منتديات حـــبة حــب - عرض مشاركة واحدة

معانى الورد · #1 04-15-2014, 06:17 AM

أحبـكـ قلتهـا بقلبـي ..... وباحساسـي وبلسانـي
كثير قلـوب ترجيهـا ..... ولكـن لا يهمّونـكـ

أحبكـ ما أبي غيركـ ..... ولـو غيـركـ ترجّانـي
أنا شاريك ما بيعـكـ ... إذا غيـري يسومونـكـ

أموت اشتاق لكـ كلي .... أبيـكـ تـزور أعيانـي
خفوقي يا غلا ينزف .... ولهـ واشواق مـن دونـكـ

أطير من الفرح لا من .... لفـى صوتـك وحيّانـي
أحس اني أهم الناس لا من قلتلي : شلونـكـ

ألوم النفس لامن قلت : بكيت ومـا أحـد جانـي
أنا وش عاد يضحكنـي ... اذا العالـم يبكّونـكـ

إلى منّك تضايقت .. أنا المسـؤول والجانـي
أنا المفروض ما أرضـى ... أخلّيهـم يزعلونـكـ

أحبكـ زود عن روحي عن اعمامي عن اخواني
وباقي الناس يا عمري .. تـرى والله يفدونـك

عليم الله لا قلت : ][ أحبك ][.. زالت احزانـي
واذا قلت : ][ أحبك موت ][ صحت وقلت : مجنونكـ

غدير الحب في قلبكـ .... حنان ولهفـة اروانـي
أذوب بهمسة ٍ عذرا .... وأثبت إني مفتونك

أنا في دنيتي تايهـ .. ولا ادري ويـن عنوانـي
ويوم اني عرفتكـ صار عنواني هو : عيونكـ

أغار من امكـ وعمكـ .. وهذا وذاكـ .. والثاني
أغار من اصغر اخواتكـ ولا ودّي يشوفونكـ

منى عيني أضمّكـ لي ... وامســّــح ذيـكـ الاوجانـي
ألاعب خصلة ٍ يمنى ويسرى تعتلي متونكـ

عيوني لو تطلبها .. لقيت الكـل .. هنّانـي
ترى روحي مع عيوني مناهم بس .. يرضونكـ