لا تسأليني امانـه ليـه انـا جيتـك !
في داخلي شي قـال إنـك وحشتينـي
شي ٍ اخذنـي و ودانـي علـى بيتـك
إبـلا شعـور امشـي ودل العناوينـي
من يـوم رحتـي ترانـي ماتناسيتـك
وانتـي بعـد ياعيونـي مانسيتيـنـي
وش فيها لاجيت كلي شوق وضميتـك
ودي أضمـك غـلا واشوفـك بعينـي
غلاك ونبرات صوتـك مـع تناهيتـك
صاروا في عمري ياعمري شي روتيني
كلمـة أحبـك قليلـه مهمـا حبيـتـك
احساسي اقوى من احساس المحبينـي
ودي اوصّف شعـوري يـوم لاقيتـك
لكن تضيع الحروف ان جيت وجيتينـي
تبينهـا بإختصـار ( انـا تعاطيتـك )
( مدمن ) وربي على الادمـان بالينـي
من قبل اعرفـك وانـا يامـا تمنيتـك
هواك عن شوفـة الترفـات معمينـي
واليوم في داخـل الشريـان حطيتـك
برضاك تسرين فـي كـل الشرايينـي
لا تسألينـي امانـه ليـه انـا جيتـك
في داخلي شي قـال إنـك وحشتينـي
شي ٍ لو إنـك تحسينـه وسـط بيتـك
طلعتي من باب بيتـك ثـم حضنتينـي