منتديات حـــبة حــب - عرض مشاركة واحدة

معانى الورد · #1 03-08-2013, 04:28 PM

--------------------------------------------------------------------------------

سألوها نفس السؤال
هوا إنتِى لسه بتحبيه
ردت وقالت لاء مُحـال
إستحاله هبقَــى عليه

الكدب بــان فـى عنيهــا
وفـ كمـان رعشـه ايديهـا
لمـا سمعت إسمه فجأه
من صحابه بينادو عليـه

وشها قلـب الوان
وإفتكرت كل الاحزان
إفتكرت ساعتهــا لما
كان حياتها كان أملهــا
كان هوا كُـل الاحـلام

إفتكرت ايـام ما كانت
بتصحى يوماتى على كلمتين
صباح الورد يا أميـرتى
وتنـام على صــوت ورقه
تصبحِـى على خير يا حبيبتِى

إفتكرت الخوف عليها
وإحساسها برعشه ايديها
لما ايديه لمست ايديها بالغلــط

إفتكـرت أيــام ما كان
ليها هيــا لوحدها
وإنه كان مالى عنيها
ومالى حياتها وقلبها

إفتكرت لما تاه الحب وضاع
والفراف بين يوم وليله
إفتكرت كل الجراح وكل ايامها الحزينه

إفتكرت كلامه لما هان عليه
دموع عنيها وحُبهــا
وإفتكرت حياته لما عاشها
ومزعلش يوم على بعدها

إكتشفت انها منستش
وإنها لسه بتفكر فيه
وإن سؤال صحابها ليها
إنتى لسه بتحبيه
رجع ليها كل المواجع
وقلب ليها كل الاّلاّم
وإنه لسه لقلبها ولعقلها كل الاحلام