منتديات حـــبة حــب - عرض مشاركة واحدة

ضى القمر · #1 08-21-2012, 08:14 AM

أنا ورقه
و دبلانه على غصنك
فا ليه ماسك كدا فيا
و ليه عايز تراضينى
أنا عارفه يا نور عينى
بأنك مش هتتخلى
لكن قدرى و مكتوبى
أفارق غصن محبوبى
و أقع من جنتك وحدى
على الارض اللى مبترحمش
بحبك
بس مستحملش
تعيش ف تعاسه من بعدى
و أهو مزهزه على فرعك
ورق أخضر
و ذاكر ربنا أكتر
و مغرم بيك
و مفتكرك ف صلواته
فا سبنى لو أقع و أرتاح
يا أجمل غصن ف الدنيا
منيش حمل أشيل ذنبك
و لا حمل ذنوب تانيه
و لو تشتاقلى يوم مره
بلاش تبكى
ياريت تضحك
و أنا برضو كمان هضحك
ما أصل الحب
مش هيموت مع الفرقه...
و قصه حبنا هتعيش
غرام الغصن و الورقه ...