منتديات حـــبة حــب - عرض مشاركة واحدة

معانى الورد · #1 12-05-2013, 04:07 PM

شاب بخيل خاطب بنت بخيله ومتن انه لما ييجي عند بيتها يصفر لها فتنزل و يخرجوا مع بعض، وبعدين قالت له بلاش تصفر تاني عشان الجيران عرفوا حكاية الصفارة، لكن إذا جيت وعايزنا نطلع أرمي عملة فضة ع البلكونة وأنا هاسمع رنتها وأنزلك، الشاب جه تحت البلكونة و رمى العملة واستنى ساعة ساعتين والبنت ما نزلتش ، فنده عليها ما نزلتيش ليه؟ قالت: بدوّر ع العملة رد عليها : انزلي خلصينا ، انا رابطها بخيط

**********

واحده بتقول لجوزها انت ليه يا اخويا مش بتعمل زى ابو محمد جارنا قالها بتعمل ايه قالتله كل يوم قبل ما بيروح شغله لازم يبوس مراته قالها يا حبيبتى انا معنديش مانع بس تفتكرى ام محمد هتوافق!

***********

طالب لمض فى الامتحان قاعد يغش ،الاستاذ قاله من غشنا ليس منا ...الطالب قال من راقب الناس زاد هما
***********

تلميذ قال لأبوه : يا بابا انا مدرس الحساب طردنى، قاله ليه يابنى ؟ قاله : الاستاذ سألني 2+3 كام ؟ قلتله خمسة، فأبوه قاله : صح كده....و بعدين؟ قاله الولد : وبعدين راح سألنى 3+2 بكام ؟ فأبوه قاله هى هى يا روح أمك الواد قاله : ما هو ده اللي انا قلتهوله بالظبط

***********

واحد بخيل دخل على ولاده يزعق بصوت عالى علشان مشغلين المروحة على 3 وهم 2 بس

************

ضابط جيش بيعلم الجندي ''سبع الليل'' قيمة السلاح، سأله ايه اللي في ايدك دي يا عسكري، قاله بندقيتي يافندم..قاله لأ دي مراتك وشرفك..وبعدين راح الضابط للعسكري اللي بعده قاله ايه اللي في ايدك دي يا عسكري، قاله دي مرات ''سبع الليل'' زميلي

هههههههههههههههه

اتمنى ينالو الاعجاب