الموضوع: رواية شفت الحبيبه عرض مشاركة واحدة

05-31-2012, 08:05 AM	#24
نائب الاداره بيانات اضافيه [ + ]  رقم العضوية : 7  تاريخ التسجيل :  Jul 2011  أخر زيارة : 12-10-2021 (09:57 PM)  المشاركات : 38,198 [ + ]  التقييم :  10  الدولهـ  الجنس ~  MMS ~  SMS ~ لوني المفضل : Fuchsia	دلال مايمدينا ننبسط مع حنون على طول بتسافر غزل :يعني معاريس شتبين منهم بعدين عبودي مستعجل على السفره معها ههههههههاي دلال : عقبالنا يارب غزل تضحك: لو سمحتي تكلمي عن نفسج انا مابي ههههههههههههههههههاي دلال تضحك: مو بكيفج اذا اعرست غصب تعرسين معي لو الهندي بس اهم شي تعرسين غزل وهي تضربها : وع مالقيتي الا هندي دلال : مدري عنج كل من خطبك رفضتيه غزل تضحك: والله انا مو مثلج اول من يخطبني واوافق على طول دلال : ومن ياحسره الي خطبني وافقت عليه غزل ماسكه ضحكتها: امس صوت تركي وهز البيت كله زوجوووووووووووووووني دلال الله يعينه بس مغير تطلعين بوجه وتخلينه مجنون ولا عادج تقولين له عجل علينا خلنا نعرس دلال وجها صار احمر: وجع انشالله وش هالكلام ومتى صار غزل ميته ضحك: هههههههههههههههههاي لاتحسبيني مااشوفج انتي وياه حشى غطيتو على روميو وجوليت بالمقابلات السريه دلال قامت بسرعه ووجها الوان لان غزل كانت عارفه بكل شي وساكته حست بالفشله وبسرعه طلعت من الغرفه وخلت غزل منسدحه على السرير تضحك عليها بس قبل لاتطلع التفتت دلال عليها دلال معصبه: وحتى انا عارفه عنج وعن فيصل لاتحسبيني غبيه لاني شايفه النظرات الي بينج وبينه بالعرس ولا نسيتي غزل سكتت من الضحك وصارت تطالع بدلال الي انحاشت ولا عطتها فرصه تتكلم حست غزل شي تحرك بقلبها من اول مانطقت دلال بسمه وقلبها يرفرف غمضت عيونها بقوه وتمنت ان ذاك اليوم الي ضمت فيه فيصل ماصار حست غزل بتغير فيصل ونظراته لها من بعد ماقابلها وصارت بينهم لحظات كانو قراب من بعض تنهدت من قلب وحطت ايدها على قلبها مستحيل تنخمد نار حبي لسعود مستحيل بس نسيتي ياغزل سعود شقالج قالج عيشي حياتج بي وبدوني سعود دايم يكرر هالكلمه على مسامعج ودايم يهمسها لج ليش تبين تعذبين روحج ليش ياغزل ضغطت على قلبها بيدها اه لو اقدر اشيلك عشان ماتتحكم فيني بس مااقدر مااقدر انت تخلي حياتي حلوه تحليها بطعم الحب وانت الي تخلي حياتي مره وتمررها بفراق الي احبه وكل نبض بقلبي يشهد علي اني احبه اه الى متى روحي تتعذب الى متى رفعت عيونها على مذكرات سعود وخذته وفتحته من كثر ماتقراه حفظت كل الخواطر الي كاتبه اخر الكتاب قرت كلمه كاتبها سعود هزت كيانها وكان المكتوب ((اتمنى ياعمري ان الخواطر تعجبج واذا قريتيها وانا مو معج ابيج تذكرين شي واحد انج الشخص الوحيد الي قدر يحرك قلبي وحاب اشكرج على الحياه الي عيشتيني فيها كلها كانت من اجمل لحظات عمري ياعمري وابي اذكرج لو افترقنا ابيج تعيشين حياتج بي وبدوني لاني احبج وابيج مبسوطه)) انهارت على السرير معقوله معقوله احس فيه شي غريب كل ماحاولت انسى شي يذكرني كل ماقلت بعيش حياتي على ذكراك ياسعود شي يطلعلي منك يقولي عيشي حبي ضحي استانسي اه ياسعود كأنك داري انك راح تتركني لحالي في هالدنيا الاليمه &&&&&&&&&&&&&&& &&&&&&& &&& توترت تنزل ولان كل مره شافت بيت عمها حست بشعور عادي مافكرت ابداً انها بيوم راح تعيش بهالبيت ولا خطر على بالها ابداً بصعوبه نزلت وحست باليد الي خلت كل جسمها يدفئ من مسكته لها ضغط عليها يحاول يهدي من توترها مادرى انه زاد توترها وخوفها عبدالرحمن ببتسامه : مشينا ياعمري حنين وهي منزله راسها : اااا عبدالرحمن فك ايدي بصراحه فشله ادش وانت ماسكها عبدالرحمن وهو يشدعليها: عمري انتي زوجتي وحلالي يعني عادي تسمعين حنين وحست بالحراره تسري بجسمها من كلامه: قلبي والي يخليك مااقدر وانت تعرف البنات وكلامهم عبدالرحمن وهو يضحك على شكلها المرتبك: اقول امشي ولا يكثر جرها بسرعه عشان مايعطيها مجال تناقشه لانه مايقدر على نظراتها ولايستحملها مشت وراه وهي تشوفه كيف ماسك ايدها ومو راضي يهدها يأست ورضت بالخساره دخلوا لصاله ولقو الكل مجتمع ينطرونهم ام عبدالرحمن : ياهلا ومسهلا ولله وراحت حنين وعبدالرحمن يسلمون عليها وعلى الكل ابو عبدالرحمن : مبروك ياعروسه وياعريس حنين وعبدالرحمن : الله يبارك فيك دلال وهي تضم حنين : فديتك والله راح اشتاقلك حنين تضحك: واانا بعد بس وين غزول دلال تضحك: والله تهاوشت انا وياها وبروح الحين عشان اناديها اصلا هي تبي تسلم عليك قبل لاتروحين حنين : بسرعه ناديها ابي اكلمها دلال : ابشري دقايق وهي عندك الجوهره: يحول وانتي للحين مع هالخبله وغزل تراج عروس الحين حنين تبتسم : والله ولو عندي عشره من البزارين صدقني مارح اطنش غزول ولا دلول لانهم هم اكثر ثنتين اعشقهم حصه : وانا والجوهره ولا حنا كبار عليك حنين تضحك: ههههههههههههاي يحول الحين منو الي يفكني من لسانكم عبدالرحمن وهو يلتفت عليها : عمري انا الي افكج منهم حنين بسحى : تسلم والله الجوهره وحصه: الله يذكر زمان اول ياعبودي الكل : ههههههههههههههههاي عبدالرحمن : هذاك اول بس الحين مرتي ولازم اكون لها محامي ابو عبدالرحمن : الله يوفقكم يارب ولايحرمني من شوفة عيالكم عبدالرحمن وهو يمسك يد حنين : عن قريب انشالله حنين حست بدوخه وان الدنيا تدور فيها خافت ماتدري شنو سبب هالخوف وحست بالقشعريره بكل جسمها ماحست الا بصوت غزل وبسرعه وقفت حنين عشان تضم غزل بقوه تحاول انها تخفف من خوفها غزل : فديتج والله ياعمري وربي اني مشتاقه لج حنين وهي تشد عليها : وانا ياعمري وربي مدري كيف راح اعيش بدونج وانا مسافره عبدالرحمن : احم احم غزيل ماودج تسلمين وبسج تضمضم لحرمي المصون غزل تضحك: هههههههههههاي والله مو انا مرتك الي متعلقه حنين وهي دفها: يله ولي زين عبدالرحمن : شفتي الا انتي الي متعلقه فيها غزل وهي تبوس عبدالرحمن: الله الله بحنون انتبه عليها تراها غاليه عندي حنين ببتسامه وتشر بيدها : تعالي جنبي جلست غزل بجنب حنين غزل بلهفه: وشلون العرس معج حنين وهي طالعها بعيون مكسوره: بعدين اقولج غزل وهي تحط ايدها بيد حنين: عيونج تقول انها فاقده السعاده ياحنين حنين وهي تغمض عيونها بقوه وبهمس: اخ وهذا الي معذبني ياغزل بس الحين مااقدر اتكلم براحه غزل وهي تشد على يدها: خلاص عمري مارح اضغط عليج بكرا تردين من سفرتج واشوف عيونج اذا تغيرو ولا حنين حست بالتوتر يمشي بكل جسمها وشافت الي طول الوقت ماسك يدها ولافكها حست بالحراق الي كوى قلبها بس يكفي عذاب والم يكفي ضيم يكفي هم ابي ارتاح بس كيف ارتاح وانا بين نارين النيران تكويني نار قلبي ونار عقلي اخ بس ابي ارتاح من هالعذاب خانتها دمعه نزلت من المشاعر الي تضاربت بداخل حنين وبسرعه مسحتها قبل لاحد يحس عليها بس فيه وحده شافت دمعتها وهي حست باحساس حنين بس هي اهون من حنين حنين الشخص الي تحبه فارقته وهو موجود وارتمت باحضان غيره اما هي تحس انها فقدت حبيبها بس ماشافها ترتمي بحظن غيره لانها بكذا حرقت قلبه وقلبها حست بمعاناة حنين بجد معاناتها صعبه وبقوه ماتدري كيف راح تعدي حنين من هالمرحله الي بعمرها عبدالرحمن: عمري يله خلينا نتغدا عشان نمر عمي حنين وهي تهز راسها : هههه وربي ماحسيت ان الكل راح ومابقى الا انا وانت ليش مانبهتني من قبل بجد فشله عبدالرحمن يضحك : ياليت بروحنا بس هالنشبه الي يمج عيت تفكج كنها ريلج مو انا هههههههههههاي حنين تضحك: فديت روحها غزول والله انها غاليه علي ياعبدالرحمن ولاابيك تزعلها عبدالرحمن يأشر : من عيوني يابعد قلبي انتي غزل وهي تضم حنين: واخيراً جا من ياخذ حقي حنين تضحك : افا عليج بتشوفين انتي بس صبرج علي غزل وهي تروح : طيب ماودج تتغدين انتي وريلج ولا الجلسه معجبتكم حنين وجها احمر وتشوف بعبدالرحمن الي مانزل عينه منها وببتسامه: ماودك نتغدا على قولت غزل عبدالرحمن وهو يمشي وماسك يدها: اه هانت ونسافر واخذ راحتي معج يله امشي حنين كل جسمها شب عليها من كلامه وضلت ساكته طول الوقت ودعت الكل وطلعت لبيت ابوها وهي متلهفه ومشتاقه لأخوانها وامها وابوها &&&&&&&&&&&&&&&&&&&& &&&"&&&&& عبدالرحمن يطالعها وهي تبكي وتضم اهلها ام فيصل تمسح دموعها:خلاص يابنتي روحي شوفي رجلك ناقد علينا حنين وهي تضم امها: يمه خايفه ماابي اسافر يمه مابي ام فيصل: حنين وش هالدلع عندج يله قومي امشي ورحي مع رجلج ترا بتاخرون على طيارتكم حنين : مابي مابي تكفين يمه قوليله لايخليني اسافر فيصل وهو يبعدها: حنين بلادلع وقومي اطلعلي اخرتي الرجال على الطياره وانتي من حظن امي لحظن ابوي خلاص اكبري يابنت حنين وهي تمسح دموعها وتصد عنه : انشالله بس وين نواف ماشفته ابو فيصل: هذا هو توه راد من الجمعيه حنين وهي تركض عشان تضم نواف: هلاوغلا بعمري وشخبارك وشلون دراستك نواف وهو يضمها: بخير بس انتي شفيج ترا قبل امس مقابله خشتي حنين تضحك: ياعمري عليك انا بسافر يالدب وجايه اودعك نواف وهو يضحك : فديت عمرج وانا اقدر وربي ان البيت من دونج ولاشي بجد ممل بعدها طلعت حنين بالويل مع عبدالرحمن للمطار وكانت طول الطريق تبكي من الخوف ماتدري وش راح يصير معها لما تكون ببلد غريب ومعها شخص تحس معه بالغربه ماتدري كيف بس حاولت تتماسك عشان مايحس فيها عبدالرحمن &&&&&&&&&&& &&&&&&&&&&&&&&&&&&&&& &&&&&&&&& بسرعه رمت نفسها على السرير بتعب كانت منهده من السفر مانامت زين وكانت حدها تعبانه عبدالرحمن : عمري لايكون بتنامين حنين وهي تشيل عباتها : أي بنام لاني تعبانه عبدالرحمن : لاعمري مافيه نوم امشي نتعشى وبعدها ننام حنين وهي تتلحف بالبطانيه: عبدالرحمن وربي ابي انام قرب منها عبدالرحمن : وانا ياعمري تعبان بس ابيج تمشين معي نتعشى وبعدها نرد حنين وهي تسد وجها الاحمر بالبطانيه: طيب شرايك تخليها بكرا الحين حنا بالفندق اطلب وخلنا ناكل هنا بس برا لا عبدالرحمن وهو يشيل البطانيه عن وجها: عمري عشاني وحست بقرب عبدالرحمن الي كل ماله يزيد ماحست بروحها الا وهي واقفه وتلبس عبايتها وبصوت مخنوق: يله خلنا نمشي عبدالرحمن ببتسامة نصر : انا عارف ان لي خاطر عندج حنين وهي تعدل شكلها : يله بس ماابي اطول عبدالرحمن : ابشري ياقلبي يله مشينا مسك ايدها وصارو يتمشون بشوارع بيروت الاكثر من روعه لين وصلو عند مطعم كان مره ناعم ومبين عليه البساطه جلسوا قبال بعض عبدالرحمن : اممممممممم شنو اطلبلج حنين : ابي تبوله وحمص وصحن شبس مع دجاج على الفحم عبدالرحمن يضحك: وهذي الي ماتبي تتعشى ولاتبي تطلع حنين وهي ترفع حاجبها: اذا مو عاجبك خلاص مابي شي عبدالرحمن وهو يبوس ايدها: وانا اقدر ياحياتي سحبت حنين ايدها بسرعه بس اثر بوسة عبدالرحمن فيها حست بالارتباك ليش ماتدري رغم ان عبدالرحمن يقولها احلى الكلام ومن اول مادخلت عليه مامسها وهي مو راضيه حست بالتأنيب وان الي تسويه غلط تصرافتها وهروبها منه وصدها له بس القلب ومايهوى قطع عليها حبل افكاره صوت عبدالرحمن عبدالرحمن : قلبي شنو تبين تشربين معه حنين : هاه ابي عصير كوكتيل عبدالرحمن وهو يمسك ايدينها الثنتين الي كانت تلعب بالمنيوم : قلبي تدرين ان عيونج عذابي وربي من اول ماشفتج وانا هيمان فيج حنين وعيونها متعلقه بعيون عبدالرحمن الي تلمع حب وحنان: لاتذكرني بذاك اليوم عبدالرحمن ببتسامه خلت حنين تنزل راسها : ليش حنين بسحى وجفا : بس عبدالرحمن يرفع راسها : قلبي تكلمي قولي أي شي انا مستعد اسمع منج الي تبينه بس لاتسكتين لان سكوتج يعذبني حنين وتحس بالسكاكين تقطع قلبها من كلام عبدالرحمن لها طالعت بعيونه وببتسامه صفرا : لانه احلى يوم بحياتي عبدالرحمن توه بيتكلم بس جا العشاء وماكنو يسمعون الا صوت الصحون عبدالرحمن: يله عمري سمي جلست حنين تحرك التبوله وشوي تاكل وبعدها تاخذها افكرها لبعيد عندالي سكن وسط حشاها واتخذ القلب مسكنه عند ياسر اه ياسر اشتقت اشوفك واسمع صوتك واهمس لك احبك حست بالعبره تخنقها خذت العصير وشربته تبيه يخفف عليها حزنها والمها عبدالرحمن : قلبي ماودج تاكليني من ايدج حنين بسحى : هاه ياليت بس تعرف حنا بوسط المطعم والناس رايحه جايه عبدالرحمن يضحك: وش علي منهم تراج مرتي وحلالي ولو نسوي الي نبي مال احد دخل فينا وبعدين حنا في لبنان بلد العشاق حنين ببتسامه: ابشر وخذت ملعقتها وعطته من التبوله عبدالرحمن فتح فمه على الاخر ماتوقع ان حنين بتسويها ولافك الملعقه من فمه حنين تضحك: عبدالرحمن تكفى فضحتني خلاص فك عبدالرحمن لازال ماسك الملعقه بفمه حنين تحاول تعصب: عبدالرحمن بتفك ولا بخليها على فمك فك عبدالرحمن وجلس يضحك وهو يحاول ياكل بعدها شرب عصيره ولازال يضحك فديت عمرج والله ماصدقت توصل للفندق عشان تبدل ملابسها وتنسدح على سريرها بس احتارت شنو تلبس ماحبت تلبس قميص نوم وتخاف انه يبرز جمالها قدام عبدالرحمن ومايخليه يتماسك واحسن شي تلبسه بيجامه ناعمه لبستها وانسدحت على السرير دخل عليها عبدالرحمن وشافها منسدحه وبكل برائه بسرعه جلس يبدل ملابسه حنين حست بالنار الي تسري بكل جسمها من الاحراج غمضت عيونها بقوه ماتبي تشوف اما عبدالرحمن بعد مالبس خل صدره مكشوف وانسدح جنبها عبدالرحمن : تصبحين على خير عمري حنين وهي تصد للجهه الثانيه وبصوت مخنوق: وانت من اهله كانت هذي حياة حنين مع عبدالرحمن طول الاسبوعين الي جلستها بلبنان ومحاولات عبدالرحمن انه يقنعها انهم يطولون بس حنين رافضه وتبي ترد للكويت بسرعه اما عبدالرحمن كان دايم يحط لها الاعذار مره يشوفه حليوه ومره يشوفها كلها جفا وقسوه ماحب يضغط عليها وقال كل شي راح يتعدل لارجعنا للكويت &&&&&&&&&&&&&&&&&&&&& &&&&&&&&& بيت ابو عبدالرحمن *** دلال : يمه مايصير اجلنا الحفله عشان زواج عبود والحين تقولون مافيه لايمه انتي مواعدتني انا وغزل ام حصه: يابنتي انتي ادرى بحالنا والحين مابقى شي ويجون حنين وعبدالرحمن من سفرتهم يعني نصلحها وهم مو عندنا غزل : طيب انا عندي فكره شرايكم نحط حفلتنا وعشا رجعت حنون وعبود مره وحده وبكذا ينتهي النقاش ام عبدالرحمن : والله ماعندي مانع بس مدري عن ابوج غزل : ابوي راح يرضى لاني راح اقنعه دلال : فديتج يغزول وفديت افكارج الحلوه ام حصه : اجل بكذا تجهزوا من الحين عشان محد يقولنا شي دلال وغزل طلعوا من الصاله وهم يفكرون شراح يسوين بحفلة تخرجهم &&&&&&&&&&&&&&&&&&& &&&&&&&&&& &&& عبدالرحمن معصب: حنون شفيج كل مابغيت اجيج بكيتي قوليلي شفيج وش الي شايفته فيني حنين وهي تضم البطانيه وتبكي: عبدالرحمن تكفى لاتلمسني عبدالرحمن وهو يبعد عنها ويحاول يمسح العرق الي على جبهته: قوليلي ليش شنو فيج حنين بخوف وارتباك :وش اقولك اقولك انك مايجوز تلمسني وانا فيني 0000000 عبدالرحمن برتياح ويقرب منها: عمري ليش ماقلتيلي من اول بصراحه خوفتيني توقعتج مغصوبه علي حنين وهي تمسح دموعها : لاتكبر الموضوع وهو صغير شنو مغصوبه عليك عبدالرحمن بعتذار: اسف عمري بس غصب عني تعرفين مايصير اجلس ماالمسج حنين حست بالراحه رغم انها حست بالقهر يوم كذبت على عبدالرحمن وماتدري كيف راح تصلي عشان مايكشف انها تلعب عليه ضحكة ضحكة انتصار بقلبها ان هاليوم عدا على خير ولالمسها ماتبيه يلمسها وقلبها متعلق بغيره لبس عبدالرحمن ملابسه وطلع من عندها عشان يشم شوية هوا ويضحك على شكله لما هجم على حنين وهو كله شوق ولهفه انها تكون بين حظنه خاف يفقدها خاف تكون مجبوره عليه بعد ماشاف دموعها ارتاح لما عرف انها تبيه بس ماتقدر لانها 000 بسرعه بعد ماطلع دخلت الحمام عشان تاخذ لها دش سريع وتحاول تنسى موقفها معه وكيف هجم عليها وصارت تحته تحاول تبعده عنها ماقدرت انهارت الدموع تسيل على خدها هي عارفه انه حق من حقوق عبدالرحمن وعارفه ان الي تسويه غلط وحرام حست بالماي يلتم جسمها صرخت من قلبها وبكل انين احبه وللحين قلبي ينبض بحبه وربي حاولت انساه بس بكل مكان اطالع خياله بس لما اتذكر كلام بشاير وصد ياسر عني احس بالضيم الي يطغى على قلبي ياسر نساني وعاش حياته وانا جالسه اتعذب بحبه وبسبة فراقه بس اني انساه مستحيل انساه سمعت صوت الباب يتسكر عرفت ان عبدالرحمن رد ماحست بروحها كانت جالسه بالحمام ساعه ونص يووه كل مايطرى ياسر على بالها تنسى كل شي وتعيش بالحلم معه اه ليت الحلم يتحقق طلعت وعليها روبها وطلعت ملابسها وهي تحس بنظرات عبدالرحمن لها بس ماحبت تطالعه طلع عبدالرحمن من الغرفه عشان تبدل ملابسها لبست برمودا جنز وبدي حرير ممسوك تحت الصدر بشريطه سود وصاير شكلها نعومي حطت كحل داخلي وروج احمر مثل لون بديها وجلست تمشط شعرها المبلل بعدها جففته بالاستشوار وحطت شريطه سود على شعرها عليها كريستال احمر تعطرت وطلعت العبدالرحمن من اول ماشم ريحة عطرها وهو يتنهد جلست وهي تحس بنظراته الي تحرقها طالعته وبهمس ماودك نتعشى عبدالرحمن وهو يقوم ويجلس يمها : الا بس مو الحين حست بقرب عبدالرحمن لها والخوف الي دب بجسمها طالعته بعيون ترجي : بس انا جايعه عبدالرحمن وهو يبوسها بسرعه : مووووه فديت الي جايع من عيوني الحين اطلب كم عندي حنون حنين وجها احمر : تسلم عيونك عبدالرحمن : حنون تجهزي بكرا الصبح طيارتنا للكويت حنين مبسوطه : والله واخيراً برد تصدق اني ميته من الشوق عبدالرحمن بحزن: يعني لهالدرجه مليتي مني حنين وهي تحاول ترقع الموضوع: لاعمري موقصدي بس تعرف اول مره اسافر وابعد عن اهلي كل هالفتره عبدالرحمن وهو يشدعلى خدها : اها طيب مره ثانيه لاتعيدينها حنين تضحك: ابشر تتمنى الزمن يمشي بسرعه عشان تفتح عيونها وتلاقي نفسها وسط امها وابوها بس عارفه ان هذا من المستحيل لاهي حابه تقنع عمرها بهذا الشي لانها تتمنى تصحى من هالحلم &&&&&&&&&&&&&& &&&&&7 &&& دلال : طيب غزول خلينا نروح نشتري فستان للحفله كل شي سوينه الا الملابس غزل وهي تضحك: أي والله وبكرا العشا يالخبله يعني ماعندنا الا اليوم دلال : طيب شراح تسوين غزل وهي تركض: بكلم تركي يوديناالسوق الحين دلال وهي تلحقها: تعالي مانبيه نبي السايق بس غزل اسرع منها وراحت لتركي وطنشت كلام دلال ماصدق تركي وبسرعه قالهم يطلعون له لبست غزل عباتهاونقابها وطالعت لقت دلال مالبست عباتها غزل بعصبيه: هيه شفيج لايكون هونتي دلال وهي تمد البوز: ماابي اروح مع اخوج غزل وهي تتافف: يحوووول قوليلي شصار معكم لايكون قط عليج كلمه الحين دلال وهي تذكر الموقف كانت نازله ولابسه بجامتها وجالسه تغني شخمط شخميط ومتحمسه مع الاغنيه وهي تحوس بالمطبخ ماحست الا الي كاب عليها ماي بارد التفتت وشافت تركي ميت ضحك بسرعه خذت كوب الماي وعبته عشان تكب عليه ماحست الا الي ماسك يدها وكابه عليها مره ثانيه حست بالدموع الي تتجمع بعيونها تركي وهو يسوي نفسه معصب: يله توكلي عشان مره ثانيه ماتغنين هالاغاني السخيفه دلال وهي تحاول تستوعب: الحين كاب علي الماي عشاني اغني هالاغنيه تركي وهو يبتسم : ايه دلال وهي ترفع صوتها وتغني : شخمط شخاميط عشان تحره وبعد ماخلصت فكت ايدها منه وقالت اذا فيك خير سولي شي تركي حس بالتحدي قرب منها وعطها كف بس على الخفيف : هاه وش راح تسوين دلال بهالحظه ثارت وكل الي قدرت عليه انها دفته بكل قوتها لين صك بالجدار وبسرعه طلعت للغرفه وهي معصبه تركي يستانس لما يتحرش فيها ويحب يشوفها معصبه ضحك على شكلها الي كان مبلل وعلى عيونها المصدومه من حركة تركي لها غزل تاشر لدلال : هيه وين رحتي اقولج شنو صار دلال وهي تحس انها للحين معصبه ولابردت حرتها عرفت شنو نقطة ضعف تركي وبسرعه لبست عباتها عشان تقهره مثل ماقهرها غزل وهي تتحمد : الحمدالله والشكر مو صاحيه دلال تضحك: امشي ولايكثر هههههههههههاي تركي معصب: واخيراً مابغيتو تطلعون لي غزل : والله مو انا الي اخرتنا دلال دلال من غيرنفس : هيه انت خلاص اهم شي انا طلعنا صح ولا تركي يطالعها بنص عين: اانتي اركبي وانتي ساكته نزلوا غزل ودلال وتركي قالهم يدخلون هالمحل ولايطلعون منه الا لين يجيهم دلال بعصبيه : اخوج مارد وطول علينا وحنا ماعندنا وقت امشي خلينا نفتر بالمحلات واذا جا ولا لقانا بيدق علينا وبيعرف حنا وين غزل بخوف: لا دلال بيعصب علينا دلال وهي تجرها: امشي شراح يسوي يعني اما تركي كان محتار شنو يشتري لدلولته هديه تخرجها كان يفتر بمحلات الهدايا وماعرف شنو يختار لها بعدها دخل محل ذهب وقال لصايغ يسويله سلسال مكتوب فيه دلال وتركي داخل القلب ومكتوب حب للأبد وطلع وهو مبسوط بس كشر يوم مالقى لادلال ولا غزل بالمحل الي قالهم لايتحركون منه وعرف انهم عصوه بسرعه دق على غزل غزل بغرفة القياس ياربي دلال شكله وسيع الفستان دلال تتأفف: يحول ياختي شوفيني شريت ولاجلست اتشرط بسرعه قبل لايزعجنا اخوج غزل وهي تطلع لدلال: هاه شرايج دلال : وربي جنان وين وسيع يختي حده ضيق على جسمك غزل وهي تدور: بذمتك حلو ولا تكذبين علي دلال وهي تسكر عليها باب الغرفه: بسرعه بدلي عشان نحاسب ونطلع دق جوال غزل بهالحظه غزل : دلول ردي لايكون تركي دلال بخوف: هاه طيب دقيقه اشوف منو شافت اسم تركي وبصوت هادي الو تركي بعصبيه: وجعوووه انشالله وينج انتي والخبله ليش طلعتوا من المحل ياحيوانات دلال برتباك: تركي شنسوي انت طولت علينا وقلنا نطلع عشان نلحق نشتري ولارديت تلقانا خالصين تركي انفجر: ياكلبه امشي انتي والي معج وتعالو بسرعه والحين وان شفت احد يلحقكم ياويلكم مني دلال بتافف: طيب طيب بس نحاسب ونجيك تركي : وشووووووو اقول ان ماجيتوا الحين لكم خمس دقايق ياويلكم بسرعه راحت دلال تركض لغزل وعجلتها وطلعوا بسرعه بعد ماحاسبو على الفستان وصارو يركضون وسط السوق والخوف معمي عيونهم ماحست دلال الا وهي صادمه بشخص طويل دلال بالم : اخ عمى يالدب ماتشوف الولد: اسف اختي بس انتي الي صدمتي فيني دلال وهي تحاول تبعد عنه :طيب اسفه بس الولد كان يتميلح قدامها : لايكون عورتج ياحلوه دلال وهي ترجف من الخوف: تكفى ابعد لاتسبب لي مشكله الولد رفض يتحرك من مكانه ماحس الا بالي طيره وخلاه يطيح على الارض تركي وجه احمر من العصبيه: امشي سحب ايد دلال بقوه وصار يمشي مثل المجنون ويتكلم ويسب ويلعن وحالته حاله اما دلال جلست بموقف لاتحسد عليه اه كانت دموعها ماتوقف من الصدمه والخوف حست بالغلط الي سوته كانت تبي تقهره والحين مو قهرته الاخسرته للأبد دموعها هي الحل الوحيد دليل على ندمها بسرعه نزلت من السياره وراحت للغرفه تبكي واطلع كل ألي بقلبها غزل وهي تشيل الاكياس: تركي تراك غلطت على البنت والذنب مو ذنبها تركي وهو يتعوذ من ابليس: اعوذبالله من الشيطان الرجيم لاتلوميني ماقدرت اشوفها مع الحقير ولا حده لازق فيها وش تبيني اسوي اكيد بيجن جنوني غزل ببتسامه: تغار عليها يعني ههههههههاي تركي وهو يضربها بخفه: وليش مااغار يله ذلفي ولايكثر غزل تضحك: تكفين طالعي شكلج مره يخوف عيونج متنفخه من كثر مابكيتي كل هذا عشان تركي زعل عليج دلال وهي تحذفها بالمخده: ياثقل دمج يالمليغه ذلفي زين غزل وهي تضمها : اسمعي ياقلبو الاخ يعتذر ويقول انه ماقدر يمسك غيرته وسوا الي سواه يعني اخوي متيم فيج دلال وهي تبعدها: غزل عن المصاخه ترا مالي خلقج غزل وهي تحلف:: وربي وربي مااكذب عليج وانه الصدق حتى اذا مو مصدقتني روحي كلميه دلال بخوف: لا خلاص صدقتج بس اكيد ماخذ على خاطره مني غزل تضحك: اقول ترا اخوي صريح على الاخر لو انه زعلان راح يقول انه زعلان بس ارتاحي مايقدر يزعل عليج ههههههههههههههاي دلال تضحك: اشوف فيج يوم ياغزل هههههههههههههاي غزل ببتسامه: لانشالله اقول خلينا نقوس بس ترا بكرا الحفله دلال وهي تروح للحمام: وربي اشتقت لحنون غزل : كلنا مو بس انتي بس هانت بكرا نشوفها ونشوف شنو اخبارها &&&&&&&&&&&&&&&&&&&&&&& &&&&&&&&&&&&& &&&&& فديت عمرك احبك اشتقتلك فديت روحك اشتقت لأنفاسك ياسر ياكل حياتي انت هوا انفاسي انت عمري كله انت الي سكنت وسط جوفي ولاغيرك قدر ياخذ محلك احبك وربي قليله بحقك انا اعشقك انا مجنونه بهواك شوف حالتي من بعد فرقاك وش الي صار فيني ليش ياسر تتخلى عني ليش ماكلمتني وبررت موقفك معي ليش صحيح طلبت منك تتركني بس انت تعرف انه من ورا قلبي اه ياسر اشتقت اسمع ضحكتك اشتقت لشوفتك اشتقت لكلمة احبك من فمك اشتقت لحياتي معك حلوها ومرها احبك والله احبك مدري شراح اسوي لاخلاص لازم اطلق من عبدالرحمن وارجع لحظن ياسر انا مااقدر تعبت وربي تعبت احبه احبه احبه كان يشوفها وهي على البلكونه وطالع البحر وعيونها تلمع مايدري شنو سر هالامعان ياحلاة شكلها وهي سرحانه حلوه شعرها طاير فمها الي كانه كرزه ولاخشمهاولا عيونها الي خبلت فيه مااستحمل ورح لها حست بالي طوق عليها بيدينه وصار راسه جنب راسها حست بالرعشه سرت بجسمها وبهمس فكني عبدالرحمن بخبث: واناا اقدر يابعد حيي شد عليها وصار يشم ريحة عطرها حنين تصلبت مكانها ولااقدرت تقاومه جلسوا فتره وهم على هالحال عبدالرحمن ماسك حنين وحنين كانت بارده من ناحيته حس عبدالرحمن ببرودها وهمس بذنها : احبــــك حنين حست ان هالكلمه مالها أي طعم لافرحت ولاحزنت حست بألامبالاه مجرد ابتسامه صفرا بوجه عبدالرحمن الي ابتسم لها ببتسامه كلها حب وحناان عبدالرحمن : قلبي جهزتي اغراضج حنين بهمس: أي واغراضك بعد عبدالرحمن وهو يبوسها : فديتج والله يله عمري خلينا ناخذ اخر لفه على لبنان قبل لانسافر حنين بهدؤ: اوكي &&&&&&&&&&&&&&&&&&& &&&&&&&&& &&&& بشاير بخوف: طمنا يادكتور الحين مر اسبوعين وياسر ماقام الدكتور : اختي ادعي لخوج انه يصحى بصراحه احتمال مايصحى واحتمال انه يموت وهو بهذي الحاله بشاير وهي تبكي: لالالا يادكتور لاتقول كذا تكفى يعني ياسر ميت الحين ياسر جسد بليا روح الدكتور: تقدرين تقولين كذا بس ادعيله وماعلى الله شي كايد بشاير منهاره وتشوف ياسر الي ماتحرك قربت منه ضمته بقوه وصارت تصيح على حظنه اخوي يالغالي راح شبابك راح عمرك راحت حياتك طول عمرك تقول مااقدر اعيش بدونها وبدونها راح اكون جسد بليا روح والحين يابعد حيي كلامك صار بمحله حنين راحت وانت صرت بدونها بهذي الحاله حرام الي يصير لك حرام والله حرام استغفر الله ياربي يارب تشفي اخوي يارب وتقومه لنا بالسلامه ام ياسر من اول ماسمعت الخبر ان ياسر محد يدري متى يصحى انهارت وعطوها مهدئات وجلست ثلاث ايام بالمستشفى بعدها كانت تزور ياسر بفترات لان حالتها ماتسمح لها تشوفه لانها كل ماشافته تبكي وتنهار عليهم اه يالدنيا بين يوم وليله تقلبين حياتنا من ضحك لدموع وتقلبين قلوبنا من حب لكره ومن قرب لفراق ليش يالدنيا انتي كذا تاخذين اغلى الناس على قلوبنا تحبين تشوفينا متعذبين تتلذذين لما تشوفينا نبكي دم وحسره على فراق الي نحبهم ويحبونا على حياتنا معهم ليش ليش محد يقدر يجاوب على سؤالي لان الكل متعذب بهذي الدنيا ولازم نعيشها بكل مافيها من حلو ومر &&&&&&&&&&&&&&&&&&&&& &&&&&&&&&&&& &&& نزلت وكلها خوف ورهبه وماتدري شراح يصير بحياتها الجديده سمت بالرحمن ودخلت مع عبدالرحمن للبيت شافت الكل مجتمع ماعدا دلال وغزل سلموا على بعض وكان الكل مبسوط لشوفت عبدالرحمن وحنين رادين بالسلامه ام عبدالرحمن : قوم ياولدي ورحوا ارتحوا بجناحكم لان اليوم عشاكم عبدالرحمن : انشالله يله استأذن عبدالرحمن قام وشاف حنين جالسه عصب عبدالرحمن حنين امشي نرتاح حنين ولاكانها تسمع ام عبدالرحمن : قومي روحي لرجلج حنين ببتسامه: والله ياعمه الحمدالله شبعانه نوم وابي اجلس معكم عبدالرحمن شافها بنص عين وطلع للغرفه وهو معصب من حركة حنين حنين خافت ولااستحملت بسرعه طلعت وراه بس قابلت دلال وغزل يتهاوشون ويصارخون غزل : حنوووووووووون بسرعه ركضت وضمتها حنين وهي تشد عليها: اشتقتلج يالخايسه دلال: افا وانا ماشتقتيلي حنين وهي تمد يدها لدلال وتضمها : وربي كلكم غاليات على قلبي ولكم وحشه جلسوا الثلاثه ضامين بعض ويبكون تركي وهو يضحك: وربي كاني اشوف فلم هندي وخرو عن الطريق خلوني امر حنين تضحك: شخبارك ياتركي هههههاي تركي يضحك: تمام انتي شخبارج وسلامت الاسفار حنين ببتسامه : تمام الحمدالله مانسال الا عنك وعن كومار الا تعال شخباره تركي يضحك: يوووووه خبرج عتيج كومار الحين انا مع هندي غير كومار بس تصدقين ان كومار اطلق منه دلال وهي معصبه وعارفه شنو يقصد تركي: اقول روح له لان ريحتك فاحة كلها هنوووووود الكل: هههههههههههههههههههاي غزل امشي لغرفتي حنون حنين وهي تضرب راسها: اقول توكلي عبدالرحمن طلع وهو معصب بعدين اقولج اخباري غزل : لنا الله والله دنيا صدق من قال من لقى احبابه نسى اصحبابه ضربتها حنين وراحت تركض لجناحها فتحت باب الغرفه بهدؤ وشافت عبدالرحمن منسدح دخلت للحمام وتروشت طلعت منه ولبست قميص نوم حريري لونه وردي وقصير لي الركبه وكان حفر نشفت شعرها وحطت كحله وكلوز وتعطرت وجلست عشان تنام جنب عبدالرحمن عبدالرحمن كان حاس فيها بس حب يأدبها وطنشها اول ماشاف وجها قبال وجه صد عنها حنين حست انه زعلان وبهمس : عبدالرحمن عبدالرحمن مطنشها:0000000 حنين بدلع : عبوود انا اسفه بس ماكان قصدي ازعلك وربي اني مشتاقه لهم وفكري كان مو معي عبدالرحمن : خلاص ابي انام الحين سكري الموضوع سكتت حنين ولاحبت تضيق خلقها وهي مبسوطه برجعتها للكويت وقربها من حبيب قلبها وكل حياته ياسر &&&&&&&&&&&&&&&&&&&& &&&&&&&&&& &&& الجوهره: غزول اسم الله عليج اليوم العيون كلها بتكون عليج غزل كانت لابسه فستان اخضر روتاني ومخصر على جسمها على الخصر كان فيه تكسيرات لين تحت خصرها ووسيع لين الركبه لابسه اكسسوار ذهبي لان فيه شك خفيف على الصدر منثور لونه ذهبي كان شكلها جنان مع شعرها الي طايح على كتوفها ولابسه طوق ذهبي جنان وحاطه مكياج خفيف وروج وردي مطلعها حلوووووووه ونعومي غزل : اقول مالي خلق نفتح هالموال جتهم دلال تركض وهي ميته من الضحك غزل بستخفاف: ضحكينا معج دلال وهي تتذكر تركي وهو يقولها لاتنسين الموعد بعدا لعشاء غزل تاشر لها: هيه نحن هنا دلال : مايخصج قامت حنين وبدلت ملابسها ولبست دراعه فخمه كان عنابي ومذهبه كانت عباره عن دقله والدقلى من ورا ذيل طووويل كان مره فخم والمكياج كان مره فخم حاطه الظل الخليجي الكثيف على العيون والروج العنابي الي مطلع فمها ولااحلى وشعرها مسويته ستريت دخلت على عبدالرحمن عشان تجهز اغراضه بس لقته طالع من زمان حست انه للحين ماخذ على خاطره وقالت لارد راح اراضيه نزلت حنين وسلمت على عمتها وجلست عشان تستقبل امها وتسلم عليها غزل : الله ياحنون تهبلين مشالله عليج اكيد اخوي انجن عليج دلال: الا اليوم بتروح فيها حنين هههههههههههههاي حنين بستحقار: وربي انكم صايعات ومنتهيات حدكم ولازم تعرسون عشان تعرفون معنى العرس غزل + دلال: هههههههههههههههههههههههههاي ياليت الجوهره: وجع انشالله كل هذي شفاحه على العرس حصه : الا وانتي الصادقه عوووب هالبناات الكل :ههههههههههههههههههاي دخلت ام فيصل وبسرعه ضمتها حنين وهي تحاول تتماسك ولاتنهار قدام امها بكت بس ام فيصل جلست تهديها بكلامها وتضحك وام فيصل من داخلها تبكي من الشوق لبنتها ام فيصل تمسح دموع حنين: شخبارج يابنتي ويوم اعرستي لادقين ولا تسألين عنا حنين تضحك: وربي قلت لعبدالرحمن بس كل مادقينا عليكم مشغول او مايمسك الخط وقال عبدالرحمن خلينا كذا لانسمع اخبار تخرب علينا شهر عسلنا ام فيصل: معذوره يابنتي حنين : يمه شنو هذا الي وياج ام فيصل تبتسم: وين غزل نادي غزل غزل وهي تركض وتسلم على ام فيصل: هلا خاله شبغيتي ام فيصل وهي تمد الكيس : تفضلي يابنتي والف مبروك التخرج غزل بسحى : ليش كلفتي على روحج ياخاله ام فيصل: والله حلف علي فيصل مااروح وايدي خاليه وهو الي شرىالهديه لج والثانيه لدلال دلال وهي تهمس لغزل:ناس هداياهم شكبرها وناس كيس شصغره غزل تضحك: هههههههههههههاي عاد القلب ومايهوى بعدها صارو البنات رقص وضحك وخبال وغزل ودلال لبسوا ارواب التخرج وجلسوا يصورون وبعدها وقفوا على الطاوله وصارو يصارخون ويرومون كبابيسهم وكانوا مره مهسترين وانواع الضحك والخبال ام عبدالرحمن: وين ياحنون حنين وهي تروح: والله ياخاله تعبانه وبروح انام راسي صدع من صراخ دلال وغزل االكل: هههههههههههههههههاي الجوهره: بهذي صدقتي غزل وهي تكش: مالت بس ياشين الي يغارون طلعت لجناحها وبدلت ملابسه ولبست بجامه وجلست على التلفزيون لين يجي عبدالرحمن عشان تراضيه شهالزين ياقلبي كانت دلال لابسه فستان فوشي وقصير لين الركبه ولابسه جزمه ربط شرايط لونها فوشي وفيها نجمه فضيه تلمع الفستان كان شاد على جسمها كله وعليه حزام فضي تحت الصدر كان عريض ومع الحلق الفضي الكبير والمكياج الناعم والروج الوردي وشعرها الي مجعدته كانت مره جنان دلال ببتسامه : من ذوقك تركي وهو يمسك ايدها : فديت ضحكتج والله دلال وهي تبعد يدها: تركي تراك مو بصاحي اليوم بسرعه خلني اروح انت قلتلي بشوفج وهذا انت شفتني يله عاد وخر خلني اروح للبنات تركي وهو يعض على شفته بقوه: متى يجي اليوم الي ماتقدرين تبعدين عني دقيقه وحده دلال بسحى : خلاص تركي تكفى خلني اروح تركي ببتسامه حلوه: من عيوني بس قبل هذي هديتج حقت التخرج وعقبال ماتخرجين من الجامعه ياقلبي دلال وهي تاخذ الكيس بسحى : مشكور بس ليش كلفت على عمرك تركي وهي يسوي لهابوسه بالهوا :قلبي متخرج ولااعطيه هديه دلال وهي تمشي: فديت قلبك والله تركي يضحك: ناويه تجننيني انتي هههههههههاي دلال رحت وهي ميته على شكل تركي بسرعه فتحت الكيس وشافت القلب الي من ذهب فتحته وكان مكتوب فيه تركي ودلال حب للأبد ضمت السلسال لصدرها بقوه ولبسته على طول وربي احبك باست السلسال اه الله يتمم فرحتنا ياتركي ونشوف ثمار حبنا غزل تضحك: شنو هالسلسال الي على حلقج هاه دلال مخترعه: بسم الله من وين طلعتي انتي غزل وهي تقرب من دلال: يله وريني قامت دلال بسرعه وصارت تركض : مايخصج انا ماسألتج شنو هدية فصووووووووووول ههههههههههاي غزل وجها قلب الوان وضربت راسها : يوه نسيت الهديه خلني اروح اشوف شنو جابلي فتحت بتردد الهديه انبهرت بالي شافته كان عباره عن لوح صغير على شكل قلب مكتوب فيه شعر روعه قرته وكانت الكلمات ولااحلى عرف انك ماتصدق بس والله فوق والله.. والله انه راح مني نصف عمري في غيابك.. واعرف أني شلت همي تاركن حبي على الله.. كني أبعد من نجوم الليل وأقرب من ثيابك.. ياعساك وياعساني وياعسانا وياعسى الله! ياعسى الدنيا تموت وما يعيش إلا ترابك.. يا أحبك واعشقك واهواك.. وإلا يفتح الله.. ماتعودت افتخر باحساسي إلا (تحت بابك) ايه أحبك والقضيه واضحه والشاهد الله.. يطرد المظلوم خصمه.. وأنت خصمي ياهلا بك.. ياهلا بك يوم تجرح خا ويسامح الله.. ياهلا بك يوم تلحق غيمتي! والحق سرابك..! جابك الله في حياتي ياحياتي جابك الله.. ليش؟مدري. وين؟مدري. كيف؟ مدري. بس جابك.. كل ماقلت ابتدينا في المحبه قلت ياالله.. مادريت إن النهايه بين بعدك واقترابك.. إنظلمت ولا شكيت.. واتركت الأمر لله.. كان همي أنتظر باقي عذابك في عذابك.. الله الله إنتبه.. واحذر.. وفكر والله الله.. مثل ما أحسب حسابي في هواك أحسب حسابك.. ماطلبت المستحيل ولا رجيتك شي لله! ما طلبتك أرتفع من حجرتي واسكن سحابك.. يصرخ القلب المعذب ياالمعذب (وكل الله).. شاب حبك في عيوني وانت توك في شبابك.. رحت شي.. وجيت شي "مختلف" ياحسبك الله.. تصدق إني مابغيت اجلس مع حضرة جنابك.. غير (ذاك الزمان) ويازماني منك لله.. ليش ماغيرت فيني شي يوم إني أهابك.. ليش مايعطف حنانك علي وتوحد الله.. يعرفون انك سؤال ويعرفون اني جوابك.. ويعرفون اني حلفت ولا اعرف أغلى من الله.. والله انه راح مني نصف عمري في غيابك .. كان الصندوق منثور على ورد طبيعي ريحته حلو وفيه ورده حمرا خذتها وشمتها ولقت فيه صندوق صغير فتحته ولقت فيه حلق فخم مره ويلمع انصدمت الماس كان الحلق عباره عن الماسه دائريه لبسته وطالعت بشكلها كان روعه عليها ليش يافيصل تهديني الماس لاني تخرجت ولا لانك تحبني شريت الهديه و نظراتك لي بزواج حنين وعبدالرحمن تلميحاتك اه معقوله احبك طيب يمكن انتي ودلال نفس الشي ليش تستعجلين بس هديتي كبيره ودلال صغيره معقوله تحبني يافيصل وكلمات القصيده فيني اه شلون احبك وانا كنت حبيبة اخوك شلون اه ياسعود وينك عن تخرجي الحلم الي تمنيته ياسعود اني اتخرج وبعدها نتزوج هذا انا تخرجت انت وينك عشان تتزوجني ضمت نفسها وصارت تبكي بحرقه والم معقوله رغم مرور الشهور للحين غزل مانست سعود ومن الي يقدر ينسيها سعود معقوله فيصل يقدر معقوله تاخذ فيصل بس لانه يشبه لسعود محد يدري كيف ولا متى ولا وين ولا شراح يصير بغزل وفيصل الي قلبه صار ينبض باسم غزل دخل الغرفه شافها نايمه عند التلفزيون عرف انها كانت تنتظره ابتسم لانه حب يحسسها بس مايقدر انه يعذبها راح وشالها وسط ايدينه لين حطها على السرير ابتسم لها الله على برائتها احبها ياناس اموت فيها الى متى ياحنين السحى يمنعنا انا نقترب من بعض الى متى وربي صرت مااستحمل اشوفج ولااقدر المسج احبج ولاني احبج لازم امنع هالسحى منج عبدالرحمن يظن ان سحى حنين هو السبب عشان تبتعد عنه وتمنعه من حقه الشرعي مايدري ان حنين فكرة وجودها بحظن غير حظن ياسر يحطمها ويكسرها ويخليها كلها هم وحزن فتحت عيونها والتفتت شافت عبدالرحمن يمها انا امس نايمه بالصاله وش الي خلاني بالسرير معقوله عبدالرحمن شالني يويلي وربي اني غبيه يحول مقدر اقابله الحين خلني ابدل وانزل عند خالتي والبنات طيب وليش ماتقومين رجلج اذا نزلتي راح يزعل وانتي ماصدقتي انه رضى عليج قامت بسرعه وبدلت ملابسه ولبست تيور عودي مع بدي بيج وحطت كحله وروج ولمة شعرها كله على فوق وخذت جلال بيج وتعطرت وراحت يم عبدالرحمن عبدالرحمن يله قوم ترا الساعه 11 الظهر قوم عشان تلحق على الصلاه عبدالرحمن : امممممم طيب طيب شوي وبقوم حنين : اوكي انا بنزل وانت الحقني خلاص عبدالرحمن : اقول مافيه طلعه الا رجلي على رجلج حنين بتأفف: طيب بنتظرك بالصاله لاطول علي نزلوا عبدالرحمن وحنين وجلسوا يتقهون مع ام عبدالرحمن وابو عبدالرحمن وام حصه والجوهره وحصه وصاروا يسولفون ويضحكون ام عبدالرحمن: اربكم نمتوا زين بغرفتكم الجديده عبدالرحمن وهو يشد على يد حنين : أي والله احلى نومه نمتهاامس حنين بهالحظه حست ودها ان الارض تنشق وتبلعها شمعنى الي يقوله وش قصده ياربي نسيتي ياحنين انه ريلج ويوم راح تنامين معه وراح تحملين منه وتجيبين عيال وين مخج راح له ياحنين وين فضلت السكوت حنين بس افكارها كانت تاخذها بعيد وتوديها يمين ويسار وسط دوامه يمكن لها نهايه ويمكن مالها أي نهايه غزل شافت السلسال الي معلق بحلق دلال وهي نايمه بشويش قربت منها وفتحت القلب وقرت الي فيه وجلست تضحك وبنفس الوقت تبكي تضحك على حركات اخوها ودلال وتبكي لانها تعرف معنى الحب وكم تمنت تكون مع الي تحبه مسحت دموعها بسرعه قبل لاتحس عليها دلال وبهمس الله يوفقج يادلول وربي تستاهلين راحت للهديه الي شراها فيصل لدلال ماتدري ليش يمكن فضول فتحت ولقت فيه عطر حست بالراحه ماتدري ليش الحين انا شاريلي الماس و دلال عطر كل هذا يدل لشي واحد ان فيصل يحبني اه يافيصل مدري وش راح يصير علينا قامت بسرعه ونزلت والف فكره تدور في بالها علي اتخذ قرار نهائي خلاص راح ينفذه ولازم يسوي شي يحس بالراحه فيه شي كان سعود ناوي عليه كانوا متن عليه بس الحين هو الوحيد الي راح يكمل المشوار لان سعود مات لقى اهله كلهم مجتمعني ابتسم وسلم عليهم علي وهو يطالع بابوه وامه: ابي افاتحكم بموضوع مهم بالنسبه لي الكل : شنو علي : انا ابي اسافر للخارج واكمل دراستي هناك واخذ الدكتوراه ام عبدالرحمن تبكي: الله يوفقك ياولدي بس انت متأكد من قرارك ولالا علي وهو يبوس راسها: افا يالوالده وهذا انا بروح عشان اجيبلج الدكتوراه وتبجين ابو عبدالرحمن مبسوط: والله والنعم فيك ياولدي راح علي وارتمى بحظن ابوه يبكي من الفرحه ان الكل كان مبسوط بقراره والكل بنفس الوقت حزين على فراقه حنين بكت تذكرت سعود كان هذا طموحه كان ناوي على هالشي بكت لان اخوها مو عايش عشان يكمل هالمشوار مع علي ويكفي انها انحرمت من اخوها والحين راح تنحرم من علي الي فيه كثير من سعود حس عبدالرحمن فيها وبهمس : حنون تبكين من الفرحه ولا من شنو بالضبط حنين وهي تشوفه: ابكي لان علي يذكرني بسعود والحين بيروح ولاقدرت تكمل من البكى علي سمع حنين والتفت عليها: حنين هذا الشي كان يتمناه سعود وعشان سعود وحبي له اصريت اكمل بالخارج حنين زادت دموعها: الله يوفقك ياعلي وترجعلنا سالم ومعك الشهاده يارب ابتسم علي لحنين : امين الكل كان فرحان وحزين على فراق علي وفرحان على طموحه والكل عارف سببب طموحه هو سعود بعدها علي بدا بتجهيز اغراضه لسفره للخارج &&&&&&&&&&&&&&&&&&
	توقيع :

فترة الأقامة : 4674 يوم

زيارات الملف الشخصي : 2422

إحصائية مشاركات »

المواضيـع الــــــردود [+] [+]

بمـــعــدل : 8.17 يوميا

معانى الورد

مشاهدة ملفه الشخصي

إرسال رسالة خاصة إلى معانى الورد

البحث عن كل مشاركات معانى الورد