الموضوع: رواية شفت الحبيبه عرض مشاركة واحدة

05-31-2012, 08:09 AM	#27
نائب الاداره بيانات اضافيه [ + ]  رقم العضوية : 7  تاريخ التسجيل :  Jul 2011  أخر زيارة : 12-10-2021 (09:57 PM)  المشاركات : 38,198 [ + ]  التقييم :  10  الدولهـ  الجنس ~  MMS ~  SMS ~ لوني المفضل : Fuchsia	بيت ابو فيصل *** ام فيصل ببتسامه: مبروك يافيصل وربي يوفقك انشالله فيصل مبتسم : الله يبارك فيج يايمه وراح وباسها ابو فيصل : هاه متى ناوي على الملكه فيصل يضحك: الود ودي اليوم بس مدري عن عمي وبخليه هو الي يقرر متى الموعد ههههههههاي ام فيصل : خير البر عاجله اخلصو علينا وتملكو فيصل هو يروح لغرفته: انشالله يمه مايصير الا الي يرضيج طالع نفسه بالمرايا وشاف عيونه الي تلمع من الفرحه معقوله عشان غزل وافقت احس ان الارض مو قادره تشيلني من الفرحه كأني اول مره اعرس ماحسيت بهالفرحه لما خطبت امال ولما سمعت خبر موافقتها اه يالحب والله انك عذاب مدري شراح اسوي لو اشوفها بالملكه خلاص انا مشتاق لها من زمان ماشفتها من زمان ماطاحت عيني بعينها اه فديت روحج ياغزول الكل بارك لغزل واستانس بهالخبر محد توقع انها توافق بس غزل فاجأتهم بهالقرار الي اتخذته وابت تتراجع عنه حنين وهي تضم غزل : مبرووووووك والله وتستاهلين فصول غزل ببتسامه خجل: الله يبارك فيج حنين وهي تضربها : يله متى الملكه لاتلطعون اخوي تراه حده متولع وداق علي ومزعجني يقول بسرعه قوليلها تخلصني من هالعذاب الي اعيشه غزل تضحك: ههههههههههاي حشى يعني اروح له واقول خلنا نروح للملاج حنين تضحك: واللله يكون احسن ههههههههههاي ام عبدالرحمن وهي تضم غزل : والله وكبرتي ياغزل وصرتي مره غزل بنظرات دلع: يمه تراي للحين دلوعتج حتى لو عندي درزن من العيال تراي اخر العنقود سكر معقود مارح احد ياخذ مكاني حتى عيال حنون حنين تضحك: ههههههههههههاي مايليق عاد شكلج شكبرج وتغارين من ياهل للحين ماطلع الكل :هههههههههههههههههههههاي ابو عبدالرحمن : غزل انشالله الملكه بعد بكرا تجهزي غزل حست بقلبها ينبض بقوه وجها صار احمر : انشالله يبه حنين تضحك: شفيه ويهج قلب طماطه ههههههههههاي قامت غزل لانها طول اليوم وتحس بروحها محاطه باانظار الكل والاهتمام عليها شافت الالماس الي شراه فيصل لها عضت على شفتها بقوه انشالله بيوم الملكه راح البسه واخليه يتفاجأ ضحكة ضحكه خبيثه محد يدري شنو ناويه تسوي بقلب فيصل بس تذكرت ان ماعندها فستان ولازم تشتري جديد قررت بكرا تشتري ابتسمة لما تذكرت ملكة دلال وتركي لما كانت هي وياها ماخلو مكان بالرياض ومن مجمع لمجمع عشان فستان اخر شي قررت دلال تلبس فستان نيلي مخصر عليها لين تحت خصرها وتحت الخصربلاسيه كان عليها روعه لبسته دلال وجعدت شعرها وحطت كلوز وكحل داخلي نيلي كان مره حلو عليها وطالع شكلها نعومي تذكرت يوم جلست غزل وحنين يطلون على دلال وتركي وكيف كان شكل تركي وهو فاتح فمه على دلال كانوا بايعينها يعني فالينها ضحك وجلسوا ساعه مع بعض وتركي يتغزل ومره يتهاوشون وكانوا حنين وغزل ميتين من الضحك على شكلهم بعدها شافهم عبدالرحمن وهزئهم وكانو يركضون ويضحكون على دلال وتركي تنهدت غزل اه يادلال والله انج بسيطه وحبوبه ورغم بساطتج و طيبتج تعلق فيج تركي وصرتي بالنسبه له كل شي انتي وتركي الوحيدين الي توج حبكم بالزواج اما انا فقدت الي احبه وحنين انجبرت على فراق الي تحبه معقوله انا احسد دلال لا ليش هالافكار السودا ياغزل فكري بالمنطق هذي الحياه عيشيها واطوي صفحة الماضي وابتسمي لحياتج الجديده مع فيصل وبس ضغطت على قلبها هالقلب لازم يحب فيصل وبس كم هي صعبه هذي هي الحياه التي تترحل بنا من مكان الى مكان تجعل مشاعرنا مع شخص وثم تبعده عنا وترمينا لشخص يعشقنا بجنون ولكن مشاعرنا تملكها ذاك الشخص ومن ثم نعشق من عشقنا وثم تقول لنا الحياه استعدي حانا وقت المغادره وثم احمل مشاعري بيدي لأنتقل بعزاي وارثي نفسي وفجاه تقول لي استعدي هناك من سوف تحبيه وبالفعل تعصف بنا الحياه من بؤس الى سعاده ومن سعاده الى بؤس ومن شقاء الى راحه ومن غنى الى فقر نعم هناك غنى عندما اغتني بشخص يغمرني بالحب ويغنيني بحبه وعشقه وهناك فقر عندما احب شخص ولاكنه ر بمشاعره اتجاهي اه كيف استطيع ان ادرسك ايها الحب وايتها الحياه كيف وانتما اكثر الاشخاص تقلبن ولااحد يستطيع ان يرسى بمرساكم الا من اجتاز تحديات الحياه ومصاعب الحب عندها هو من يفوز بكما جالس بالدوانيه وشابك ايدينه بعض وشاد عليهم كان التوتر مبين عليه ماصدق انه تمكلها والحين راح يشوفها اه بجد حس انه مشتاق لها شافه تركي وبخبث: وش فيك كانك بامتحان وخايف تبي تنتظر النتيجه ههههههههههاي فيصل ببتسامه: هههه عدال انت نسينا ولا اذكرك تركي يضحك :ههههههههههههههههاي يعني كلنا سوا هاه بس انت مجرب من قبل يعني عادي عندك فيصل عقد حواجبه: اقول تركي ماودك تجيب اختك ياخي طولت علي بسرعه ترا بروح لها فوق خلاص هي مرتي الحين تركي وهو يوقف عند الباب ويسد الباب بيدينه: والله تسويها انت اصبر المره تتكشخ لك وانت مستعجل اصبر ولا تبيها تجيك ببجامته وشوشتها ا فيصل يضحك: والله يكون احسن عشان نخلص مره وحده ههههههههههههههاي تركي يضحك: والله الي رايح فيها الله يعينج ياغزول طحتي على واحد صايع بقوه فيصل بتنهيده: تركي اخلص علي روح شوف وين المدام تركي يضحك: طيب طيب لحد يموت علينا شافت نفسها بالمرايه نظره اخيره التفتت لحنين الي عيونها تلمع دموع وببتسامه : هذي دموع الفرح ولا شنو حنين وهي تضمها وبهمس :مبروك وهذي دموع فرح لان الحياه ابتسمة لج ياغزول غزل وهي تضحك: الله يبارك فيج هههههههههههاي طيب ابعدي عني لاتخربين كشختي حنين وهي تبعدها : مالت عليج وانا فرحانه لج وهذا جزاي بس مايخالف بعديها هالمره لانج مرة اخوي الغالي غزل ببتسامه : تحبين فيصل رغم الي سواه لج حنين ببتسامه: أي وعمري ماحقدت عليه لانه يعرف مصلحتي ياغزل وسوا الي يحس انه يفيد مصلحتي تركي : غزززززززززززززززل وينج غزل بخوف : ن ن نعم تركي وهو يفتح الغرفه: وينج يله فيصل ازعجنا يقول جيبو مرتي ولا رحت لها فوق حنين تضحك :ترا يسويها فيصل ههههههههههههاي وجرت يد غزل بقوه يله نزلي ولاتبينه يرقالج غزل وجها احمر وقلبها نبضاته تدق بسرعه حست ان قلبها بيطلع من كثر ماينبض دخلتها حنين وشافت فيصل الي اول ماشاف غزل وقف على طول حنين دخلتها عند الباب وطلعت بسرعه غزل صنمت مكانها ولاقدرت رجولها تشيلها ولاتتحرك فيصل وهو يطالعها من فوق لتحت (كانت اول مره تلبس فستان مكسي ومخصر على جسمها الناعم ومزينه الشوارافسكي من تحت الصدر وكان لون الفستان منجاوي وشعرها البني خلته طايح لانه صار طويل وطلعت جنان و مكياجها وردي ناعم والروج البمبي على شفتها الحلوه ) اويلاااااااااااااااا وش هالزين وش ناويه علي اليوم غزل مازالت منزله عيونها ومتصنمه بمكانها :0000000 قرب فيصل منها صافحها وهمس لها مبروك ياغزل غزل وصوتها ياله يطلع: اااالله يبارك ف فيك مسك يدها وجلسها يمه شاف الحلق وابتسم بخبث: تصدقين من اول ماشفته بالمحل وقلت هذا صنع عشان يصير بأذنج رفعت غزل راسها وطالعت بعيونه الي فيها بريق الحب يشع : شنو فيصل وهو يلمس الحلق الي بذنها : هذا ماصنعوه الا عشان يصير حلق بذنج غزل ضحكة على حركته: هههههههههههاي فيصل وهو يطالع بعيونها العسليه : دوم هالضحكه غزل بسحى : وياك مسك فيصل يدها وطلع خاتم كان روعه شنو روعه كان جنان حتى جنان قليله بحقه وفيه ماسه كبيره على شكل قلب طلعه ولبسه بمكانه المناسب يدها كان الخاتم بيدها ولااحلى باس يدها وقالها : وتراه قليل بحقج ابتسمة غزل وبهمس: مشكور يافيصل والمفروض ماكلفت على عمرك مابينا هالرسميات فيصل وهو يطالعها: شنو رسميات المفروض اشترليج مو خاتم الا طقم الماس يالغاليه بس ابتسمة غزل :لو شنو ماجبت صدقني راح يكون غالي على قلبي وماهمني حجم الهديه كثرماهمني صاحبها ابتسم فيصل لغزل وعرف انه مااخطى بختياره وانه اسعد رجل بالعالم بوجود غزل بحياته وحس ان عقلها اكبر من عمرها جلسو سوالف وضحك وقبل لاتطلع عطاها فيصل رقمه وشدد عليها تكلمه طلعت من عند فيصل ببتسامه ارتسمة على شفاها وكانت ملامح غزل كلها توحي بالسعاده انسدحت على سريرها وجلست تتذكر ملامح فيصل ووسامته كان محلو عيونه ذوبتها ابتسامته ورزته كل شي فيه حلو تنهدت وهي تحس بقلبها ينبض بحب جديد وحياه جديده شافت الخاتم المعلق بصبعها هذا رمز الحب الجديد ابتسمة وغمضت عيونها بكل هدؤ وهي تسمع للاغنيه ********* مابــي جــرح ولا ابــي خـــوف ولا احــزان .. ابـــي مــوقف ابــي كلمــه تــهز اوطـــان دخـــيل اللــه دخــيل اللــه ابـــي انســـان واذا فــي يــوم انــا نــاديــت يحــس فينــي قــبل لاشــكي يــواسيـني قبــل لبــكي ومــن قلــب اذا حــنيت الاقـــي بــداخلــه احظـــان دخـــيل اللــه .. دخــــيل اللـــه ابـــي انســــان .. قامت بسرعه وجلست ترتب نفسها وشكلها اول مره تهتم بمنظرها لها فتره ماتهتم بنفسها بس هالمره تحس ان في شخص يهتم لها ويطالعها ولازم تكون باحلى طله ابتسمة وهي تخط الكحله بعيونها وراحت للمستشفى وهي تحمل القرار النهائى لشافي ابتسم لما شافها تدخل المستشفى حس بقلبه الى دق اول ماشافها بس كان متوتر وخايف ولا يدري شنو قرارها حبت تتظاهر انها مانتبهت لوجوده بس كانت عيونها تسرق النظر له ابتسمة حبت تزيد توتره بس ماتدري يمكن تزيد من توترها دخلت لغرفة اخوها تتطمن عليه وقالتله عن خطبة شافي لها حبت تسمع رايه بس هي عارفه انها مارح تلاقي جواب من اخوها ابتسمة بحزن وباست راسه انشالله تكون راضي يالغالي تمنت تشوفه يتحرك بس للأسف مامن مجيب سكتت لما حست بخطواته تقترب منها التفتت لما سمعت صوته يناديها شافي : بشاير بشاير : هلا شافي : شخبارج بشاير : تمام وانت شافي : بخير طيب تبين نتكلم هنا ولا بشاير وهي تشوف اخوها : نتكلم هنا احسن جلس شافي على الكرسي قبال بشاير الي كانت جالسه على طرف السرير : شنو قرارج بشاير بتردد: م م موافقه شافي حس بالفرح يطلع من عيونه وكان وده يصرخ باعلى صوته من الفرحه : انشالله يابشاير مارح تندمين على قرارج وصدقيني راح احطج بعيوني يالغاليه بشاير وهي تقاطعه: بس بشرط شافي الخوف معلق بعيونه: شنو الشرط بشاير : انك تعيش بيتنا لان مافيه الا انا وامي ومااقدر اخليها بروحها واخوي ماابي انقطع عن زيارته ابتسم شافي كل ماله يتعلق بشاير لما يشوفها متعلقه بامها واخوها : من عيوني وانا موافق اصلا ً انا امي ميته وعندي اختي المتزوجه وعايشه معي انا وابي في بيتنا هي وزوجها ولو ماطلبتي هالطلب كان انا قلتلج ابتسمة بشاير براحه : الله يخليهم لك شافي : اجل انشالله اجيب الملاج اليوم بشاير وهي تتنهد وطالع ياسر: انشالله بس كان ودي ياسر يكون بينا وسط هالفرحه شافي وهو يهديها : انشالله يقوم لنا بالسلامه يالغاليه بس انتي لاتكدرين خاطرج تلاقت عيونهم بعض وحست ان الحياه تفتح لها ابواب حلوه ماتدري وش مخبي لها شافي بس كل الي تحس فيه انها حبته وصارت متيمه بهواه شهامته اخلاقه طيبته كلها تخلي الواحد يحبه ومثل مايقولن الحب مايستأذن ويدخل القلب بسرعة البرق &&&&&&&&&&&&&& &&&&&&& &&& شد على يدها بقوه وببتسامه : شرايج بالبحر غزول غزل بسحى استغربت موافقت ابوها انها تطلع مع فيصل وتروح وتجي لانهم راح يطولون لين يتزوجون عشان كذا قرر فيصل وابو عبدالرحمن ان فيصل يطلع مع غزل ويكلمها لانه زوجته على سنة الله ورسوله : اه يجنن شوف كيف يزبد وكيف يطلع شكله حلو بنهايه فيصل وهو يطالع البحر : البحر ملك هموم البشر كلهم الكل يجي ويشتكي عنده وبعدها يخليه محد فكر يسمع شكاوي البحر البحر صار لنا مثل المفر نلجى له اذا مالقينا من يسمعنا غزل ببتسامه : كلامك صحيح طالعت البحر الي ياما كان لها ملجئ طالعت فيه وكلها امتنان اه يالبحر يمكن مافيه احد يعرفك كثر ماعرفتك احلامي الي رسمتها معك صارت غريقه لك سفينه حبيت اطلقها لكن غرقت قبل لاتوصل لمرساها بس ارسلتيلي سفينه ولااحلى كلها حب وحنان احتوتني وسط حظنها الدافئ فيصل وهو يشوفها وهي سرحانه: حبيبتي بشنو سرحتي غزل : هاه ولا شي فيصل وهو يجلس على الرمل : تعالي يمي جلست غزل يمه ومسك يدها وهويطالع الخاتم الي زاد حلاه يوم تعلق بصبعها : اوعدج غزل اني مارح ازعلج اوعدج ياغزل اني راح اقدر انسيج سعود صحيح كنتي تبنين امالج مع سعود وحزنتي يوم مات وهو توه خاطبج بس صدقيني محد يدري وين النصيب ماتوقعت اطلق امال توقعت اعيش العمر معها غزل من اسمعت اسمها حست بنار بصدرها ماتدري شنو يمكن نار الغيره بس من اول ماشفتج وتعلقت عيوني بعيونج وانا مااافكر الا فيج الي زاد تعلقي فيج يوم ملكة حنين وعبدالرحمن غزل وجها صار احمر تذكرت الموقف تذكرت كيف شكلها وكيف طاحت فيصل وهو يبتسم بخبث : من ذيك اللحظه وانا مقرر انج لي وبس غزل : يعني ماتعلقت الا يوم طحت فيصل يضحك: هههههههههههههههههاي أي بس الي زادني تعلق عيونج الحلوه صارت لغتهم لغة العيون غزل اطالع بفيصل وفيصل يطالع فيها تشوف كيف نسمات الهواء تلعب بشعره تشوف فيصل الي صار ينبض وسط قلبها اما فيصل كان مبسوط وهو يشوف لمسة الحزن بعيون غزل تتلاشى يوم عن يوم وكل مالها تزيد جمال وحياه قطع عليهم حبل افكارهم صوت بطونهم الي صارت تصيح من الجوع انفجرو ضحك وبعدها طلعوا عشان يتغدون بالسياره *** اول ماركبوا غزل وفيصل السياره حب فيصل يحط جو رومانسي شغل المسجل وكانت اغنية عبدالمجيد عبدالله .. عسى ربّي يخليك لعيوني وعسى ربّي يخليني لعيونك حبيبي دنيتك صعبه بدوني ولاشي دنيتي تسوى بدونك أنا مغرم يا غالي فيك وأدعي ربّي يخليك إذا عني بعد بيجن جنوني لأنّك صرت أغلى من عيوني عسى ربي يهنيني بغرامك ولا يحرمني من رقة كلامك يا أغلى إنسان أنا عندي يا حزني وفرحتي وسعدي أخاف النّاس عنك يبعدوني حبيبي صرت أغلى من عيوني حبيبي فيك راضني زماني لغيرك ما يطاوعني حناني سكن حبّك في وجداني تعوّض فيك حرماني غرامك غيّر إحساسي ولوني حبيب الروح يا أغلى من عيوني التفت فيصل على غزل ومسك ايدها وقال هذي الاغنيه اهداء مني لج وقعد يغني مع الاغنيه وغزل تضحك ... &&&&&&&&&&&&&& &&&&& طالعت بشكلها وكيف طالعه حلوه رغم ضعفها بس فيها لمسة من الجمال الناعم حست انها صارت تشبه ياسر والفرق الوحيد لون البشره ابتسمة بحزن اه ياسر من كثر ماصرت افكر فيك واجلس يمك صرت اشبهلك تك تك تك تك<<<<< طق الباب ام ياسر : بشوره يله خلصتي عشان تنزلين تحت بشاير والخوف يدب بجسمها: أي يمه خلصت مسكتها امها وجلست تقرا عليها وتهدي خوفها شوي الفرحه تتراقص بعيون ام ياسر يأست توقعت انها عمرها مارح تشوف بشاير متزوجه والسبب حالتهم حست ان ربي استجاب كل دعواتها دخلتها لشافي الي كان ينتظر بكل شوق ولهفه اول مره راح يشوفها بهالجمال الصارخ بس هو راضي فيها مهما كانت حلوه ولا شينه اهم شي انه حب الانسانه الحبوبه والطيبه والباره حس بملاك داخل عليه وقف بسرعه وهو يطالع فيها عرف انها بشاير من عيونهاالي تلمع خوف وحب ابتسم لها وقرب عشان يجلسها يمه : مبروك ياعروسه بشاير كانت تمشي بهدؤ والخوف بين خطواتها اما شافي كان يطالع بجسمها على الفستان الاحمر والمخصر كانها حوريه جلست يمه وبتردد: الله يبارك فيك شافي : اخبارج بشاير وهي منزله عيونه: ت تمام و انت شافي بحنان : دامني معج انا بخير رفع راسها بيده الدافئه لين تلاقت عيونهم شافي: للحين على قرارج ان العرس عائلي بشاير : أي ياشافي بس قطع عليها كلامها شافي: عمري انا ابي الكويت كلها تتكلم عن عرسج تستاهلين وهذا قليل بحقج ابتسمة بشاير وعيونها تلمع بالدموع: تسلم يالغالي وصدقني ماتهمني الشكليات كثر ماهمني قلبك شافي وهو يأشر على قلبه: من اول ماشفتج وانتي سارقته ابتسمة بشاير : جعله دوم ههههاي شافي : دوم هالضحكه يالغاليه بشاير : وياك طلع شافي طقم ذهب دقته روعه شكله غريب مداخل مع الاحجار الكريمه طلع السلسال عشان يلبسها رفعت بشاير شعرها وصار يلبسها وبعدها لبسها الخاتم 00وقال وربي اني احبج بشاير هالكلمه من اول ماسمعتها وهي تحس انها ملكة الدنيا من الجديد الدنيا ابتسمة لها الدنيا عوضتها على كل شي صارلها ابتسمة وهي تحس بدموعها تنزل من اول ماسمعت هالكلمه .. بشاير :: شافي .. شافي : لبيــه .. بشاير : ممكن اسأل سؤال !! شافي : تفضلي ياالغلا كله .. بشاير بتردد : ليش تحبني ؟؟ شافي استغرب من السؤال وعطاها اجابه على قد السؤال ويمكن توفي مدى حبه لها لانه حبه لبشاير بالنسبه له مايوصف .. شافي وهو مبتسم : كذا من ربي حبيتج .. شافته بشاير بنظرة دلع : الله يدوم المحبه بينا .. شافي : امين يانظر عيني ... ****** ..كذا من ربي حبيته .. بسرعه يوم لاقيته.. ..ياناس الي تمنيته اخيراً صار محبوبي .. ..فهمته وهو فاهمني قبل حتى يكلمني .. ..لقيت الي ينادمني ودوبي هبت به دوبي .. ..حبيبي وشمعة ايامي هناي وكل احلامي .. ..سكن في عيوني الثنتين وين ماروح قدامي .. ..امير الذوق والرقه ولو يتباهى من حقه .. ..واذا جا للحلا والزين حبيبي ماخذن حقه .. ..كذا من ربي حبيته .. بسرعه يوم لاقيته .. ..ياناس الي تمنيته اخيراً صار محبوبي .. ******** بشاير بكل هدؤ جربت طعم الحب وعرفت كيف المعاناه الي عاشها اخوها بكت بحرقه لانها ضلمته وضلمت حنين بس لما عرفت الحب عرفت الغيره وعرفت طعم الفراق وعرفت لوعة الحب صاربينها و بين شافي مكالمات تنهدت بقوه بشاير لانها صارت تغوص بحبه يوم عن يوم طالعت بـأخوها وبكل حزن لو بيدي شي كان سويته ياخوي يمكن كان رحت لحنين وعلمتها عن الحادث عشان تتطلق وترجعلك بس ماقدرت لانها بتعيش يمك بروحها يمكن اهلها ينبذونها يمكن تتعذب اكثر من ماتتعذب الحين حنين طيبه وتستاهل كل خير اه ياخوي كلن يجرب الحب ويذوقه بكل مافيه &&&&&&&&&&&&&&&&&&& &&&&&&&&& هاهي سفينة الايام تسير افرحت القليل واحزنت الكثير فرقت كل عاشق هيمان وجمعت بعض العشاق وتوجت عشقهم بأطهر حب وانقى حب على وجه الارض .. كتبنا حزننا على الرمال لعلى الرياح تأخذه معها وتنسينا الحزن وسطرنا فرحنا القليل وحفرناه على الصخر ليبقى اجمل ذكرى نتذكره ونبتسم عندما نتذكر اجمل المواقف التي حصلت انذاك تمر الشهور وتجري السنين ولا ننسى من حفر بقلوبنا حبه فاالانسان الطيب لا ينسى ابداً ودائماً يذكر بطيبه وحسنه وهذا اجمل شيء يتركه الانسان بصمةً له بعكس ذلك الانسان الذي يبغض من حوله فيه ودائماً ماناراه غاضب ولا يحب الا نفسه فأشكال هؤلاء نفرح بفراقهم وسرعان ماننساهم لانهم لم يذكرو انفسهم بأجمل الذكريات والاخلاق الحسنه وهاهي الدنيا تقسو علينا تاره وتارةً نراها تسير على هوانا نسبها ونشتمها اذا اغضبتنا ونرجع ونتأسف لها اذا رأيناها تبتسم لنا هاهو حالنا يابني ادم نريد كل شيء على هوانا وعلى مانشتهي صفحاتنا تشتكي من همومنا والامنا وتريد ان ترى قلم الفرح ولكن نريد ان تكتمل الفرحه بلقاء الاحبه .. ولكن كيف نلتقي بهم ولقد حكمة علينا محكمة الدنيا بالفراق ونفذ الحكم الموت وطبقه على احبابنا فكم اشتقنا لهم شوق الصحراء القاحله لقطرات المطر العذبه .. ليس الموت فقط من تسلل الى اروح احبائنا ايضاً العادات والتقاليد هي التي تتحكم بنا وتقف كالجدار القوي بيننا وتصرخ بأعلى صوت معلنةٌ للفراق الابدي دون كلل ولا ملل من الصراخ الذي حطمنا وحطم امالنا فرقنا وشتت احبابنا الان هم على قيد الحياه ولكن شبه اموات ؟؟ حكمة علينا عادتنا وحكم الموت علينا وحكمة الدنيا علينا وكلها يتحكم بها الخالق عزوجل فمابيدنا حيله الا ان نكمل طريق حياتنا محاولين ان نضيف لها بعضاً من الفرح والسعاده والروح المرحه تاركين الماضي المرير والقاسي على قلوبنا ونأخذ اجمل الذكريات التى لن ننساها ماحيينا فهي ذكريات حب الطفوله الحب النقي الطاهر والبريء فمااجملها ومااجمل محبوبي الذي رحل عني منذ ذالك اليوم وانا لم اسمع بخبره ولكن هذا ماطلبته منه ونفذ رغبتي و لو رجع لي الزمان لقلت له لاتبتعد عني لحظه واحده .. يقف بوجه قلبي العقل ويعذبني هذا العقل الذي يؤنبني كثيراً عندما اتذكر ان هناك شخصاً متيماً بهواي ويفرح اذا فرحة ويحزن اذا حزنت فأه منك ايها القلب واه منك ايها العقل كلاكما جزء مني فالنفرح ولنعيش ونردد ونقول الدنيا حلوه لعلها تسمعنا وتسمع نغماتنا وتملأ ايامنا بالسعاده وتبعد شبح الموت عن احبابنا فكم عذبني والامني فراقه جعل الحزن عنواني والدموع والاهات موضوعي فياليت هذه الكلمه تنفع لقلتها بأعلى صوتي ياليتك الان هنا ايها الحبيب هنا بجانبي نضحك سويا ونلعب كالاطفال وبرائتهم ليتك تراني كيف حالي من بعد فراقك هزيله وانطوائيه ولا اريد رجلاً من بعدك ولا حب من بعد حبك يأست من الحياه وانا في زهور عمري .. فكم اعشقك واهواك فأمثالك من الرجال في هذه الدنيا نادر اعلم انك تحبني وتهواني فكم قلبك حنون علي لقد ابيت ورفضت ان اعيش هكذا رفضت حتى ان اعيش على ذكراك ارسلت الي طيفك وفرحت به فرحاً لايوصف حسبته انت ولكنه فاجأني عندما رحل مرةً اخرى اتاني ليقول لي عيشي حياتكي من بعدي فأنا لن اعود مرةً اخرى ولكني سوف افرح ان رايتكي ياحبيبتي فرحه وسعيده في حياتك فأرجوكي ابعدي نظرة الحزن منكي فأن عيناكي جميله ونظرة السعاده تزيدها جمال .. من بعدها رحلة عني بعيداً ولم اراك مرةً اخرى واخذت وعداً ان افرح من اجل ان افرحك ياحبيبي وها انا الان اسطر اجمل كلمات الحب والعشق واسمعها من هذا العاشق والمتيم بهواي .. ايتها الدنيا اريد ان اسألكي اسأله عديده احترت في اجابتها اعلم انكي لم ولن تجيبي ولكن اريد فقط ان ارمي بتلك الاسأله التي اتعبتني وارهقتني وانتي الوحيده التي عندها الاجابه ولكنك ابيتي ان تجيبي .. فأريد منكي فقط الانصات ولا اريدكي ان تقاطعيني ارجوكي .. لماذا ايتها الدنيا تتلذذين بالفراق ؟؟ لماذا تفرحين عندما ترين دموعنا وحسراتنا ؟؟ لماذا تعشقين ان تسمعي صرخات واهات احبابنا ؟؟ لماذا ترتدين ثوب الفرح عندما نفقد شخص عزيز على قلوبنا ؟؟ لماذا تسعديننا ولاتكملين فرحتنا وتنهينها بالتعاسه والحزن ؟؟ لماذا تعذبين من اخلص لكي وعاش لكي يفرح ويكمل حياته مع من احب ؟؟ لماذا نرى الدموع كثيره والابتسامات قليله وفيها لمحة من الحزن ؟ لماذا الحزن موجود والتعاسه باقيه والفراق مكتوب ؟؟ اعلم ان اسألتي محيره واعلم ان جوابكي هو انها هذه سنة الحياه فيها الفرح والحزن وفيها الفراق والموت وفيها حياة جديده نبنياه بأنفسنا اصعب الفراق هو ذاك الفراق الذي يكون محبوبنا موجود بجانبنا ولكن لانستطيع الذهاب له خوفاً من ان نفتح الجروح التي تعبنا ونحن نلملمها ونطببها ونجرح قلوبنا بأنفسنا وتنزف ويصبح ذاك النزيف دائم لانستطيع ايقافه .. ولكن سوف ابتسم رغم الامي وسوف افرح رغم احزاني لكي لا احطم قلوب اناساً اخرى تعشقني وتريد ان تكمل طريق حياتها معي لا اريد الكثره من تحطيم القلوب ولا اريد ان اجرح واعذب .. يكفي ان قلوبنا تحطمت ويكفي ان جروحنا الا الان نطببها ويكفي العذاب الذي عشناه .. فأرجوكي ايتها الدنيا اعطفي علي لا حباً لي ولكن من اجل غيري لكي افرحهم مثل ما ادخلو بقلبي الفرح بعد ما كان فارغ منه فسوف اعيش من اجلهم وابني حياة جديده تاركه الهم والحزن والتعاسه جانباً ناسيه تلك السنوات الجميله والاليمه في نفس الوقت .. سوف افتح صفحات جديده واملأها سعاده وحب والقي بتلك الصفحات من اعلى الجبال لكي تأخذها الرياح الى ابعد الاماكن ونحتفظ بأجمل الذكريات .. مرة ايام وشهور سنين بسرعة البرق ومع كل سنه نفتح صفحه جديده ونترك الصفحات الاليمه .. &&&&&&&&&&&&&& بعد مرور اربع سنوات .. تعالي وين رايحه ياحياتي تعالي نحكي للبحر قصة حبنا تعالي ياحنين تعالي لاتروحين .. تعااااااااااااااااااالي .. بشاير ودموع الفرح مغرقه وجها : ياسر ياحبيبي الحمدالله على سلامتك الحمدالله على سلامتك ياحبيبي .. وقامت تضمه وتبوسه وهو مايدري شنو الي حصل ولا يدري وينه فيه .. ياسر بتعب : بشاير وين حنين وانا وين شنو الي حاصل انا شنو فيني ؟؟ بشاير بقلبها ياويلي عليك يااخوي عقب هالسنين كلها وانت للحين مو ناسيها وقمت من غيبوبتك وانت تنطق اسمها .. اه بس .. ياسر وبصوت متقطع : بشاير وين رحتي شنو فيج انا قاعد اكلمج .. بشاير وهي قايمه تصلح السرير لياسر عشان يقعد زين ياسر وهو منصدم : بشاير شنو هذا شنو مسويه وشنو الي حصل لج بشاير ببتسامه : راح تعرف كل شي يالغالي بس شوي شوي على نفسك ترى غيبوبتك كانت طويله بالحيل .. ياسر بتفاجىء : غيبوبه !!! بشاير : ايه ياالغالي غيبوبه ..بس خلاص كفايه كلام خلني اروح انادي الدكتور واجيك .. راحة بشاير تنادي الدكتور والفرحه مو سايعتها ودموع الفرح ماجفت حست انها اليوم بقمة السعاده .. تركت ياسر بدوامه من الاسأله المحيره شلي غير بشاير وشلي صار فيه وشلي حصل مع حنين وليش هو بالمستشفى وشنو حصل طوال هالسنين الي ماكان عايشها ؟؟؟ ام ياسر وهي تبكي : الحمدالله يارب الحمدالله بشاير راح اجي الحين مااقدر اصبر ابي اشوفه بشاير وهي تهديها : يمه ياحياتي خلاص انا دقيت عليج عشان ابشرج وانتي الحين ارتاحي وانشالله راح نجي انا وياسر مع بعض ام ياسر ودموعها تزيد: لالامااقدر انا بجي الحين بشاير وهي تمسح دموعها : بس يمه م وتوها بتكمل كلامها الا وتسمع طوط طوط طوط سكرت امها التلفون وصارت تركض بالبيت حست بالحياه ترد لروحها فتحت غرفة ياسر وطالعتها ابتسمة عن قريب راح يجي صاحبها وينيرها بوجوده فيها صاحبها الي ضنت انه مارح يرد لها ابداً رد وفتح عيونه لحياته الجديده ابتسمة والغصه بحلقها ماتدري شنو سببها بس كل الي يهمها الحين ان ولدها وحبيبها رد للحياه وبس راحت تسجد لله شكر وهي تبكي على كل لحظه عاشتها وياسر مو معها دعت الله ان يطول بعمرها وتشوف ياسر وعياله ولاتنحرم منهم خذت لياسر كذا بدله بعدها ضحكة ماتدري بس الي تعرفه ان اربعه سنين كفيله بتغير حجم ياسر خذت كل الي يحبه ياسر وطلعت تلبس عباتها وراحت للمستشفى وعيونها تلمع بالدموع الي ماوقفت من سمعت الخبر بشاير وهي ماسكه يد شافي: تعال بسرعه ياسر قام قام شافي وهي يضحك : الحمدالله ياحياتي بس شوي شوي على نفسج تراج حامل ياقلبي بشاير وهي تبكي : احس الارض مو سايعتني ماصدقت اشوف عيونه مره ثانيه حسيت بالحياه ترد لروحي شافي ببتسامه : دام عنده ناس تحبه اكيد راح يرد للحياه والحين خلينا ندخل ونشوفه ياسر وهو يطالع بشافي وبشاير الي كانوا متماسكين : شلي يصير فهموني منو انت بشاير منو هذا وليش ماسكته شافي : الحمدالله على سلامتك ياياسر بشاير وهي تشاهق من البكي : ياسر هذا شافي زوجي وهو المسؤل عن حالتك ياسر بستغراب: زوجك ومتى تزوجتي وشلي صار لي قطع عليهم كلامهم دخول ام ياسر الي كانت تلولش وتحمد ربها دخلت بسرعه وضمت ياسر بقوه وهي تبكي بحظنه كانها طفل صغير ام ياسر : اشتقتلك يالغالي اشتقتلك والحمدالله الي ردك لنا يالغالي ياسر ودمعه تنساب على وجه ويبوس راس امه: الله يسلمج يالغاليه بس شلي صار لي بشاير وهي تقرب من ياسر : ياسر انا راح احكيلك السالفه كلها من اولها لي اخرها ابتسم لها ياسر وحس انه راح يطلع من هالحيره الي قتلته والخوف الي دب بجسمه &&&&&&&&&&&&&&&&& &&&&&&& &&& بيت ابو عبدالرحمن *** الكل كان مجتمع بالصاله *** ابو عبدالرحمن ببتسامه: والله وكبرتوا ياعيالي ماعدا دكتورنا متى ناوي يعرس ام عبدالرحمن وهي طالعه: انشالله عن قريب بتفرح فيه علي يضحك: ههههههههههاي لاحول الحين راد ومعي الشهاده وابي ارتاح تروحون تزوجوني لا ماابي اتزوج ابي احلل شهادتي وانا عزابي بعدين افكر تركي وهو يطالع بدلال: من ناحيتي مازلت انصح بالعرس بصراحه العرس شي حلو محد يعرفه الا العاشقين علي يضحك: تكلم المتنبي هههههههههههههاي اقول اسكت ولايكثر دلال : والله وتكبرت علينا يعني خذيت الدكتوراه تشوف خشتك علينا لنا الله هههههههههاي حنين وهي تجلس ولدها ناصر يمها: علي من الحين اقولك زواجك على ايدي وانتهى الموضوع علي : اذا من عندج انا راضي بالي تجيبينه لي عبدالرحمن : بس مافي شي بلاش يعني لها تعبها هي تدورلك على مره يعني هذا تعبها لازم تعطيها حقها ولا حنين وهي تشوف علي: ماعليك منه بشتغلك ببلاش عبدالرحمن بنظرات تحدي : لا علي ومافيه طلعه ولارح تزوجينه الا اذا بيعطيج حقج دلال+ تركي : ههههههههههههههههههههههههههههههههههاي عبدالرحمن + حنين : يالله لك الحمد اما انتو هذا الي فالحين فيه مغير فاتحين الكلخ الكل : هههههههههههههههههههههههاي ابو عبدالرحمن : تعال ياسوري تعال ياسر الصغير عمره 2 وناصر عمره 3 عيال حنين وعبدالرحمن وقعد ياسر يبكي وراح لحظن امه على طول دلال : وععععععععععععع دلوع امه تركي : الا دجاجة امه دلال وتركي: هههههههههههههههههههههاي عبدالرحمن : هههه ياسخفكم وبس حنين تبتسم وهي تبوس ياسر: أي حبايبي اذا مادلعت ياسر منو ادلع فديته وبس علي : طيب وناصر المسكين مو دلوع عبدالرحمن : لانصوري دلوعي انا حنين وهي تشيل ياسر وتمسك ناصر بيدها : يله انا بروح اعشي عيالي وانومهم &&&&&&&&&&&&&&&&&& &&&&&&&& &&&& بيت ابو فيصل*** جالسه على التسريحه وطالع وبوجها المليان والي امتلى زياده وكيف تغير شكلها ابتسمة وشافت بطنها المنتفخ لمست بطنها اه حياه جديده تنبض بداخلي حياه راح تغير مسار حياتي للأبد حياه راح اعيشها وهو بين احظاني ماحست الا الي يحتضنها ويقرب راسه يم راسها وبهمس: الحلو بشنو مسرح غزل ببتسامه وايدها على بطنها : بالنونو الجديد فيصل وهو يقرب اذنه لبطنه: طيب خليني اسمع شيقول غزل وهي تضحك: شنو يقول ياليت يقول ماغير مزعجني باليل بالرفس ومايخليني ارتاح فيصل وهو يبوس ايدها : خليه يطلع اما سنعته لج وخليته مايزعجج غزل وهي تضحك: لالا خليه لاتسنعه ابيه بكل مافيه بحلوه وشينه فيصل وهو يقومها: يله خلينا نجلس مع امي وابوي فيصل+غزل : السلام عليكم ابوفيصل وام فيصل: وعليكم السلام ابوفيصل : تعالي يالغاليه يمي غزل ببتسامه وتبوس راسه وراس ام فيصل: هلابكم فيصل : يمه وين نواف ام عبدالرحمن : بعد شوي راح يجي تعرف توه معطل من الجامعه وراح يفتر مع ربعه غزل تضحك: هههههههههههاي ياحليله امس انا وياه سهرانين مت من الضحك عليه ام عبدالرحمن : وش الي مسهركم غزل : والله امس فيصل مارد من الشغل الا متاخر وقلت انطره بالصاله الاواشوف نواف عاد قعدت اسولف معه مشالله عليه بجد دكتور العائله تفكيره اكبر منه وسوالفه وكل شي فيه مشالله عليه احس وحبت تبلع الكلمه الي بغت تقولها ( كانت بتقول احسه مثل سعود ) ام فيصل تضحك : ههههههههههاي من زمان ونواف مشالله عليه سوالفه اكبر منه الله يخليه انشالله واشوفه معرس ابو فيصل : امين فيصل : يعني انا شنو دوري طيب غزل وهي تشوفه: انت شنو انت كل شي حلوه بهالحياه انت مافي مثلك احد عسى ربي يخليك لي ولولدك ولعين ترجيك ياقلبي فيصل وهو يبوسها بالهوا: فديت روحج اجل انتي شنو انتي هواي الي اتنفسه ابوفيصل وام فيصل: ههههههههههههههههاي كان مانزلتو علينا وجلستوا بغرفتكم تتغزلون بعض فيصل : لا عشان نعلمكم كيف غزل هالايام ..هههههههههههاي غزل وجها صار احمر : هههههههههههههههههههههههههاي ابوفيصل : جعل البسمه دوم على شفاهنا الكل : امين ام فيصل : ترا اليوم اهلج عازمينا اليوم غزل : أي بروح مع فيصل للمستشفى وبعدها بطلع لأهلي على طول ام فيصل: اجل نتقابل هناك انشالله &&&&&&&&&&&&&&&&&& ياسر وعيونه تلمع بالدمع: كل هذا صار يابشاير بشاير تبتسم : وهذا الدليل البيبي الي بطني ياسر وهي يبتسم وسط حزنه: مبروك يالغاليه وتستاهلين بشااير : الله يبارك فيك ياسر بتردد: بشاير بشاير : هلا ياسر وهو يهمس: وحنين وش اخبارها تنهدت بشاير : ماادري ياياسر من يوم كلمتها وقلتلها انك ماتبيها وانا مدري عن اخبارها ام ياسر وهي تلمس وجه ولدها: لازم تحلق ياياسر ولا خل بشاير تحلقك (كان وجها بين عليه التعب وشعر وجها كان كثير مره مرت فتره طويله وماكان فيه من يحلقه وعيونه تلمع بالحب المفقود) ياسر : عطوني مراي خلوني اشوف وجهي بشاير وهي تضحك: مو تختلع ههههههههه ياسر : ههههه ياسخفج عطيني ولايكثر بشاير وهي تمد المراي ومره تبعدها ومره تقربها ياسر بنفاذصبر: عطيني اياها بسرعه بشاير تضحك:ههههههههههههههاي الله يخليك لنا من زمان عن المشاكل ياسر : هههههههههههههاي طيب طيب عطيني الحين ياسروهو مختلع يمه شنو هذا كأني شايب ولا مجرم صج اخرع ام ياسر وبشاير : هههههههههههههههاي دخل عليهم شافي شافي: بشاير انتي وخالتي ممكن تفضون المكان وتخلوني استدعي الدعم الطبي عشان يشوفون حالة ياسر الحين ونكشف عليه بشاير وام ياسر : انشالله كان الغرفه تضج بالدكاتره والي طالع والي داخل وبعدها طلعوا بياسر عشان يسون اشعه كامله لجسمه والنتيجه طلعت ان ياسر سليم ومافيه أي شي بس مجرد انه مايقدر يمشي على طول لانه كان منسدح مايتحرك والعظام تعودت على عدم الحركه ولازم تمارين وعلاج طبيعي عشان يرجع يمشي مثل قبل واحسن بعد &&&&&&&&&&&&&&&&&& &&&&&&& && انسدحت حنين على السرير وهي طالع بولدها ياسر الي بحظنها وتحاول تنومه ياسر وهو يطالعها: ماما انا احبج حنين هالكلمه اثرت بقلبها كثير ضمته وباسته بقوه : وانا ااموت فيك ياياسر حست بالدمعه تنساب على خدها ماتدري شقد هالكلمه حركت مشاعرها وهزتها اه هالكلمه لها اثر بقلوبنا ناصر وهو يحاول يصعد السرير: ماما ساعديني حنين تضحك: ابشر ياقلبي يلااا هبااااا وصارت حنين محاصره بين ناصر وياسر وتضحك وتحس بطعم الحياه الحلوه الي تذوقها وسط عيالها اه هالشعور الحلو هالشعور الي يجتاحنا شعور الامومه انك تكونين ام ومسؤله شعور كبير وحمل لازم نحمله بكل مافينا من قوه ورغم صعوبة هالدور الا ان فيه حلاوه محد يعرفها الا الي يعيش هالدور ابتسمة وهي تشوف عيالها وسوالفهم رفعت راسها لسماء الله يطول بعمرهم ويسخرهم لي ولايحرمني منهم ناصر + ياسر : امين ضحكة من كل قلبها :هههههههههههههههههههاي ماصدقت ينامون عيالها وبسرعه نزلت تكمل الجلسه مع دلال وغزل والكل غزل وهي تقوم بتعب عشان تسلم على حنين: هلاوغلا حنين : هلابج يالبطه ههههههههههاي غزل وهي تضربها بخفه: نسينا ههههههاي راحت حنين وسلمت على امها : لامانسيت عسى الله مايحرمني منهم غزل وهي طالع دلال: مدري متى بعض الناس يفكر يصير مثلنا دلال وهي تتخصر: والله تركي عاجبه جسمي كذا ويقول لاتخربينه بالحمل لانا تونا صغار مو الحين بعدين لين ننضج شوي مايصير بزارين يجيبون بزارين مين يربي مين الكل : هههههههههههههههههههههاي حنين : بهاذي صدقتي عزالله انج اول مره تصدقين غزل : تراج قدي وهذا انا حامل وبالشهر السابع ولاقلت توني صغيره دلال بهمس: بس ابوه كبير وانا الله يخلف علي حنين وغزل ميتين ضحك:هههههههههههههههههههاي حلو الاعتراف بس يوصل عند تركي دلال تضحك: هههههههههههههههههههههاي قولو اصلاً مارح يصدقكم حنين : أي واضح كأني مااسمع صراخكم اخر اليل تخيلي ياغزول غزل : اتخيل شنو حنين: ذاك اليوم انا وعبدالرحمن مسوين جو رومانسي الا ونسمع صراخ تركي ودلال يتهاوشون على التلفزيون تركي يبي قناه وهي تبي قناه وصراخهم وصوت ركضهم بالغرفه اتوقع يلحقها عشان الريموت غزل :هههههههههههههههههههههههههههههههاي الله يعينكم اجل دامكم يمهم دلال تضحك: هههههههههههاي لا ذاك اليوم انا وياه جالسين وتهاوشنا يقولي لاتلبسين قصير قلت له ياخي عادي عند حريم قال لا كان اطق البوز واخذ مخدتي وبطانيتي يعني زعلانه واانام بالصاله مادريت الا الي ماخذ البطانيه والمخده ويقول هذي حقتي شاريها بفلوسي عاد قلت ماابيها وذبحبني البرد وابي ارد لسرير مادريت الا الي يقولي اذلفي برا وعاد انا عنيده وقلت بنام وش بتسوي ويله شوفي المطاق انا وياه على السرير حنين وغزل :هههههههههههههههههاي وربي بزارين بقوه دلال تبتسم :بس فديت قلبه والله وربي احس نفسي بدونه ولاشي احب كل شي مشاكلنا ضحكنا خبالانا كل شي احبه غزل : من ناحيتي احس بالحياه تنبض بكل عرق فيني بجد الحب شي حلو للي يقدرونه ويعرفونه عدل حنين : ياسر وناصر وابوهم من دونهم احس نفسي ضايعه هم صارو من اساسيات حياتي يكفي لما اشوفهم يبتسمون احس الدنيا تبتسم لي يكفي انهم صارو قطه من جوفي حبي لهم خلاني اضحي بكل شي عشانهم احبهم بكل ماتعنيها هالكلمه غزل : الا صدق وين عيالج فديت روحهم حنين : نايمين ابي ارتاح منهم شوي دلال : حرام عليج والله انهم محترمين ومغير ياسر وهو الي ياكثر بكاه حنين : أي لانه مايحبج ولو يحبج مثل ناصر كان ياحلاته ويازينه دلال تضحك: ههههههههههاي اكيد غزل راح تفكيرها مع ايام ولادة حنين لياسر لما كانت تبكي واصرت انها تسميه ياسر الكل استغرب الاسم بس حنين قالت لانه على وزن ناصر بعدها اقتنع عبدالرحمن ورضى بهالاسم اما فيصل الي عصب وكان راح يتهاوش مع حنين بس غزل كلمته بهدؤ وفهمته ان حنين نست ياسر والاسم عاجبها ومو قصد انها عليه وحاولت ترقع الموضوع لين اقتنع فيصل غزل كانت عارفه ان حنين مسميه ولدها على ياسر حبيبها وتعلقها الشديد فيه يدل على انها حبت تحط رمز لحبها بياسر وشي تتذكره فيه حبت تنطق اسمه كل يوم ومافي الا انها تسمي ولدها بهالاسم حنين : هيه وين رحتي سرحتي بفصووووووووووول غزل : هاه دلال وحنين : هههههههههههههههههههاي روحي لفصول ام فيصل طلعت وانتي حاطه ايدج على خدج غزل تضحك وهي تاخذ عباتها: ههههههههاي يله بس خلني اروح اشوفه بصراحه اشتقت له &&&&&&&&&&&&&&&&&&& &&&&&&&&& && مر اسبوعين على هالاحداث ياسر طلع احسن من اول بكثير بدا يتعالج وصار يقدر يمشي زين وصحته زينه وكل شي في ياسر طيب الا قلبه مازال ينزف من الداخل على فقدان شي كان كل حياته جرح وعلاجه هو عيون الغاليه علاجه انفاسها علاجه حظنها الدافئ علاجه وجودها بحياته ودايم يفكر فيها في كل لحظه وكل ثانيه عمر حنين ماغبت عن باله او فكر بس تفكير انه ينساها .. ام ياسر : ياسر ياسر : لبيه ام ياسر : لبيت في مكه انشالله .. بغيت افاتحك بموضوع ياسر : تفضلي ام ياسر : ياولدي الدنيا تغيرت والناس تغيرت وكلن عاش دنياه الا انت عايش على سراب ومدري متى بتنسى ومافيه الا حل واحد ياسر وهو ماله خلق لهاالموضوع الي يتكرر عليه من امه وبشاير : طيب وشنو الحل ؟ ام ياسر : انك تتزوج وتشوف نصيبك وتعيش حياتك ولاتحرم نفسك من العيال ولا تحرمنا منهم ياسر وهو يصارخ : لااااااااااااااااااا يمه لاااااااااااااااااا زواج لااااااااااا حب من بعد حنين لاااااا عشق من غير حنين لااااااا اسلم قلبي لغيرها لا مااقدر لا مااقدر يمه انا اهواها اعشقها وراضي بعيشتي على ذكراها ام ياسر والدموع ماليه عينها : ولي متى ياولدي بتقعد على هالحال متى بتنساها وتعيش حياتك ؟؟ ياسر وهو يناظر امه نظرة العاشق والمحروم : اذا نسى الموت الناس ذيك الساعه نسيت حنين ام ياسر بيأس : يعني مستحيل تنساها ياسر : ايه يمه مستحيل انساها واكذب عليج اذا في يوم قلتلج بنساها ام ياسر : الله يكون بعونك ويصبرك ياولدي مدري ليش تجيب التعب والشقا لنفسك ياسر حب يغير الموضوع والجو شوي : يمه خلاص تكفين وربي راضي بحياتي والي كتبه ربي لي خلاص يمه تكفين انسي موضوعي انا عاجبتني عيشتي كذا يمه كفايه محروم منها تبين تحرميني بعد من ذكراها ؟؟ يمه طلبتج لاتكدرين عمرج تراني عايش ومرتاح بعيشتي كذا ام ياسر : اه ياولدي حكمة على نفسك تعيش كذا وغيرك مستانس بدنياه ياسر : يمااااااااااااااااه عاد انا شكو بغيري خلاص تكفين سكري الموضوع ام ياسر : انشالله قام ياسر وحب راس امه وقال انا بعيش لج عسا ربي مايحرمني منج ام ياسر : امين يالغالي ولامنك قطع عليهم الكلام صوت بشاير التفت ياسر على امه وقال خلاص يمه جت بشاير .. ام ياسر وهي تشوفه بحنان : لاتخاف ماراح اتكلم ياسربضحكه : ههههههههههاي بشاير وهي ماسكه ظهرها ونازله من فوق : أي ياظهري تصدق ياياسر الدكتور يقولي امشي بس انا مالي خلق عشان تسهل الولاده ياسر : وليش ماتمشين شلي مشغلج ام ياسر: الي مشغلها شافي لازم تقابله ولا ماترتاح بشاير وجها صار طماطه ولا عرفت تتكلم : يمه شنو لا وين ا ا ياسر وام ياسر :هههههههههههههههههههههههاي ياسر : طيب انا بروح لسوق شرايج تروحين معي منها تمشين ومنها اشوف الدنيا وش الي صار وش الي تغير واشتريلي ملابس بشاير : اوكي وانتي يمه تروحين معنا ام ياسر : لا والله انا تعبانه بجلس اصلح لكم العشاء ياسر : يله بروح ابدل ملابسي انزل القاج جاهزه بشاير وهي تهز راسها : اوكي يله انتظرك دخل غرفته وهو يحس بالضيقه الي دخلت قلبه تذكر ايامه مكانه الي يحب يجلس فيه ويكلم حنين ضحكه وبكاه معها كله كانت الغرفه شاهده عليه طالع بشكله وهو يشوف كيف ردة صحته له وكيف زادت وسامته رغم السنين الي حاولت تمحيها بس ماقدرت تمحي هالوسامه والجاذبيه الي في ياسر بدل ونزل لبشاير وطلعوا بعدها للمجمع بالسياره *** شغل ياسر المسجل وكانت فيه اغنية لمحمد عبده أون و رياح الليالي تونّي =و البرد في جوف(ن) كما الغار خاوي ما كن لي عقل(ن) ولا قلب كنّي=جذع(ن) وقف في وجه الايام قاوي بي عبرة(ن) محبوس تمتحنّي=في عيني و حلقي وصدري شكاوي بي من قديم الوقت جرح(ن) مكنّي=و بي من جديد أيام و قتي مكاوي إن قلت زانت خالف الوقت ظنّي=و إن قلت هانت عاجلتني بلاوي أجامل أيامي و لا جاملنّّي=هامت بي الدنيا هيام الخلاوي و الوقت جاير و الليالي أسهرنّي=و الحزن ما بين الضلوع متلاوي أون و كل(ن) يحسب إني أغنّي=عليل و كل(ن) يحسب إني مداوي[ سمعها ومر عليه شريط ذكرياته مع حنين تذكر ضحكتها تذكر دموعها الي مسحها بكفه تذكر عيونها الي تلمع بحبه تذكر عصبيتها تذكر شوقها تذكر لحظة وداعها له لما كانوا بالبحر لما شاف الخاتم المعلق باصبعها لما كانت بحظنه وتبكي على فراقه على الدنيا الي فرقتهم حس بالالم براسه من الافكار الي اجتاحت راسه وصارت تدور وينها وكيف حالها وش صار فيها تطلقت ولاحامل ولا حيه ولا ميته وش اخبارج ياعيون ياسر وش الدنيا مسويه فيج ياقلبي اسأله طارت براسه مااعرف شنو اجوبتها اه ياكثر وناتي واهاتي عليج .. &&&&&&&&&&&&& &&&&& ناصر: بابا ابي اروح للملاهي ابي العب عبدالرحمن : لا انا تعبان مافيه ناصر وهو يقرب من ابوه : شنو الي يعورك عبدالرحمن : راسي يعورني قام ناصر وهو يحاول يوصل لراس ابوه لين قدر يحبه: موووه الحين طاب صح عبدالرحمن يضحك : هههههههههههههاي أي طاب بس ماافيه روحه حنين وهي تضحك: حرام عليك يله وده خله يستانس عبدالرحمن : خلاص بوديه هو واخوه وامه خلينا نطلع للمجمع من زمان ماطلعنا حنين تبتسم : أي والله من زمان ماطلعنا ودي اشم هوا بعد عبدالرحمن وهو يقوم : يله بروح ابدل وانزل وانتي بدلي للعيال وخلينا نروح عشان نلعبهم حنين تأشر على عيونها: من عيوني عبدالرحمن وهو يصور ناصر وهو يلعب وجنبه ياسر يبكي: هههههههههههههههاي يسوري شوف بصورك يله شوفني يالبى قلبك يانصور والله انك تشبهلي بقوه حنين تضحك :تكفى عبدالرحمن خلهم يوقفون اللعبه ياسر يبكي عبدالرحمن يضحك : شوفي الفرق واحد يبكي والثاني ميت ضحك ههههههههههاي حنين تضحك: هههههههههاي لاتلومه اللعبه فرت مخه المسكين وهو توه صغير خلصت اللعبه ونزل ناصر وياسر الي شالته حنين وتحاول تسكته ناصر وهو يجر ثوب ابوه: بابا ابي العب هذي عبدالرحمن : يله خلنا نروح نلعبك التفتت حنين على ياسر تحاول تهديه : خلاص ياسر يله تبي تلعب هذي ياسر يهز راسه ومايبي يلعب مغير يبكي بشاير : الله شوف الفستان بصراحه روعه حق حمل ولااحلى ياسر يبتسم : طيب خلينا نشوفه عليج بشاير : دخلت وجلست تقوس الفستان وصار روعه عليها على طول شرته وراحت مع ياسر لمحل ثاني التفت ياسر وشاف الي تحوس عند ملابس الحوامل: يحول توج شاريه كيسين مايكفونج بشاير تضحك: يعني انا من اليوم وراك ولافتحت فمي يوم شبعت قعدت على راسي خلني اشتري براحه ياسر : انا تعبت وانا انطرج بالقياس بروح افتر وبرجع وراح القاج ماخلصتي بشاير تضحك: تصدق بغيت اقول وابيك وانت راجع تشتريلي عصير ياسر وهو يطلع من المحل ويجلس يطالع بالبنات وكيف لبسهم الي مو محتشم وكيف جرات الشباب مع البنات حس بتغير الدنيا كيف تقلب بيوم وليله حنين بعصبيه:بس ياسر ازعجتني اسكت كان ياسر يبكي ويضربها وحاس نقابها وشكلها عبدالرحمن وهو يشيله: عدلي شكلج عدلت حنين نقابها وبعدها طالعت بياسر الي كان ساكت وهو بحظن ابوه ناصر : بابا ابي ايس كريم عبدالرحمن : لا امش اروح اجيبلكم عصير وبطاط الايس كريم يعورك حلقك بعدين تتعب حنين : انا بجلس هنا وانتظرك انت وناصر ولاتنسون تجيبون لنا معكم عبدالرحمن وهو ينزل ياسر : ابشري يالغاليه جلست حنين بتعب على الكرسي وتشوف ياسر الي يمشي بين الناس وتضحك عليه بعدها اختفى قامت بسرعه تشوفه وشافته يتبع مره يظن انها امه ضحكة وصارت تنادي حنين: ياسر ياسر ياسر ياسر صوت يردد اسمه صوت عمره مانسه صوت كان دايم يطري في باله صوت اول ماسمعه حس بنبضات قلبه الي زادت صوت حرك براكين بداخله التفتت والبسمه ترسم شفاه اشتاق لها اشتاق لصوتها اشتاق لعيونها التفتت وهو كل امله انها تكون حبيبته وحياته هي الي تنادي حنين وهي تمسك ولدها رفعت راسها وطاحت عيونها بعيونه حست بمشاعر كانت خامده تحركة من بعد ماشافته وحركة معها جروح واهات حركة اشتياق وهيام حركة حب كان يحاول ينام سبات ابدي بس قام من سباته اه عيونها كلها حب عيونها مثل ماخليتها بس فيها لمسة حزن تلاشت من اول ماشفتها تلاشى حزنها حسيت بنبضها رغم مرور هالسنين الا انها مثل ماهي ماتغيرت مثل ماشفتها اول مره الا انها زادت جمال طول عمره راح يكون الوسيم وطول العمر عيونه تكون عذابي طول عمري راح احبه اكذب اذا قلت مااحبه كل هالسنين احسه زاد بالجمال احس بعيونه تحكي الشوق احس بانفاسه السريعه قلبي ينبض باقوى شي حسيت كأن بهالدنيا انا وياه نسيت الناس مااسمع صوت احد كل الي اسمعه صوته الي اشتقت له عيوني كانت تغرق بالدمع ماقدرت اكبت مشاعر الشوق استانست بشوفته حسيت بالفرح طغى قلبي اه كم اشتقت لهالحظه من زمان ياسر وعيونه تلمع دموع: شخبارج ياحنين حنين والدموع تسيل على نقابها : اخباري مثل اخبارك ابتسم ياسر : اشتقتلج يابعد عمري حنين والدموع تزيد مع كل حرف ينطقه ياسر : ياسر حنا بمكان عام ياسر وهو يقرب ودمعه انسابت على خده: احبج ومارح انساج ولاراح انساج لين ياخذني الموت حنين من سمعت هالكلمه حست بدقات قلبها الي تزيد وشهقاتها الي تحاول تمسكها ياسر وهو يشوف الطفل الي ماسكته: منو هذا حنين وهي تشوفه وبصوت متقطع: هذا ياسر ووولدي ياسر من سمع كلمة ولدي كان توه بيتكلم حس بخطوات شخص تقترب منه ابتعد وهو يشوف عبدالرحمن الي يبتسم ويحظن حنين وصارو يمشون كعائله سعيده حس بالغيره الي طغت على قلبه شاف حنين الي اول ماشافت عبدالرحمن مسحت دموعها ونزلت طرحتها على عيونها تحاول تخفي دموعها حس بالنار الي تشب وسط جوفه من شاف حبيبته مع غيره من شاف الطفل حس انه فتح جرح بقلب حنين وبقلبه جرح مارح يبرى ابداً جرح راح يكون مفتوح للكل اما حنين من تلاقت عيونها بعيون ياسر حست انها طول هالسنين تكذب انها نست حب ياسر من اول نظره حست لو انها ارتمت بحظن ياسر وبكت بكل شوق ولهفه بس ماقدرت لان ولدها موجود ماتقدر تخون ماتقدر حست بنزيف بقلبها وبكل اسى عرفت ان ياسر هو الحب الاول ومستحيل تنساه 4 سنين كانت كفيله بمحيه بس نظره اوقدت الحطب الي الي بقلبها واشعلته من جديد وصعب اخماد هالنار معاناه جديده انفتحت على حنين ظنت انها راح تقدر تنساها ياسر الي ظن انها تشافى حس بألام الدنيا فيه حس بالنار الي تاكل قلبه كره نفسه وتمنى الموت ولا يشوف حنين وهي وسط عائله كم تمنى انه هو وحنين وعيالهم بهالاطار لكن انها تكون بأطار غيره هذا لي يخلي القلب يشتعل من الحسره حس انه مستحيل يحب غيرها مستحيل حس من نظراتها بكلام ماقدرت تنطقه بس فهمه بلغة العيون حسب كلمة احبك موت في عيونها ابتسم لما تذكر ياسر الصغير الي يشبه لحنين بكل شي حس بالدموع تسيل تحاول تطفي لهيب لقبه الي اشتعل اما حنين مسكت ياسروهي منسدحه على السرير لمسة خده على مكان بوسة ياسر باست ياسر في المكان الي باسه ياسر احـــــــــبــــــك وراح احتفظ بهالحب لنفسي مستحيل اهدم حياتي واشتت عيالي عشان اسعد نفسي ابيع سعادتي واخليها لهم وبس بكت بحرقه وهي تحس بقساوة الدنيا كيف فرقتهم وجمعتهم عشان تفتح الجروح وتخليها تدمي من الحسره والقهر تستلذ فيها بعد كل هالسنين ولما نقول نسينا لوحة لنا بطيفهم وبكل لؤم قالت تـألمو اكثر واكثر حبنً بذلنا ايتها الدنيا هنيئاً لك فلقد تلذذتي بعذابنا وجروحنا مرةً اخرى فماذا تريدين اكثر ؟ ياسر كان تعبان وحس بالموت يقرب منه كل ماتذكر شوفته لحنين تزيد الطعنات بقلبه حس انه من فارقها وهو متعذب حس بالوعه والوله والشوق كلها تعذبه تعب وهو يفكر فيها ولما يتذكر عبدالرحمن ويوم حاوطها بذراعه على خصرها وهو يحس بالنار الي تشب بقلبه ياسر مو متأقلم على فكرة ان حنين خلاص راحت ولا راح ترجع للحين وهو يأمل انها ترد له ومستعد يعوضها بكل الي تبيه بس حنين رافضه لانها بكذا راح تكون انسانه انانيه ماتفكر الا بنفسها حبت تلم زوجها وعيالها وتكون لهم وبس وسعادتها تكون بسعادتهم لأخر لحظه بحياته وهو ينطق اسمها الي معلق بلسانه ومستحيل يتخلى عنه ابداً مات ياسر بعد شهر لان الحسره والتعب كلى قلبه تعذب والسبب الحب هو سبب موتة ياسر بشاير انصدمت هي وامها بوفاة ياسر وانكسرت فرحتهم بردته لهم وصارو يعيشون بحزن والم وقررت انها تسمي الي بطنها بأسمه وشافي كان مايعترض ومقدرها وقف معها وصار يواسيها يحاول يدخل البسمه لقلبها من جديد رغم قساوة الدنيا عليهم فرحتهم ولا خلت فرحتهم تكتمل بس كان ياسر مستحيل يعيش وهو على ذا الحال وكان الموت ارحم له من هالعيشه الي كلها قهر وجرح قلوب وذكرى اليمه .. &&&&&&&& ، ، ، ، قررت بشاير وامها انهم يتركون البيت ويعيشون في مكان بعيد مكان مافيه لا الام ولاحزن مكان فيه حياة جديده في كل ركن من البيت صوره لياسر وهو يضحك وهو يتهاوش مع بشاير وهو منسدح وهو ياكل في كل مكان له ذكرى ولاقدرو انهم يعيشون وتتقطع قلوبهم اكثر فقررويدورون على بيت جديد .. لمت كل اغراضها بمساعدة شافي ولا حبوا ياخذون أي شي من اليت تركوا كل شي على ماكان .. دخلت بشاير غرفة ياسر عشان تودعها اخر وداع وتسلم على روح اخوها دخلت وهي تبكي وانسدحت على سرير اخوها وهي ضامه المخده الي فيها ريحة الغالي بكت بحرقه والم بكت من كل قلبها طول عمرك ياياسر متعذب بحياتك اه مااقسى هالدنيا .. حست بشي تحت مخدة اخوها رفعتها ولقت فيها ظرف مكتوب عليها الى نبض قلبي (حنين ) زاد بكاها اكثر اه ياياسر كنت حاس انك بتموت ياحبيبي وكاتب لها وصيتك اه عليك يااخوي .. قررت انها ماتفتح الظرف وتسلمه لحنين لان هالشي راح يفرح ياسر وهو بعيد حبت انها تعوض الي راح والي سوته في حنين وياسر يوم زواجها وخذت وعد على نفسها انها تسلم هالظرف لحنين .. ؛ ؛ ؛ الخدامه :مادام حنين فيه حرمه يجي هو يعطي انا هذا يقول عطي حنين .. حنين متفاجأه حرمه !! طيب عطيني الظرف وروحي شوفي شغلج .. خذت حنين الظرف وسكرت باب غرفتها وانسدحت على السرير تشوف شنو في هالظرف .. فتحته ولقت ورده جافه وميته ولقت ورقه فتحت الورقه وقرت الي فيها .. شفت الحبيبه وارتبكت وتعثرت في مشيتي من زود شوقي وخوفي شوقي لها والخوف مما تصورت من بيننا كن العواذل وقوفي حارت بماقفها وانا تهت واحترت يادوب بس نسمع همس الحروفي قالت هلا باللي بفقده تفكرت مدري نسى ولا بفعل الصدوفي رحبت وقلت ومن خلق ماتغيرت مير الحقيقه مبعدتني ظروفي لوتدري انك دون ماتدري اسهرت عيني ولجلك زاد جرحي بجوفي ماكان طولت الغياب وتأخرت رغم ان قلبي لك محبٍ عطوفي اشتقت لحظة شفت صورتك وانهرت وخطرٍ علي افقد من الحزن شوفي زادت بي اشواق الخفوق وتذكرت ذيك السنين اللي نوت بالنكوفي قلت اه واللي صورك فيك مابرت ولا لي سواك بناقشات الكفوفي ولو حطت الشمس بيدي ماتكبرت ولانساك ياريمٍ تقود الخشوفي وفزت قبل باق الكلام وتحسرت وشفت الدموع بعين ذيك الهنوفي ,, يمكن تقرين هالقصيده وانا تحت الثرى لكن اعرفي زين ياقلبي اني لو كنت بسابع ثرى عمري ماانساج وادري انج ماراح تنسيني ودايم ترددين اسمي ,, مع تحيات مجنونج ..يــــاسر .. ******** قرت حنين الورقه وكان الي مكتوب فيها زي الصاعقه بالنسبه لها وكل ماقرت سطر من القصيده زادت دموعها لين وصلت للكلام الاخير وعرفت ان ياسر ودع الدنيا وهو هيمان فيها انهارت حنين وضمت الورقه وقعدت تبكي بصمت وقلب يحترق على فراق الحبيب .. ؛ ؛ ؛ ؛ ؛ ؛ ؛ ؛ غزل وفيصل جابو ولد وسموه سعود تركي ودلال قرروا انهم يجيبون عيال لانهم عقلو ولاصاروا يتهاوشون ولايطاقون حنين وعبدالرحمن كملوا مسيرة زواجهم ويوم عن يوم عبدالرحمن يتعلق بحنين وحنين تبتسم رغم قساوة الحياه وحبت انها تكون احسن زوجه وام رغم النبض الي مازال يدق باسم ياسر لاكنه بغرفه خاصه بقلب حنين ماتحب احد يطلع عليه علي قرر انه يتزوج اخيراً واصر ان حنين هي الي ادور له على عروس نواف قرر يكمل وياخذ الدكتوراه في الطب على خطى علي وعشان اخوه سعود الي دايم يكرر على مسامعه يادكتورنا ؛ ؛ ؛ ؛ ؛ ؛ ؛ ؛ ؛ ؛ الــــــنـــــهـــــــــــايـــــــــــه
	توقيع :

فترة الأقامة : 4675 يوم

زيارات الملف الشخصي : 2422

إحصائية مشاركات »

المواضيـع الــــــردود [+] [+]

بمـــعــدل : 8.17 يوميا

معانى الورد

مشاهدة ملفه الشخصي

إرسال رسالة خاصة إلى معانى الورد

البحث عن كل مشاركات معانى الورد