منتديات حـــبة حــب - عرض مشاركة واحدة

ضى القمر · #1 04-30-2013, 05:05 AM

قالت علامك تلبس شماغ وعقـاال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشارع بعرضـه وطولـه
قالت أجل راعـي معاميـل ودلال
شرب القهاوي تحسبونـه بطولـه
كيفي يابنت الاوادم دله وفنجـال
وحليب خلفـه بالمـراح معقولـه
وحب الكرم والجود وعلوم الرجال
مغروس فينا من زمـان الطفولـه
قالت ترى بنت البدو حظها مـال
قلت احذري حذرا تكوني جهولـه
بنت البدو يابنت مضرب للامثـال
فوق الجمال وطاعـة الله خجولـه
ماحطة اصباغ ولا حطت ظـلال
ولا سيرة بالسوق سيـر مهبولـه
هي مهرة تصعب على كل خيـال>
وانتي ومثلك عسفهـم بالسهولـه
قالت تغزل بي وشف حبة الخـال
ناظر عيوني والرموش الكسولـه
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصـدق تنقـال
الزين ماهو من شروط الرجولـه