاً لوجه حست انها ماتقدر تتحرك وسامته اذبحتها عيونه جننتها كل شي فيه عذبها اما تركي مايقدر مايمنع ان عيونه تتعلق بعيونها مامنع نفسه انه يبتسم بوجه الي دخلت قلبه على طول تركي ببتسامه: دلال ياحلاتج بدون البرقع اثره ظالمج دلال وهي تضغط على شفتها بقوه: اصلاً الزين زين برقع ولابدونه ازين من الي ريحته صارت ريحت هنود من كثر مايعاشرهم تركي انفجر من الضحك: هههههههههههههههههههههههاي دلال ماقدرت تقاوم انها تشوفه وهو يضحك من كل قلبه ابتسمة غصب عنها وضحكة من ضحكه بعدها مشت وخلته يضحك على اسلوبها الي مافيه أي تصنع وكله برائه انسدحت وتنهدت حست بقربه لها كيف اثره عليها وعليه حست بربكته والحب بعيونه حست فيه ضمت قلبها وقلتله القلوب لادقت دقت مع بعض هنا تأكدت انها تحب تركي وتركي يحبها بس لازم شي اقوى يثبت انهم يحبون بعض الي هو انهم يتزوجون ويكونون بيت واحد ) ) ) ) ) ) مااحلى الحب عندما تكون خاتمته بقاء للعشاق ماحلاه عندما يكون العاشق بين حظن عشيقته مااقساه عندما يعذب العشاق بالهوى والشوق مااقساه عندما يفرق بين الهايمين باعشقه ولكن علينا يامن نحب انسلك الطريق الذي يجمعنا مع من احببنا وهو طريق يتمناه الكل وهو الزواج عندها تأكد انك ذقت طعم الحب الذي فرق عشاق وجمع عشاق ( ( ( ( ( عبدالرحمن ماجاه النوم وطلع لصاله وقعد يتذكر شكل حنين وكيف انه كل ماله يتعلق بهواها شاف الجوهره وهي طالعه من غرفتها نادها وجت وجلست معه الجوهره :هلا عبدالرحمن : هلابج الجوهره عارفه انه شاف حنين والحين بيسألها: شبغيت عبدالرحمن وهو مستغرب: لا بس بغيت اسألج منوالي جانا الجوهره تضحك: ههههههههههههههههاي ياخي قول شلون حنين وانتهى الموضوع عبدالرحمن وهو يبتسم : ههههههههاي مبين على خشتي صح الجوهره تضحك: أي والله مو مبين الا واضح عبدالرحمن: طيب دامج عارفه قوليلي شخبارها الجوهره: لااشوى البنت تضحك وتمزح كانها ردت مثل اول عبدالرحمن متحمس: يعني اخطبها وتوكل على الله الجوهره وهي تتذكر شكل حنين : توكل على الله امس لو شفت وجها كيف صار طماطه عبدالرحمن يبتسم : شلون كان الجوهره تستعبط: قولي شسويت بالبنت جتنا وجها احمر عبدالرحمن وهو يضحك: ههههههههاي عاد هذا شي خاص ياجوجو الجوهره انقهرت تبيه يعلمها: مالت عليك اجل لاتناديني عشان ماتسحب حكي مني والله اني غبيه اروح اشرب ماي جف حلقي ابرك من مقابل خشتك عبدالرحمن يضحك :مع الف سلامه يالدباهههههههههههههههههاي الجوهره راحت وهي تضحك : احلى من العاشق المتيم ههههههههههههاي &&&&&&&&&&&&&&&&&&&&&& &&&&&&&&&&&& &&&&&
	توقيع :

فترة الأقامة : 4672 يوم

زيارات الملف الشخصي : 2422

إحصائية مشاركات »

المواضيـع الــــــردود [+] [+]

بمـــعــدل : 8.18 يوميا

معانى الورد

مشاهدة ملفه الشخصي

إرسال رسالة خاصة إلى معانى الورد

البحث عن كل مشاركات معانى الورد