منتديات حـــبة حــب - عرض مشاركة واحدة

غربة المشاعر · #1 09-10-2011, 02:00 PM

محاكمة مبارك

شهود الجلسة راكبين صواريخ
جايين م الزهرة أو المريخ
لا شافوا رصاص ولا شافوا سلاح
فى الماتشات بيشوفوا شماريخ

بينفوا كلامهم قالوا ما حصلش
والعادلى يا عينى واخدينه كبش
وأمر الضرب ما جاش م الشرطة
وماتوا الشهدا م الخضة يا درش

على رأى إمام شهود ما شافوش
اسمى مكتوب لأ ما تحطوش
طب والقتاصة يتبعوا مين
تبع العفاريت عننا حوش

الجلسة دراما اوعى التصوير
لا خيال كاتب يهديه تفكير
ولا مخرج شاطر يوصل للفولة
ولا حد هايفهم ويقول تفسير

ألفين واتصابوا والألف دا مات
موتة من ربك يمكن يسكات
ورصاص دا فشنك يعلم من بره
ولا حد يا عينى برصاصهم مات
وعجيبة يا ناس خافوا اللواءات

غيروا فى كلامهم بعد مفاوضات
بركاتها فلوسنا مسحوا اسطوانات
وجايين الجلسة كشهود إثبات

سمعنى الضحكة وقول الرحمات
ارجع لضميرك دا التعلب فات
عايب من قولك ياللى بتخدعنا
الناس وضميرها غايب لأ مات