منتديات حـــبة حــب - عرض مشاركة واحدة

معانى الورد · #1 07-29-2012, 04:42 PM

دوامة الحياة بتلف بينا زى الساقيه
على فين واخدانا مش عارفين ..

بتنسينا جيرانا وأهالينا وحتى نفسنا
ناسيين مش فاكرين ..

مغمضين والدنيا سودا فى عينينا
وبرضه فى سكتنا ماشيين ..

سكتنا هى اللى بتمشينا وتودينا
مش زى ماحنا عايزين ..

بنحلم بحاجات ونتمنى حاجات
وحتى الحلم مش طايلين ..

قاسيه علينا الدنيا وهتدينا ليه
ماهى مبتديش محتاجين ..

دورى يادنيا ولفى بينا ودوخينا
ماحنا فى ساقيه مربوطين ..

أقسى كمان ومرمطى فينا
وشربينا مر السنين ..

بطلنا نبكى ولاحتى نشكى قسوة زمانا
والشكوى ايه فايدتها
لناس ماتت من سنين