حبيبى فـرد لى درعاته وفى بحـرحبه علشان يعلمنى فن العـــوم
***
وقــال لى تعــالى نسبح ســـوا يااللى بيزيـد غــلاك يوم ورا يوم
***
اغــرق فى بحرى ولايهمـك ياســعدى بـك حــبيب روحى دوم
***
ضمنى لصــدرك روحى وخدنى لحنــــانك اللى أنا منه محروم
***
واروى عطشى وطفِّـــى نارحبـــك اللى قلبى فيهــــا محمـــوم
***
تعالى نغطس سواتحت المية لايشوفنا شمس ولاقمرولانجوم
***
داالقلب هيمــــان فيك وما قَــدرعلى بعادك وصاربك مغـــروم
***
طلعت لى من وين يااللى مليت على الدنيا ياحبى المضـــروم
***
خليتنى بين إيديك زى العجينة وارتميت فى حضنك مرغـــوم
***
لفلف بدرعــاتك علىَّ وسيبنى غرقــــان فى بحــــر حبك دوم
***
الكـــل بيبص لى ويستغرب على حبى لك ووجهوا لى اللـــوم
***
وقالوادا مجنـــون وإيه اللى صابه وحتى كلامه غيرمفهـــوم
***
هــو رايح يحب فى السن ده مش ممكن.. يادى حبه المزعوم
***
قلت خليهــم يتكلمواوما يعرف هيامى بحبك إلا الحى القيـــوم
***
كل مااحاول أمسك قلبى عنك حبيبى فشلت وارجــع مهـــزوم
***
حبيبى ياسبب فرحى خــدنى لحنانك وخلِّى قلبك علىَّ يحــــوم
***
تعالى نسهر الليــل ونتســامر ومايحلى السمرإلاعنـــد النــوم
***
مصطفى منصور
8/9/2014