منتديات حـــبة حــب - عرض مشاركة واحدة

ضى القمر · #1 10-28-2013, 12:54 PM

ياجرح بستأذنك بانام لي ساعة

وأرجوك دخيل الله لاتصحّيني

لي خمسة ايام اعيش السّمع والطّاعة
ولك خمسة ايام تأمرني وتنهيني
والمشكلة جَتْ عروق القلب فزّاعّــة
..مايكفي إنَّك سرقت النوم من عيني
أصبحت أنا الغاز وأنت أمسيت ولاّعة
..شبيتني يلعن أهلك وش يطفّيني
دكتور وممرضة وإبرة وسمّاعة
في كل ليلة ولايدرون وش فيني
ياسيدي الجرح قلبي يشتكي راعه
لا الذنب ذنبي ولا الموضوع بيديني
حبيت واخلصت وأثر الحب فقّاعة
روّح وباقي يموتني ويحييني
غيري هدر دم عشق وللأسف باعه
غيري قتل كل حب بحد سكيّني
وأنا اللي أصبحت للأخطاء شمّاعة
وادفع ثمن كل غلطة من محبيني
قبلي في العشق ناس وتشكي أوجاعه
قالوا متاهة وأنا جيته برجليني
بدايته سلسله ..والنّفس طمّاعة
اغراني أدري ولا في شي يغريني
واليوم لو قلت ياأهل الحب وأطباعه
انتوا على دينكم وأنا على ديني
أجبرني الجرح أعيش السّمع والطّاعة
حتى ولو قلت له ياجرحي اعفيني
من خمسة أيام وأنا في رجاه ساعة.
.وإن جيت بانامها جرحي يصحّيني